Azərbaycanda bəzi yerlərdə yağıntı intensivləşib, dağlıq ərazilərdə qar yağır - FAKTİKİ HAVA

Azərbaycan ərazisinin bəzi yerlərində arabir şimşək çaxır, ayrı-ayrı yerlərdə intensiv xarakterli yağış, dağlıq ərazilərdə isə qar yağır.

"Far.Az" xəbər verir ki, bu barədə Milli Hidrometeorologiya Xidmətinin aprelin 21-i saat 9:00-a olan məlumatında qeyd olunub.

Bildirilib ki, qar örtüyünün hündürlüyü Şahdağda 87, Kəlbəcərdə 4, Laçında 2, Qrız, Xınalıq, Qusar (Laza), Zaqatalada (Əlibəy) 1 sm-dir.

Düşən yağıntının miqdarı Oğuzda 59, Şəkidə 54, Qaxda (Sarıbaş) 43, Qəbələdə 36, Şamaxı, Mingəçevirdə 29, Zaqatalada 24, Göyçay, Balakəndə 22, Tərtərdə 21, Goranboy, Yevlaxda 20, Naftalanda 19, Göygöldə 18, Hacıqabul, Qobustanda 16, Lerikdə 14, Şəmkir, Xızıda 13, Xaltan, Bərdədə 12, Kürdəmir, Gədəbəy, Gəncə, Şahbuzda 11, Daşkəsən, Yardımlıda 10, Sədərəkdə 9, Zərdabda 8, Sabirabad, Lənkəran, Ağdamda 7, Bakıda və Abşeron yarımadasında 6, Astara, İmişli, Qusarda 4, Naxçıvan, Ordubad, Tovuz, Biləsuvar, Beyləqan, Şirvan, Qubada 3, Şabranda 2, Neftçala, Cəbrayıl, Culfa, Xaçmaz, Qubadlı, Şuşa, Xankəndi, Xocalı, Füzulidə 1 mm-dir.

Astanada TDT ölkələri ekoloji siyasət məsələlərini müzakirə edəcəklər

Astanada 22-24 aprel tarixlərində Regional Ətraf Mühit Zirvəsi çərçivəsində Türk Dövlətləri Təşkilatına (TDT) üzv dövlətlərin ətraf mühit, iqlim və ekologiya üzrə məsul nazirlərinin ikinci görüşü baş tutacaq.

"Report" xəbər verir ki, görüş Qazaxıstanın ekologiya və təbii sərvətlər naziri Yerlan Nısanbayevin moderatorluğu ilə keçiriləcək.

Tədbirdə Türk Dövlətləri Təşkilatının baş katibi Kubanıçbek Ömürəliyev, İqtisadi Əməkdaşlıq Təşkilatının baş katibi Əsəd Məcid Xan, Qırğızıstanın təbii sərvətlər, ekologiya və texniki nəzarət naziri Akıl Toktobayev, Türkiyə Prezidentinin baş müşaviri, ətraf mühit, iqlim dəyişikliyi və urbanizasiya nazirinin müavini Həsən Suver, Özbəkistan Prezidentinin müşaviri - ekologiya və iqlim dəyişikliyi üzrə milli komitəsinin sədri Əziz Abduhakimov, Azərbaycanın ekologiya və təbii sərvətlər nazirinin müavini Rauf Hacıyev iştirak edəcəklər.

İştirakçılar iqlim dəyişikliyinə uyğunlaşma, təbii sərvətlərin davamlı istifadəsi və regional əməkdaşlığın gücləndirilməsi də daxil olmaqla, mövcud ekoloji siyasət məsələlərini müzakirə edəcəklər. Təcrübə mübadiləsinə, əməkdaşlığın prioritet sahələri üzrə razılığa gəlməyə, ümumi ekoloji problemlərin effektiv həll yollarının tapılmasına və davamlı inkişaf sahəsində birgə təşəbbüslərin hazırlanmasına xüsusi diqqət yetiriləcək.

Murad Kurum: "COP31 maliyyələşdirmə məsələlərinə həsr olunacaq"

Bu il Türkiyədə keçiriləcək BMT-nin İqlim Dəyişmələri üzrə Çərçivə Konvensiyasının Tərəflər Konfransının 31-ci sessiyası (COP31) maliyyələşdirmə məsələlərinə həsr olunacaq.

"Far.Az"un verdiyi məlumata görə, bunu Türkiyənin ətraf mühit və iqlim dəyişikliyi naziri, COP31-in prezidenti Murat Kurum "Reuters"ə müsahibəsində bildirib.

O qeyd edib ki, konfransın əsas mövzularından biri əvvəlki konfranslarda qəbul edilmiş təşəbbüslərin həyata keçirilməsi olacaq.

Kurum maliyyələşdirmənin ən vacib məsələ olduğunu qeyd edib: inkişaf etməkdə olan ölkələrin iqlim hədəflərinə nail olmaq üçün təxminən 1 trilyon ABŞ dollarına ehtiyacı olacaq. O əlavə edib ki, müharibələrin və təhlükəsizlik böhranlarının qlobal gündəmdə üstün olduğu şəraitdə ictimaiyyətin iqlim siyasəti barədə məlumatlılığı artırılmalıdır.

"Əvvəlki bütün COP-larda mühüm qərarlar qəbul edilib. Biz onların icrasını izləyəcəyik, lakin vacib olan onların reallaşdırılmasıdır. Dünya bizdən hərəkətə keçməyimizi gözləyir", - Kurum deyib.

Sabah Azərbaycanda yağış yağacaq

Azərbaycanda aprelin 21-də havanın arabir yağıntılı keçəcəyi gözlənilir.

"Report" xəbər verir ki, bu barədə Milli Hidrometeorologiya Xidməti məlumat yayıb.

Bakıda və Abşeron yarımadasında bəzi yerlərdə arabir yağış yağacağı gözlənilir. Yarımadanın ayrı-ayrı yerlərində qısamüddətli intensivləşəcəyi, şimşək çaxacağı ehtimalı var. Axşama doğru yağış tədricən kəsiləcək. Arabir güclənən şimal-qərb küləyi gündüz mülayimləşəcək.

Havanın temperaturu gecə 10-12° isti, gündüz 12-14° isti olacaq. Atmosfer təzyiqi 760 mm civə sütunu təşkil edəcək. Nisbi rütubət 70-75 % təşkil edəcək.

Azərbaycanın rayonlarında bəzi yerlərdə havanın arabir yağıntılı olacağı gözlənilir.

Ayrı-ayrı yerlərdə yağıntının intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Axşam əksər rayonlarda yağıntılar tədricən kəsiləcək. Bəzi yerlərdə arabir duman olacaq. Qərb küləyi ayrı-ayrı yerlərdə arabir güclənəcək.

Havanın temperaturu gecə 7-11° isti, gündüz 13-18° isti, dağlarda gecə 2° şaxtadan 3°-dək isti, gündüz 5-10° isti olacaq.

Ölkə ərazisində havanın temperaturu 5-8 dərəcə enəcək

Yaxın günlərdə ölkə ərazisində havanın temperaturu 5-8 dərəcə enəcək.

"Far.Az" xəbər verir ki, bu barədə Milli Hidrometeorologiya Xidməti xəbərdarlıq edib.

Bildirilib ki, Bakıda və Abşeron yarımadasında aprelin 20-dən 21-i gündüzədək bəzi yerlərdə arabir yağış yağacağı gözlənilir. Səhər saatlarında intensiv yağışın bir qədər güclənəcəyi istisna olunmur. 20-si gündüz saatlarında yağıntıda fasilə olacaq.

Azərbaycanın rayonlarında aprelin 20-21-də hava şəraitinin bəzi yerlərdə arabir yağıntılı olacağı gözlənilir. Ayrı-ayrı yerlərdə yağıntının intensiv olacağı, şimşək çaxacağı, dolu düşəcəyi, bəzi dağlıq ərazilərdə qar yağacağı ehtimal olunur.

Çaylarda sululuğun artacağı, bəzi dağ çaylarından qısamüddətli sel keçəcəyi ehtimalı var.

Sabah Bakıya yağış, bəzi rayonlara qar yağacaq, dolu düşəcək

Bakıda və Abşeron yarımadasında aprelin 20-də bəzi yerlərdə arabir yağış yağacağı gözlənilir.

"Far.Az" xəbər verir ki, bu barədə Milli Hidrometeorologiya Xidməti məlumat yayıb.

Bildirilib ki, yarımadanın ayrı-ayrı yerlərində yağışın intensivləşəcəyi, şimşək çaxacağı ehtimalı var. Səhər saatlarında intensiv yağışın qısamüddətli güclənəcəyi istisna olunmur. Gündüz yağıntıda fasilə olacaq. Arabir güclənən şimal-qərb küləyi əsəcək.

Havanın temperaturu gecə 10-13° isti, gündüz 14-17° isti olacaq. Atmosfer təzyiqi 755 mm civə sütunundan 760 mm civə sütununa yüksələcək. Nisbi rütubət 70-80 % olacaq.

Azərbaycanın rayonlarında havanın bəzi yerlərdə arabir yağıntılı olacağı gözlənilir. Ayrı-ayrı yerlərdə intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var. Bəzi yerlərdə arabir duman olacaq. Mülayim qərb küləyi ayrı-ayrı yerlərdə arabir güclənəcək.

Havanın temperaturu gecə 8-11° isti, gündüz 14-18° isti, dağlarda gecə 2-7° isti, gündüz 8-13° isti olacaq.

FAKTİKİ HAVA: Bakıda və Abşeron yarımadasında külək güclənib

Ölkə ərazisində hava şəraiti, əsasən, yağmursuz keçib, lakin gecə və səhər bəzi qərb rayonlarında arabir yağıntılı olub.

Bu barədə "Report"a Milli Hidrometeorologiya Xidmətinin aprelin 19-u saat 11:00-a olan məlumatında qeyd olunub.

Bildirilib ki, düşən yağıntının miqdarı Sədərəkdə 7, Ordubad və Şahbuzda 3, Şərur və Daşkəsəndə 2, Gəncə, Naxçıvan, Culfa, Gədəbəy, Naftalan, Şəmkir, Zaqatala və Tovuzda 1 mm-dir.

Bəzi yerlərdə qərb küləyi əsir, küləyin maksimal sürəti Bakıda və Abşeron yarımadasında, eyni zamanda, Xızıda 17 m/s-dək güclənir.

Lerik, Sabirabad, Biləsuvar, Göygöl, Şəmkirdə duman müşahidə olunur. Görünüş məsafəsi 500 m-dək məhdudlaşır.

Muxtar Babayev COP31-in Prezidenti ilə görüşüb

Azərbaycan Prezidentinin iqlim məsələləri üzrə nümayəndəsi Muxtar Babayev Antalyada Türkiyənin ekologiya, şəhərsalma və iqlim dəyişiklikləri naziri və COP31-in prezidenti Murat Kurum ilə görüşüb.

"Report" xəbər verir ki, M. Babayev bu barədə "X" sosial şəbəkə hesabında yazıb.

Antalya Diplomatik Forumu çərçivəsində baş tutan görüşdə Azərbaycanın davamlılığı təmin edərək COP-a dəstək olmaq üçün COP31 Sədrliyi ilə birlikdə çalışacağı vurğulanıb.

Muxtar Babayev BMT Baş katibinin iqlim məsələləri üzrə nümayəndəsi ilə görüşüb

Azərbaycan Prezidentinin iqlim məsələləri üzrə nümayəndəsi Muxtar Babayev BMT Baş katibi Antonio Quterreşin iqlim məsələləri üzrə nümayəndəsi Selvin Hartla görüşüb.

"Far.Az" xəbər verir ki, M. Babayev bu barədə "X" sosial şəbəkə hesabında məlumat paylaşıb.

"Mövcud qlobal çağırışlar fonunda COP nəticələrinin icrasının irəliləməsini, o cümlədən yaşıl enerjiyə keçid, özəl sektorun cəlb edilməsi, təmiz texnologiyaların tətbiqi və çoxtərəfli iqlim fəaliyyətinin gücləndirilməsini müzakirə etdik", - o bildirib.

At #ADF2026, held a bilateral meeting with @SelwinHart. Discussed advancing implementation of COP outcomes amid current global challenges, including green energy transition, private sector engagement, clean technology deployment and reinforcing multilateral climate action. pic.twitter.com/GtpnTfi7q1

— Mukhtar Babayev (@Mukhtar_Babayev) April 18, 2026

Bakıda yaz mövsümü ilə bağlı 556 küçə yuyulub - YENİLƏNİB

Səhər saatlarından etibarən Bakı şəhərinin və qəsəbələrin 556 küçəsi eləcə də məhəllədaxili yolların yuyucu maddələrlə yuyulması təmin edilib.

Bu barədə "Far.Az"a Bakı Şəhər İcra Hakimiyyətinin Mətbuat Xidmətindən məlumat verilib.

Bildirilib ki, aprelin 18-də Bakı şəhər kommunal xidmətləri tərəfindən paytaxtda və onun qəsəbələrində təmizliklə bağlı keçirilən daxili iməclikdə küçə və yol kənarlarına, həyət və məhəllələrə yayılan tozun təmizlənməsi, mövcud yaşıllıqlara qulluq göstərilməsi həyata keçirilib.

11:56

Bakı Şəhər İcra Hakimiyyəti (BŞİH) təmizliklə bağlı paytaxtda yaz mövsümü ilə əlaqədar növbəti daxili iməcilik keçirib.

Bu barədə "Far.Az"a BŞİH-dən məlumat verilib.

Keçirilən iməcilik zamanı həm şəhər mərkəzində, həm də paytaxt qəsəbələrindəki prospekt və küçələr, ara yollar səhər saatlarından yuyucu maddələrlə yuyulub, yol kənarlarında əsaslı təmizlik işləri görülüb.

Həmçinin səki kənarlarının, bordürlərin və buradakı işıq dirəklərinin, məhəccərlərin, park və istirahət yerlərində oturacaqların, avtobus dayanacaqlarının yuyulması həyata keçirilib, həyət və yaşayış məhəllələrində təmizlik işləri görülüb. Yol kənarlarındakı ictimai-iaşə, ticarət və digər obyektlərin vitrinləri təmizlənib, ətrafında səliqə-sahman işləri aparılıb.

Bakı Şəhər Yaşıllaşdırma Təsərrüfatı Birliyi əməkdaşları tərəfindən gün ərzində yol və prospektlərin kənarlarındakı ağacların və yaşıllıqların üzərinə yığılan toz-torpağın yuyulması, onlara aqrotexniki qulluq göstərilməsi də həyata keçirilib, zədələnən budaqları budanıb. Eyni zamanda, rəngbərəng güllər əkilib, müxtəlif rəngli güllərdən kompozisiyalar yaradılıb.

Muxtar Babayev: Zəngin ölkələr COP-larda qəbul edilən qərarları nəzərə almalıdır

Öncəki COP-larda alınan qərarların bəziləri ya tətbiq edilməyib, ya da yarımçıq qalıb.

"Far.Az" xəbər verir ki, bunu Azərbaycan Prezidentinin iqlim məsələləri üzrə nümayəndəsi, COP29-un Prezidenti Muxtar Babayev Antalya Diplomatiya Forumu çərçivəsində keçirilən "COP31-ə doğru: Geosiyasi sınaqların yaşandığı bir dövrdə iqlim fəaliyyətini gücləndirmək" adlı paneldə deyib.

M.Babayev qeyd edib ki, inkişaf etməkdə olan ölkələr eləcə də Afrika üçün həll yönümlü ciddi addımlar atılmalıdır:

"Böyük və zəngin ölkələr birlikdə addımlar atarkən COP-larda alınan qərarları diqqətə almalıdır. Çünki hər il müzakirə olunan mövzular bir məqsədə xitab edir. Lakin ildən ilə ciddi dəyişiklik qeydə alınmır".

Muxtar Babayev: Maliyyə məsələləri iqlim fəaliyyəti üçün çox önəmli faktordur

Maliyyə məsələləri iqlim fəaliyyəti üçün çox önəmli faktordur.

"Report" xəbər verir ki, bunu Azərbaycan Prezidentinin iqlim məsələləri üzrə nümayəndəsi, COP29-un Prezidenti Muxtar Babayev Antalya Diplomatiya Forumu çərçivəsində keçirilən "COP31-ə doğru: Geosiyasi sınaqların yaşandığı bir dövrdə iqlim fəaliyyətini gücləndirmək" adlı paneldə çıxışı zamanı deyib.

M.Babayev qeyd edib ki, iqlim fəaliyyətində irəliləyiş əldə etmək üçün yetərincə maliyyələşmənin olması başlıca ehtiyacdır:

"Hazırda dünyada saysız müharibələr davam edir. Sülh dövründə olduğumuz üçün bizlərin bu işlərə qatqısı ola bilər. Məsələn, bu gün Türkiyənin əlində çox böyük şans var və iqlim məsələlərinə bir sıra ölkələri cəlb edə bilər".