"Rayonlarda həkim çatışmazlığı demək olar ki, bütün ixtisaslar üzrə özünü göstərir. Xüsusilə dar ixtisaslar üzrə mütəxəssislərin sayı kifayət qədər deyil. Bunun əsas səbəblərindən biri Bakı şəhərinə həddindən artıq axının olmasıdır".

Bunu BAKU.WS-ə açıqlamasında tibb elmləri doktoru, infeksionist Adil Qeybulla deyib.

Tanınmış profesorun sözlərinə görə, insanlar daha yaxşı həyat və iş imkanları əldə etmək məqsədilə paytaxta köçməyə çalışır və bu da Bakıdakı əhali sıxlığını artırmaqla yanaşı, regionlarda mütəxəssis çatışmazlığını dərinləşdirir:

"Rayonlarda həkimlərin fəaliyyət göstərməsini təmin etmək üçün məcburi yanaşmadan daha çox stimullaşdırıcı tədbirlərə üstünlük verilməlidir. Heç kim zorla rayonda işləməyə məcbur edilə bilməz. Belə yanaşma əks nəticə verə, hətta mütəxəssislərin ölkədən getməsinə səbəb ola bilər. Dünyada sərhədlərin açıq olduğu və həkimlərin müxtəlif ölkələrdə imtahan verərək işləyə bildiyi bir şəraitdə mütəxəssislərin ölkədə saxlanılması üçün real motivasiya yaradılmalıdır.

Digər tərəfdən, pensiya yaşına çatmış təcrübəli həkimlərə münasibət də yenidən nəzərdən keçirilməlidir. Bu insanların illərlə topladığı təcrübədən istifadə etmək və onları səhiyyə sistemində qorumaq daha məqsədəuyğun olardı.

Cəmiyyətdə həkimlərə qarşı formalaşan təzyiq də ciddi problemdir. Xəstənin dünyasını dəyişməsi hər zaman həkimin günahı demək deyil. Belə hallarda ölüm səbəbinin müəyyənləşdirilməsi üçün tibbi araşdırmalar, o cümlədən zəruri hallarda yarılma aparılmalıdır. Bu məsələlər emosiyalar və ittihamlarla deyil, hüquq və qanun çərçivəsində həll edilməlidir".

Orxan Hüseyn

Oxşar xəbərlər

Həyatda yaxşı şeyləri niyə görmürük? - Tanınmış simaların FİKİRLƏRİ

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıdakı hərbi paraddan maraqlı FOTOLAR

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2