İstanbuldakı şiddətli leysan yağışları və sel şəhərdə həyatı iflic edib.

BAKU.WS xəbər verir ki, Sarıyer də daxil olmaqla bir çox rayonda nəqliyyat vasitələri sulara qərq olub.

Güclü yağışlar səbəbindən küçə və prospektlər, yeraltı keçidlər, tunellər, mağazalar gölə dönüb. Evləri su basıb.

Bir çox avtomobil yollarda qalıb.

Boğazköy ərazisindəki Alibey çayının daşması nəticəsində sel suları yaxınlıqdakı məktəbin həyətinə dolub.

Nəqliyyat və İnfrastruktur Nazirliyi əlverişsiz hava şəraiti ilə əlaqədar İstanbul Havalımanına eniş edə bilməyən 43 təyyarənin alternativ hava limanlarına yönləndirildiyini açıqlayıb.

İstanbul Valiliyinin verdiyi məlumata görə, Fatih rayonunun Balat məhəlləsindəki Çukurbostan parkında 14 yaşlı M.I. gölməçədə addımlayarkən onu cərəyan vurub.

Xəstəxanaya çatdırılan yeniyetmənin həyatını xilas etmək mümkün olmayıb.

Digər bədbəxt hadisəsi isə Sarıyer rayonunun Ayazağa məhəlləsində qeydə alınıb.

Dereboyu küçəsində yolu keçməyə çalışan 34 yaşlı S.Y. sürüşərək başını səkiyə çırpıb və su axınına düşüb.

Ətrafdakı şəxslər tərəfindən sudan çıxarılaraq xəstəxanaya aparılan şəxs həkimlərin müdaxiləsinə baxmayaraq dünyasını dəyişib.

Hazırda hər iki faktla bağlı araşdırma aparılır.

Oxşar xəbərlər

Şimal-qərb bölgəsində leysan yağışları olub, dolu düşüb

Məktəbin ilk günündən FOTOLAR

Doğulanda həkimin əlindən düşən, övladını itirən, depressiyadan çıxa bilməyən, 35 yaşında vəfat edən Ece İrtemin HEKAYƏSİ

Lənkəranda sel suları həyətyanı sahələrə dolub

Dərnəgüldə yanan obyektin yaxınlığındakı mağazalar təxliyə edilir