Hörmüz boğazında daha iki neft tankeri minaya düşərək partlayıb
Far.Az xəbər saytı

Hörmüz boğazında daha iki neft tankeri minaya düşərək partlayıb


Hörmüz boğazında ABŞ hərbçilərinin istiqamətləndirməsi və döyüş təyyarələrinin müşayiəti ilə cənub marşrutundan istifadə etməyə çalışan iki neft tankerinin dəniz minasına düşərək partladığı iddia olunur.

Far.Az xəbər verir ki, bu barədə İran İslam İnqilabı Keşikçiləri Korpusu (SEPAH) məlumat yayıb.

Açıqlamada bildirilib ki, tankerlərin minaya düşməsindən sonra baş verən güclü partlayışlar Hörmüz boğazını saatlarla işıqlandırıb. Hadisənin əvvəlki gün partlayan iki tankerin yaxınlığında baş verdiyi qeyd olunub.

İran tərəfinin iddiasına görə, hadisələr nəticəsində boğazda alovlanaraq batan tankerlərin sayı altıya çatıb. Partlayışlar nəticəsində yaranan çirklənmənin boğazın sahil ərazilərinə yayıldığı da bildirilib.

SEPAH tankerlərin hədəfə alınmasını ABŞ-ın dəniz blokadasına və Hörmüz boğazında İranın müəyyən etdiyi qaydaların pozulmasına cavab tədbiri kimi qiymətləndirib.

Açıqlamada neft şirkətlərinə xəbərdarlıq edilərək, boğazın cənub marşrutunun dəniz minaları ilə döşəndiyi iddia olunub. ABŞ hərbçilərinin açıqlamalarına əsaslanaraq həmin marşrutdan istifadə edən şirkətlərin gəmilərinin təhlükə ilə üzləşə biləcəyi vurğulanıb.

Oxşar xəbərlər

Türkiyə mediası Prezident İlham Əliyevin Təhlükəsizlik Şurasının iclasındakı çıxışını geniş işıqlandırıb
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
Bakıda hərbi orkestrlərin müşayiəti ilə keçirilən yürüşlər başa çatıb - YENİLƏNİB
Rusiya mediası Prezident İlham Əliyevin Təhlükəsizlik Şurasının iclasındakı çıxışını işıqlandırıb
Prezident İlham Əliyev Bakının İslam Səfərli küçəsinin yenidənqurmadan sonra açılışında iştirak edib

Ən son xəbərləri bizim

"Facebook" səhifəmizdə izləyin

Digər xəbərlər