Lənkəranda 10 məntəqədə “exit-poll” keçirilir - FOTO

Lənkəranda 10 məntəqədə “exit-poll” keçirilir.

Far.Az-nın cənub bürosunun verdiyi xəbərə görə, 77 saylı Lənkəran şəhər seçki dairəsinin 1, 5, 9, 13, 18, 22, 26, 30, 34, 39 saylı seçki məntəqələrində “exit-poll” təşkil olunub.

"Exit-poll" Sosioloji Tədqiqatlar Mərkəzi tərəfindən aparılır.

MSK: Saat 15:00-a qədər respublika üzrə seçici fəallığı 29,49 faiz olub - YENİLƏNİB-1

Mərkəzi Seçki Komissiyası (MSK) bu gün keçirilən növbədənkənar parlament seçkiləri ilə bağlı səsvermə prosesində saat 15:00-a olan seçici fəallığını açıqlayıb.

APA-nın xəbərinə görə, MSK Katibliyinin İnformasiya Mərkəzinin müdiri Fərid Orucov bildirib ki, saat 15:00-a qədər respublika üzrə 1 893 555 nəfər səs verib, seçici fəallığı 29,49 faiz olub.

Qeyd edək ki, növbədənkənar parlament seçkilərində səsverməyə bu gün saat 08:00-da start verilib. Səsvermə saat 19:00-da başa çatacaq. Bundan əlavə, MSK Katibliyinin İnformasiya Mərkəzi tərəfindən səsvermənin gedişi və nəticələri barədə saat 17:00 və saat 19:00-da ilkin məlumatlar veriləcək.

Səsvermənin gedişi və nəticələri barədə alınan məlumatlar hüquqi əhəmiyyət daşımayan ilkin məlumatlar hesab edilir.

Son məlumata görə, respublika üzrə seçicilərin sayı 6 421 960 nəfərdir.

***

12:24

Mərkəzi Seçki Komissiyası (MSK) bu gün keçirilən növbədənkənar parlament seçkiləri ilə bağlı səsvermə prosesində saat 12:00-a olan seçici fəallığını açıqlayıb.

APA-nın xəbərinə görə, MSK Katibliyinin İnformasiya Mərkəzinin müdiri Fərid Orucov bildirib ki, saat 12.00-a qədər respublika üzrə 1 309 522 nəfər səs verib, seçici fəallığı 20,39 faiz olub.

Qeyd edək ki, növbədənkənar parlament seçkilərində səsverməyə bu gün saat 08:00-da start verilib. Səsvermə saat 19:00-da başa çatacaq. Bundan əlavə, MSK Katibliyinin İnformasiya Mərkəzi tərəfindən səsvermənin gedişi və nəticələri barədə saat 15:00, 17:00 və 19:00-da ilkin məlumatlar veriləcək.

Səsvermənin gedişi və nəticələri barədə alınan məlumatlar hüquqi əhəmiyyət daşımayan ilkin məlumatlar hesab edilir. Son məlumata görə, respublika üzrə seçicilərin sayı 6 421 960 nəfərdir.

***

10: 39

Mərkəzi Seçki Komissiyası (MSK) bu gün keçirilən növbədənkənar parlament seçkiləri ilə bağlı səsvermə prosesində saat 10:00-a olan seçici fəallığını açıqlayıb.

APA-nın xəbərinə görə, MSK Katibliyinin İnformasiya Mərkəzinin müdiri Fərid Orucov bildirib ki, saat 10:00-a qədər respublika üzrə 636 842 nəfər səs verib, seçici fəallığı 9.92 faiz olub.

Qeyd edək ki, növbədənkənar parlament seçkilərində səsverməyə bu gün saat 08:00-da start verilib. Səsvermə saat 19:00-da başa çatacaq. Bundan əlavə, MSK Katibliyinin İnformasiya Mərkəzi tərəfindən səsvermənin gedişi və nəticələri barədə saat 12:00, saat 15:00, saat 17:00 və saat 19:00-da ilkin məlumatlar veriləcək. Səsvermənin gedişi və nəticələri barədə alınan məlumatlar hüquqi əhəmiyyət daşımayan ilkin məlumatlar hesab edilir.

Son məlumata görə, respublika üzrə seçicilərin sayı 6 421 960 nəfərdir.

Moldovalı deputat: Seçkilər azad və konstruktiv şəraitdə keçir

"Seçkilər azad və konstruktiv şəraitdə keçir, indiyədək hər hansı qanun pozuntusu qeydə alınmayıb".

Bunu APA-nın müxbiri ilə söhbətində Moldova Parlamentinin deputatı, Moldova-Azərbaycan Dostluq Qrupunun rəhbəri Vitali Jakot bildirib.

Onun sözlərinə görə, seçkilər həm infrastruktur, həm sosial ünsiyyət, həm də təşkilatçılıq baxımından yaxşı hazırlanıb: "Bu, Azərbaycanda müşahidə etdiyim ilk seçkilər deyil. Birinci dəfə mən növbədənkənar prezident seçkilərini müşahidə etmək şərəfinə nail olmuşdum. O zaman mən Qarabağda olmuş, Xankəndi, Şuşa və Ağdamda seçkinin gedişatını müşahidə etmişdim. Bu dəfə isə Bakı və ətraf regionlarda seçki prosesini müşahidə etdim. Seçkilər azad və konstruktiv şəraitdə keçir, indiyədək hər hansı qanun pozuntusu qeydə alınmayıb. Mən həm Dairə Seçki komissiyalarının sədrləri və üzvləri ilə, həm də ayrı-ayrı siyasi partiyaların müşahidəçiləri ilə söhbət etmişəm. Eyni zamanda, bilavasitə seçicilərlə də danışmaq imkanım olub. Söhbət etdiyim seçicilərin hamısı qeyd etdilər ki, seçki məntəqələrinin ünvanlarını əvvəlcədən müəyyənləşdirib, rahatlıqla tapa biliblər. Yerlərdə dairə seçki komissiyalarının üzvləri ilə konstruktiv şəraitdə danışmışıq. Seçkilər həm infrastruktur, həm sosial ünsiyyət, həm də təşkilatçılıq baxımından yaxşı hazırlanıb".

Gürcüstan Parlamentinin Seçki Müşahidə Missiyası: Səsvermə prosesinin təşkilindən məmnunuq

Gürcüstan Parlamentinin Seçki Müşahidə Missiyasının üzvləri paytaxtdakı 26 saylı Sabunçu Birinci Seçki Dairəsinin 20, 21, 29, 30, 35, 36 və 37 saylı məntəqələrində səsvermə prosesini müşahidə edib.

Bu barədə Far.Az-ya missiyadan məlumat verilib.

Bildirilib ki, Gürcüstan Parlamentinin deputatı İrakli Kadagişvilin rəhbərlik etdiyi nümayəndə heyəti səsvermə prosesinin təşkilindən məmnunluğunu ifadə ediblər.

Eyni zamanda müşahidə aparılan məntəqələrdə hər hansı qanun pozuntusunun qeydə alınmadığı bildirilib.

Xocalıda səsvermə keçirilir - FOTO

Xocalıda növbədənkənar parlament seçkiləri ilə bağlı səsvermə keçirilir.

APA-nın Qarabağ bürosu xəbər verir ki, seçki prosesində aktivlik müşahidə olunur.

118 saylı Ağdam-Xocalı seçki dairəsinin 73 saylı seçki məntəqəsinin sədri Ceyhun Əbdülov seçicilərin səsvermədə iştirak etməsi üçün hər cür şərait yaradıldığını bildirib.

Dairənin 71 saylı məntəqəsi Xocalı rayonunun Təzəbinə kəndində, 72 saylı məntəqəsi Əsgəran qəsəbəsində, 73 saylı məntəqə Xocalı şəhərində yerləşir.

Prezident Administrasiyasının rəhbəri səs verib

Azərbaycan Respublikası Prezidentinin Administrasiyasının rəhbəri Samir Nuriyev sentyabrın 1-də 16 saylı Yasamal ikinci seçki dairəsinin 34 saylı seçki məntəqəsində səs verib.

APA xəbər verir ki, bu seçki məntəqəsində də yüksək seçici fəallığı müşahidə olunurdu.

Qeyd edək ki, ilk dəfədir Azərbaycanın bütün suveren ərazilərində Milli Məclisə seçkilər keçirilir. Növbədənkənar seçkilər 6478 seçki məntəqəsində təşkil olunub. Budəfəki seçkilərdə 125 yer uğrunda 990 namizəd mübarizə aparır. Parlament seçkilərində səsvermə hüququna malik vətəndaşların sayı 6 milyon 421 min 960 nəfərdir.

İşğaldan azad olunmuş ərazilərdə 54 seçki məntəqəsi yaradılıb.

Seçki prosesini 598 beynəlxalq müşahidəçi izləyir. Yerli müşahidəçilərin sayı isə 112 min 749 nəfərdir.

Səsvermə saat 19:00-da başa çatacaq.

Bakıda səsvermə davam edir - FOTOLENT

Foto - Rüfət Mustafayev, İlkin Nəbiyev ©️ APA GROUP

ATƏT/DTİHB müşahidəçiləri Lənkəranda seçkini izləyir - FOTO

ATƏT-in Demokratik Təsisat və İnsan Haqları Bürosunun (ATƏT/DTİHB) müşahidəçiləri 77 saylı Lənkəran seçki dairəsində müşahidə aparırlar.

APA-nın cənub bürosunun verdiyi məlumata görə, ATƏT/DTİHB-nin İrlandiyadan olan müşahidəçiləri Patrik Danieli və Kseniya Qrebova 77 saylı Lənkəran seçki dairəsinin 25 saylı məntəqəsində olublar.

Danieli Patrik mətbuata açıqlamasında bildirib ki, seçki prosesini müşahidə edirlər, sonda müşahidələri əsasında fikirlərini açıqlayacaqlar.

Ukraynalı deputat: Azərbaycanda keçirilən parlament seçkiləri beynəlxalq standartlara uyğundur

“Hazırlıq prosesinin şahidi olmasaq da, bu gün indiyə qədər 6 seçki məntəqəsində olmuşuq və müşahidələrimizə əsasən, deyə bilərik ki, Azərbaycanda keçirilən parlament seçkiləri beynəlxalq standartlara uyğundur”.

APA xəbər verir ki, bu sözləri jurnalistlərə açıqlamasında Ukrayna Ali Radanın Nəqliyyat və infrastruktur məsələləri komitəsinin sədrinin müavini, Ukrayna-Azərbaycan parlamentlərarası dostluq qrupunun həmsədri Vladimir Kreydenko deyib.

O bildirib ki, seçki prosesi üçün zəruri olan hər şey yüksək səviyyədə təmin edilib:

“Seçki kabinələri və bülletenlər prosesə tam hazır şəkildə idi. Əsas məsələ odur ki, müşahidəçilər üçün lazımi şərait yaranıb və onların prosesi yaxından izləməsi üçün heç bir maneə yoxdur. Onu da qeyd edim ki, Azərbaycanda keçirilən seçkilərdə bir vacib məqam var. Bir çox ölkədən fərqli olaraq, Azərbaycanda seçicilərin barmağına mürəkkəb vurmaq prosesi var. Bu isə seçki saxtakarlığının qarşısını alır, bir vətəndaşın ikinci dəfə səs verməsini mümkünsüz edir. Bu, təqdirəlayiq addımdır. Azərbaycan xalqına arzulayıram ki, layiqli namizədləri seçilsin və seçiləcək hər bir deputat da, öz növbəsində, xalqa töhfəsini versin”.

Kamboca Milli Assambleyasının üzvü: Seçki ilə bağlı hər şey çox yaxşı təşkil edilib

Biz bu gün səhər saatlarından müxtəlif məntəqələrdə müşahidəçilik etdik və şahidi olduq ki, hər şey çox yaxşı təşkil edilib.

APA xəbər verir ki, bunu jurnalistlərə açıqlamasında Kamboca Milli Assambleyasının üzvü Sos Mauzin deyib.

O bildirib ki, parlament seçkilərində təşkilatçılıq yüksək səviyyədədir:

“Bir çox yerli və xarici müşahidəçilərlə görüşmüşük. İnsanlar bir-bir gəlib öz hüquqlarından istifadə edir, istədikləri, dəstəklədikləri partiyaya, namizədlərə səs verirlər. Bu, demokratiyanın bariz nümunəsidir".

Məryəm Surxay

Mətbuat Şurası: Seçki ilə bağlı jurnalistlərdən "Qaynar xətt"ə müraciət daxil olmayıb

Mətbuat Şurasının “Qaynar xətt” rejimində fəaliyyət göstərən (012) 441 35 96 şəhər, (050) 242 09 91 və (055) 789 85 03 mobil nömrələri saat 08.00- dan başlayaraq jurnalistlərin ixtiyarındadır.

Bu barədə Far.Az-ya Mətbuat Şurasından məlumat verilib. Bildirilib ki, saat 13.00-dək səsvermə prosesini işıqlandıran media vasitələrinin təmsilçilərindən MŞ-nin telefon nömrələrinə hər hansı zəng olunmayıb.

Qeyd edilib ki, “qaynar xətt” rejimində fəaliyyət göstərən telefon nömrələrinə daxil olan müraciətlərin araşdırılması üçün Mətbuat Şurası Mərkəzi Seçki
Komissiyası və digər əlaqədar qurumlarla daimi əlaqədə olacaq və peşə vəzifəsini yerinə yetirən jurnalistlərin tam sərbəst şəkildə fəaliyyət göstərmələri üçün bütün tədbirlər görüləcək.

Mətbuat Şurasının İdarə Heyətinin jurnalist və müşahidəçi kimi qeydiyyatdan keçmiş üzvləri də paytaxtdakı və bəlgələrdəki seçki məntəqələrində jurnalistlərə prosesi işıqlandırmaları üçün yaradılmış şəraiti müşahidə edirlər. Hələlik MŞ sədri Rəşad Məcid 35 saylı Xətai üçüncü seçki dairəsinin 5-ci, 6-cı, 7-ci məntəqələrində, MŞ sədrinin müavini Səadət Məmmədova 118 saylı Ağdam-Xocalı seçki dairəsinin 32 saylı seçki məntəqəsində, İH üzvü Ceyhun Musaoğlu Abşeron rayonu 50 saylı üçüncü seçki dairəsinin 4 nömrəli məntəqəsində prosesi izləyiblər. Onlar hansısa pozuntu faktı aşkarlamayıblar.

İsmayıllıda yeni ailə quran cütlük bəy və gəlin paltarında məntəqəyə gələrək səs verib - FOTO

İsmayıllı rayonunda bəylə gəlin parlamentə səsvermədə iştirak edib.

Far.Az xəbər verir ki, yeni ailə quran cütlük bəy və gəlin paltarında 89 saylı İsmayıllı seçki dairəsinin 3 saylı məntəqəsinə gələrək səsvermə hüququndan istifadə edib.