ABŞ-də hərbçilərin peyvənddən sonra ölüm halları araşdırılır
ABŞ-də hərbçilərin COVID-19-a qarşı peyvənd olunmasından sonra baş verən ölüm hallarının vaksinasiya ilə əlaqəli olub-olmadığını müəyyənləşdirmək üçün araşdırmaya başlanılıb.
Far.Az xəbər verir ki, bu barədə "Politico" məlumat yayıb.
Araşdırmaya hərbi həkim Tereza Lonq rəhbərlik edir. Onun sözlərinə görə, araşdırma çərçivəsində hərbçilərin koronavirusa qarşı peyvənd olunmasından sonra baş verən 2 500-dən çox ölüm barədə məlumat nəzərdən keçirilir.
Tereza Lonqun sözlərinə görə, o, ABŞ-ın səhiyyə naziri Robert Kennedi və Pentaqon rəhbəri Pit Heqsetlə əməkdaşlıq edir.
Hərbi həkim bildirib ki, şəxsən bildiyi 28 ölüm halının onun ilkin qiymətləndirməsinə əsasən peyvəndlə əlaqəli ola biləcəyini düşünür. O, həmin hadisələrlə bağlı əlavə məlumat açıqlamayıb.
Araşdırma zamanı əsas məqsəd vaksinasiya ilə hərbçilərin ölümü arasında səbəb-nəticə əlaqəsinin olub-olmadığını müəyyənləşdirməkdir. Söhbət ABŞ-nin keçmiş prezidenti Co Baydenin 2021-ci ildə hərbi qulluqçular üçün COVID-19 vaksinasiyasını məcburi etməsindən sonrakı dövrdən gedir.
Qeyd edək ki, daha əvvəl ABŞ Prezidenti Donald Tramp COVID-19 vaksini qəbul etməkdən imtina etdiklərinə görə hərbi xidmətdən uzaqlaşdırılan hərbçilərin xidmətə bərpa ediləcəyini açıqlamışdı. Onların əvvəlki rütbələrinin qaytarılması, əməkhaqqı və müvafiq güzəştlərin ödənilməsi nəzərdə tutulurdu.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Pentaqon COVID-19 vaksinasiyasının hərbçilərin ölümləri ilə mümkün əlaqəsini araşdırır
Ən son xəbərləri bizim
"Facebook" səhifəmizdə izləyin
Digər xəbərlər
-
"Bitly" "X"də kiber hücumun fəsadlarını aradan qaldırmağa çalışır
-
Bəhrəmtəpə hidroqovşağında təmirə görə İmişlidə suarma kanallarına suyun verilməsi dayandırılacaq
-
ABŞ HDQ-nin üçüncü təyyarədaşıyan gəmisi Yaxın Şərqə gəlib
-
Ağstafada sursat partlayışı nəticəsində xəsarət alan şəxsin durumu açıqlanıb
-
Türkiyədə bir neçə ev yanıb, zərərçəkənlər var
-
Sabah Bakıda bu ərazilərdə su olmayacaq













