2026-cı ilin yanvar-sentyabr aylarında Gürcüstandan 143 Azərbaycan vətəndaşı deportasiya edilib.

"Far.Az"un Gürcüstan bürosu xəbər verir ki, bu barədə ölkənin Daxili İşlər Nazirliyinin rəsmi statistikasında qeyd olunub.

Bildirilib ki, cari ilin ilk 9 ayında Gürcüstandan ümumilikdə 3170 əcnəbi çıxarılıb. Bu göstərici 2025-ci ilin bütün ili üzrə qeydə alınan 1311 nəfərlə müqayisədə təxminən 2,5 dəfə, 2024-cü ildəki 363 nəfərlə müqayisədə isə təxminən 9 dəfə çoxdur.

2026-cı ilin ilk 9 ayında Gürcüstandan ən çox vətəndaşı deportasiya edilən ölkələrin ilk onluğuna Türkiyə – 791 nəfər, Hindistan – 306 nəfər, Türkmənistan – 274 nəfər, Rusiya – 254 nəfər, İran – 180 nəfər, Azərbaycan – 143 nəfər, Çin – 119 nəfər, Pakistan – 101 nəfər, Misir – 91 nəfər, Özbəkistan – 87 nəfər daxildir.

İlk onluğa daxil olan ölkələrin vətəndaşları Gürcüstandan deportasiya edilənlərin ümumi sayının 74 faizindən çoxunu təşkil edir.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Braziliya, Polşa, Çin, Nepal, Hindistan, BƏƏ, Fransa və Tunis vətəndaşları Azərbaycana təxliyə olunub

Prezident İlham Əliyev Əfv Sərəncamı imzalayıb

Banqladeş, Qətər, Pakistan vətəndaşları İrandan Azərbaycana təxliyə olunub

Çin vətəndaşları İrandan Azərbaycana təxliyə olunur