Xaçmaz rayonu üzrə təhsil sektorunun müdiri Qələmşah Dostu oğlu Dostuyev vəzifəsindən azad edilib.

Far.Az xəbər verir ki, bu barədə Quba-Xaçmaz Regional Təhsil İdarəsi məlumat yayıb.

Bildirilib ki, daxil olmuş şikayət əsasında Quba-Xaçmaz Regional Təhsil İdarəsi tərəfindən Xaçmaz rayonu üzrə təhsil sektorunda fəaliyyətin mövcud vəziyyətinin qiymətləndirilməsi məqsədilə xidməti araşdırma aparılıb.

Qələmşah Dostuyev Dostu oğlu sektor müdiri vəzifəsində işlədiyi dövrdə dərnək saatlarının təşkili, ümumtəhsil məktəblərində şagird davamiyyətinin aşağı olması, dərs saatlarının bölgüsü zamanı ciddi nöqsanların aşkar edilməsi halları müəyyən edilib. "Dövlət qulluğu haqqında" Azərbaycan Respublikası Qanununun və "Dövlət qulluqçularının etik davranış qaydaları haqqında" Azərbaycan Respublikasının Qanununun tələblərini pozduğuna görə 20 fevral 2026-cı il tarixində Qələmşah Dostuyev barəsində töhmət intizam tənbeh tədbiri tətbiq edilib.

Həmçinin, tabeliyindəki müəssisə rəhbərlərindən daxil olmuş şikayətlər əsasında yaradılmış komissiya tərəfindən aparılan xidməti araşdırma nəticəsində qeyd edilənlər öz təsdiqini tapıb.

Xidməti araşdırmanın nəticələrinə əsasən, Azərbaycan Respublikasının "Dövlət qulluğu haqqında" Qanununa uyğun olaraq Xaçmaz rayonu üzrə təhsil sektorunun müdiri Qələmşah Dostu oğlu Dostuyev dövlət qulluğundan azad edilmiş və onunla bağlanılmış əmək müqaviləsinə xitam verilib.

Oxşar xəbərlər

Leyla Əliyeva və Alyona Əliyeva Qubada internat tipli ümumtəhsil məktəbini və STEAM mərkəzini ziyarət ediblər

Prezident İlham Əliyev Əfv Sərəncamı imzalayıb

Azərbaycan məktəblərində 263 müəssisədə sanitar pozuntu aşkarlanıb

Televiziyada nəyə baxırıq? - Proqramların janr bölgüsü açıqlanıb

Silahlı Qüvvələrin bir qrup hərbi qulluqçu təltif edilib