Sığorta bazarında həyata keçirilən təkmilləşdirmələr sektorun dayanıqlığının güclənməsinə və inkişaf tempinin sürətlənməsinə mühüm təsir göstərib.

BAKU.WS xəbər verir ki, Azərbaycan Mərkəzi Bankı sədrinin birinci müavini Əliyar Məmmədyarov bu barədə Bakıda keçirilən XI Azərbaycan Beynəlxalq Sığorta Forumunda çıxışı zamanı danışıb.

Ə.Məmmədyarovun sözlərinə görə, son illərdə əsas maliyyə göstəricilərində müşahidə olunan müsbət dinamika aparılan islahatların nəticələrini əks etdirir.

Belə ki, son iki ildə sığorta haqlarının həcmi 23 faiz artaraq 1,5 milyard manata, sığorta ödənişləri isə 57 faiz yüksələrək 900 milyon manata çatıb.

O qeyd edib ki, eyni dövrdə sığorta sektorunun aktivləri 18 faiz artaraq 2,1 milyard manat təşkil edib.

Mərkəzi Bank rəsmisi əlavə edib ki, sektorun kapital mövqeyi də əhəmiyyətli dərəcədə möhkəmlənib və məcmu kapitalın həcmi mövcud kapital tələblərini təxminən iki dəfə üstələyib.

Əliyar Məmmədyarov vurğulayıb ki, bu göstəricilər sığorta sektorunun sağlam inkişaf trayektoriyasında olduğunu və maliyyə sabitliyinin daha da gücləndiyini göstərir.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3