Bu ulduzlar Dünya Kuboku şousunun əsas personajları olacaqlar

Dünyaca məşhur ulduzlar olan Madonna, Şakira və BTS qrupundan xəbər var.

BAKU.WS BBC-yə istinadən xəbər verir ki, onalr 2026 FIFA Dünya Kubokunun finalında təşkil olunacaq ilk "Super Bowl" tipli fasilə şousunun əsas ulduzları olacaq.

ABŞ, Kanada və Meksikanın birgə ev sahibliyi etdiyi turnirin finalı 19 iyulda MetLife Stadium stadionunda keçiriləcək.

Məlumata görə, şounun 11 dəqiqə davam etməsi planlaşdırılır.

Fasilə proqramının kuratoru isə Kris Martin olacaq.

Şoudan əldə ediləcək gəlir FIFA-nın uşaqlar üçün yaradılmış qlobal təhsil fonduna yönəldiləcək.

Türkiyənin 21 bölgəsində əməliyyat! Tanınmış jurnalist də daxil olmaqla 200 NƏFƏR SAXLANILDI

Türkiyənin 21 bölgəsində qumar oyunları, rüşvətxorluq və çirkli pulların yuyulması ilə bağlı keçirilən əməliyyatlar zamanı 200 nəfər haqqında həbs qərarı verilib.

BAKU.WS xəbər verir ki, əməliyyat çərçivəsində jurnalist Rasim Ozan Kütahyalı da saxlanılıb. O, İstanbuldakı evində saxlanılıb.

Türkiyənin ədliyyə naziri Akın Gürlek əməliyyatla bağlı açıqlama verib.

O bildirib ki, Türkiyənin əhalisininiN və iqtisadiyyatının əmin-amanlığını təhdid edən cinayətkar təşkilata ağır zərbə vurulub;

"Adana Baş Prokurorluğu tərəfindən aparılan istintaq çərçivəsində 21 bölgədə eyni vaxtda keçirilən əməliyyatda qanunsuz qumar, rüşvətxorluq və çirkli pulların yuyulması ilə məşğul olan 200 şübhəli hədəf alınıb və bu, millətimizin və iqtisadiyyatımızın əmin-amanlığını təhdid edən cinayətkar təşkilata ağır zərbə vurub. Maliyyə Cinayətləri Araşdırma Şurasının (MASAK) hesabatları yolu ilə əldə edilən dəlillər maliyyə sistemində təxminən 100 milyard lirə və 2 milyard dollarlıq cinayətkar gəlirlərin yuyulduğunu göstərir".

Adana Baş Prokurorluğu əməliyyatla bağlı yazılı açıqlama yayıb.

"Adana Baş Prokurorluğunun Terrorizmin Maliyyələşdirilməsi və Çirkli Pulların Yuyulması Cinayətlərinin İstintaq Bürosu tərəfindən başlanan istintaq çərçivəsində və Adana Polis İdarəsinin Kiber Cinayətlər Bölməsi tərəfindən uzun müddətdir davam edən hərtərəfli istintaqın bir hissəsi olaraq, Türkiyədə cinayət törətmək üçün təşkilat yaratmaq, qanunsuz qumar oyunları, informasiya sistemlərindən istifadə edərək ixtisaslı fırıldaqçılıq, rüşvətxorluq və cinayət yolu ilə əldə edilmiş aktivlərin yuyulması kimi cinayətləri hədəf alan genişmiqyaslı əməliyyat həyata keçirilib" -deyə açıqlamada qeyd edilib.

İstintaq faylı çərçivəsində aparılan MASAK təhlilləri və maliyyə araşdırmaları təxminən 100 milyard lirə və təxminən 2 milyard ABŞ dolları məbləğində şübhəli pul hərəkətləri və çirkli pulların yuyulması fəaliyyətlərini aşkar etmiş və təşkilatın milli və beynəlxalq miqyasda fəaliyyət göstərən peşəkar maliyyə cinayətləri təşkilatı kimi qiymətləndirilib.

Əməliyyat nəticəsində 221 əmlak, 120 nəqliyyat vasitəsi və 3 qayıq müsadirə edilib.

Şübhəlilər arasında 3 bank rəhbəri, 8 polis məmuru və 4 vəkil var.

BƏƏ sahillərində gəmi ələ keçirilib və İran istiqamətinə yönləndirilib

BƏƏ sahillərində lövbərdə dayanan gəmi naməlum şəxslər tərəfindən ələ keçirilib və İranın ərazi sularına doğru yönləndirilib.

Far.Az xəbər verir ki, bu barədə Böyük Britaniyanın Dəniz Ticarət Əməliyyatları Xidməti (UKMTO) məlumat yayıb.

Məlumata görə, hadisə Birləşmiş Ərəb Əmirliklərinin Fuceyra şəhərinin şimal-şərqində, təxminən 38 dəniz mili məsafədə qeydə alınıb. Bildirilib ki, gəmi lövbərdə olarkən kənar şəxslər tərəfindən ələ keçirilib və hazırda İran istiqamətində hərəkət edir.

Hadisənin detalları və gəminin kimə məxsus olması ilə bağlı əlavə məlumat açıqlanmayıb.

Milyardlıq kosmetika imperiyasını tərk edib rahibliyə keçdi

e.l.f Cosmetics-in təsisçi ortaqlarından biri olan Skott-Vinsent Borba milyard dollarlıq biznes və Hollywood həyatını geridə qoyaraq Katolik rahibi olmağa hazırlaşır.

Far.Az xəbər verir ki, kozmetika dünyasında sürətlə yüksələrək e.l.f Cosmetics-i qlobal brendə çevirən e.l.f Cosmetics-in həmtəsisçilərindən Scott-Vincent Borba həyatında radikal dəyişiklik edib. O, Holivudun lüks həyat tərzindən imtina edərək dini həyata yönəlib.

Borba bir vaxtlar Paris Hilton və Kim Kardaşian kimi məşhurlarla eyni çevrədə olub, dəbdəbəli tədbirlər və partilərdə iştirak edib.

Keçmiş sahibkar verdiyi açıqlamada həyatının dönüş nöqtəsinin bir partiyadan sonra başladığını bildirib. Onun sözlərinə görə, həmin dövrdə daxili boşluq hissi artıb və bu, onu mənəvi axtarışa yönəldib.

O qeyd edib ki, yaşadığı təcrübədən sonra sərvətini bağışlamağa qərar verib və dini seminariyaya daxil olub.

Hazırda ABŞ-nin Kaliforniya ştatında yerləşən seminariyada yaşayan Borbanın 23 mayda Fresno Yeparxiyası tərəfindən Katolik rahibi kimi təyin olunması gözlənilir.

Beləliklə, bir zamanlar milyard dollarlıq kosmetika imperiyasının simalarından biri olan sahibkar tamamilə fərqli bir həyat yoluna qədəm qoymuş olacaq.

Tramp və Si arasında ticarət razılaşması qlobal bazarlara təsir edə bilər

ABŞ Prezidenti Donald Tramp ilə Çin Xalq Respublikasının Sədri Si Cinpin arasında keçirilən danışıqlarda ticarət gərginliyinin azaldılmasına yönəlmiş yeni razılaşma üzrə irəliləyiş əldə olunduğu bildirilir.

Far.Az xarici mediaya istinadən xəbər verir ki, tərəflər milli təhlükəsizlik baxımından həssas sayılmayan məhsul qruplarında ticarətin artırılması üçün yeni mexanizmin yaradılması üzərində razılığa yaxınlaşıb. Təxminən 30 milyard dollar həcmində məhsul üzrə gömrük tariflərinin qarşılıqlı şəkildə azaldılması məsələsi müzakirə olunur.

Danışıqlarda ABŞ-nin Çinlə enerji və kənd təsərrüfatı məhsulları üzrə ixracının artırılması, Çinin isə ABŞ-dən idxal etdiyi neft, mayeləşdirilmiş təbii qaz (LNG) və kömürə tətbiq etdiyi əlavə rüsumların azaldılması da gündəmdə yer alır.

Bundan başqa, ABŞ Ticarət Nümayəndəliyi tərəfindən irəli sürülən "Board of Trade" mexanizminin də razılaşmanın əsas elementlərindən biri ola biləcəyi qeyd olunur. Bu modelin iki ölkə arasında ticarət balansını yaxşılaşdırmaq məqsədi daşıdığı bildirilir.

Ekspertlərin qiymətləndirməsinə görə, mümkün razılaşma qlobal bazarlarda sabitlik yarada, səhmlər və xammal qiymətlərinə müsbət təsir göstərə bilər. Bununla yanaşı, prosesin tam iqtisadi normallaşmadan daha çox nəzarətli ticarət modelinə keçid xarakteri daşıyacağı vurğulanır.

Ukraynada Andrey Yermakla bağlı həbs qərarı verilib

Ukraynada məhkəmə Prezident Ofisinin keçmiş rəhbəri Andrey Yermak barəsində həbs qətimkan tədbiri seçib.

BAKU.WS xəbər verir ki, məhkəmə qərarına əsasən, Yermak 140 milyon qrivna (təxminən 3,4 milyon ABŞ dolları) məbləğində girov qarşılığında azadlığa buraxıla bilər.

"RBK-Ukrayna"nın yaydığı xəbərə istinadən bildirilir ki, Ukrayna İxtisaslaşmış Antikorrupsiya Prokurorluğu məhkəməyə daha sərt tələb irəli sürüb. Prokurorluq Yermakın 180 milyon qrivna (təxminən 4,1 milyon dollar) məbləğində girov müqabilində həbs olunmasını istəyib.

Qərarın detalları və iş üzrə istintaqın gedişi ilə bağlı əlavə məlumat hələlik açıqlanmayıb.

Alimlərdən 2026 FIFA DÇ ilə bağlı XƏBƏRDARLIQ!

Alimlər 2026 FIFA Dünya Çempionatı ilə bağlı xəbərdarlıq ediblər. Mütəxəssislərin fikrincə, turnir zamanı futbolçular və azarkeşlər təhlükəli isti hava şəraiti ilə üzləşə bilərlər.

Far.Az xəbər verir ki, World Weather Attribution təşkilatının alimləri 2026-cı ildə ABŞ, Kanada və Meksikada keçiriləcək dünya çempionatı öncəsi iqlim modelləri əsasında araşdırma aparıblar.

Təhlillərə əsasən, iqlim dəyişikliyi və qlobal istiləşmə səbəbindən turnir zamanı temperatur və rütubət səviyyəsi ciddi risk yarada bilər. Xüsusilə açıq stadionlarda keçiriləcək oyunlarda həm futbolçuların, həm də azarkeşlərin sağlamlığı üçün təhlükəli şəraitin yaranacağı bildirilir.

Araşdırmada qeyd olunub ki, turnirin 104 oyununun təxminən 25 faizinin Beynəlxalq Peşəkar Futbolçular Assosiasiyasının (FIFPRO) təhlükəsizlik həddini aşan hava şəraitində keçirilməsi ehtimalı var. Söhbət orqanizmin istiliyi nə dərəcədə effektiv soyuda bildiyini ölçən WBGT göstəricisinin 26 dərəcəni keçməsindən gedir.

Mütəxəssislər hesab edir ki, bəzi oyunlarda bu göstərici 28 dərəcəni də keçə bilər ki, bu da təxminən 38 dərəcə isti havaya bərabər sayılır. FIFPRO isə belə hava şəraitində oyunların təxirə salınmasını tövsiyə edir.

Bildirilir ki, oyunların keçiriləcəyi bəzi stadionlarda soyutma sistemləri olsa da, Mayami, Kanzas-Siti, Nyu-York və Filadelfiya kimi şəhərlərdə yerləşən bir sıra stadionlarda belə sistemlər mövcud deyil. Xüsusilə Mayami və Kanzas-Sitidə yüksək istilik riskinin daha ciddi olduğu vurğulanır.

Alimlər qeyd ediblər ki, 1994-cü ildə ABŞ-də keçirilən dünya çempionatı ilə müqayisədə hazırkı iqlim şəraiti köklü şəkildə dəyişib və risklər daha da artıb.

Arvadı Makronu təyyarədə iranlı aktrisa ilə yazışmalarına görə sillələyib?

Fransa Prezidenti Emmanuel Makron və həyat yoldaşı Bricit Makron arasında ötən il Vyetnam səfəri zamanı baş verən insidentlə bağlı yeni iddialar yayılıb.

Far.Az "Daily Mail"ə istinadən xəbər verir ki, jurnalist Florian Tardifin yeni kitabında mübahisənin səbəbi kimi Makronun iranlı aktrisa ilə yazışmaları göstərilir.

İddiaya əsasən, Bricit Makron prezidentin telefonunda həmin mesajları gördükdən sonra cütlük arasında gərginlik yaranıb və təyyarədə mübahisə baş verib.

Allegedly the slap Macron got from his wife Brigitte was because he was messaging a hot Iranian actress for almost a year lol apparently his Wife found the messages on his mobile phone. pic.twitter.com/OLnGzNqQqN

— Nina (@ShakeLS) May 13, 2026

Jurnalist bildirib ki, Makron aktrisa ilə bir müddət yaxın münasibətdə olub və ona kompliment xarakterli mesajlar göndərib. Bununla belə, Yelisey Sarayı yayılan məlumatları təkzib edib.

Xatırladaq ki, 2025-ci ildə yayılan videoda Bricit Makronun təyyarədən enərkən həyat yoldaşına sillə vurduğu iddia olunmuş, Makron isə bunu zarafat adlandırmışdı.

Rusiyada tikintidə işləməyə adam tapmırlar - 200000-dən çox işçi ÇATMIR

Rusiyanın əsas iqtisadi sahələrindən biri olan tikinti sektorunda hazırda təxminən 200 min ixtisaslı işçi çatışmır.

BAKU.WS xəbər verir ki, bu barədə Tass-a tikinti şirkətinin rəhbəri Renat Serazetdinov məlumat verib.

Analitikin sözlərinə görə, sektorda əsas problemlərdən biri də mövcud əməkdaşların əmək məhsuldarlığının kifayət qədər yüksək olmamasıdır. O bildirib ki, tikinti sahəsində fəaliyyət göstərən şirkətlərin böyük əksəriyyəti- təxminən 87 faizi bu problemin həlli istiqamətində sistemli addımlar atmır.

Ekspertlər qeyd edirlər ki, Rusiyada miqrantların ölkədə qalma qaydalarının sərtləşdirilməsi tikinti sektorundakı kadr böhranını daha da dərinləşdirir. "Crocus City Hall" terror aktından sonra bir sıra regionların hakimiyyət orqanları xarici işçilərlə bağlı məhdudiyyətlər tətbiq edib və onların bəzi sahələrdə çalışmasını qadağan edib.

Nəticədə, ənənəvi olaraq miqrant əməyindən asılı olan bir sıra sahələr risk altına düşə bilər. Mütəxəssislərin fikrincə, böhran xüsusilə tikinti sektorunda daha qabarıq şəkildə hiss oluna bilər.

Bloomberg: Qlobal neft ehtiyatları rekord sürətlə azalır

2026-cı ilin yaz aylarının ilk iki ayının yekunlarına görə, qlobal neft ehtiyatları rekord sürətlə azalaraq gündəlik təxminən 4 milyon barel həcmində geriləyib.

Far.Az xəbər verir ki, bu barədə "Bloomberg" Beynəlxalq Enerji Agentliyinin (IEA) məlumatlarına istinadən xəbər yayıb.

Məlumata görə, bu dinamika ABŞ, Almaniya və Yaponiyada xammala artan tələbat fonunda qeydə alınıb. Analitiklər bildirirlər ki, İranda davam edən müharibə səbəbindən Yaxın Şərq neftinin tədarükündə yaranmış genişmiqyaslı fasilələr qlobal ehtiyatların azalması tendensiyasını yaxın aylarda da davam etdirə bilər.

Ekspertlərin fikrincə, bazarda yaranmış ajiotajlı tələbin əsas səbəbi Hörmüz boğazının uzunmüddətli blokadasıdır. Yaxın Şərqdə vəziyyət gərginləşməzdən əvvəl dünya üzrə neft daşımalarının əhəmiyyətli hissəsi məhz bu marşrut vasitəsilə həyata keçirilirdi.

İranın regionun əsas logistika arteriyasını bağlamasından sonra dünya bazarında neft qiymətləri sürətlə yüksəlməyə başlayıb və pik həddə bir barel üçün təxminən 120 dollara yaxınlaşıb.

Mövcud vəziyyət bir sıra ölkələri fövqəladə tədbirlər görməyə vadar edib. Bir çox dövlət strateji yanacaq ehtiyatlarını aktiv şəkildə bazara çıxarmağa başlayıb.

Mütəxəssislərin qiymətləndirməsinə əsasən, Hörmüz boğazında gəmiçiliyin tam normallaşması bir neçə ay çəkə bilər.

Çin "Uzun Yürüş-6" raketi ilə yeni peyk qrupunu orbitə buraxdı

Çin Shanxi əyalətində yerləşən Tayyuan Peyk Buraxılış Mərkəzindən yeni peyk qrupunu uğurla kosmosa göndərib.

BAKU.WS xəbər verir ki, "Uzun Yürüş-6" daşıyıcı raketi ilə həyata keçirilən buraxılış Pekin vaxtı ilə 19:59-da baş tutub. Peyklərin əvvəlcədən müəyyən edilmiş orbitə yerləşdirildiyi bildirilib.

Rəsmi açıqlamada qeyd olunur ki, bu peyklər Çinin genişmiqyaslı aşağı orbitli kommersiya peyk şəbəkəsi olan "Spacesail Constellation" layihəsinin tərkib hissəsidir.

Tayyuan Mərkəzi bu missiyanın "Uzun Yürüş" raket seriyası üzrə 642-ci uçuş olduğunu açıqlayıb.

Rubionun Çin səfərində geyimi qalmaqala səbəb oldu – "siyasi mesaj" iddiaları artır

ABŞ Dövlət katibi Marko Rubionun Çinə səfəri zamanı seçdiyi geyim beynəlxalq mediada və sosial şəbəkələrdə geniş müzakirə yaradıb.

BAKU.WS xəbər verir ki, Rubio səfər zamanı Venesuela Prezidenti Nikolas Maduronun bir vaxtlar diqqət çəkən idman geyiminə bənzər kombinasiyada görüntülənib. Bu seçim bəzi siyasi dairələr və sosial media istifadəçiləri tərəfindən "şüurlu mesaj" kimi şərh olunub.

Müzakirələr xüsusilə ABŞ–Venesuela münasibətləri və Rubionun Çinlə əvvəlki gərgin siyasi fonu səbəbindən daha da güclənib. Senator olduğu dövrdə Pekinin ona qarşı sanksiyalar tətbiq etməsi də yenidən gündəmə gətirilib.

Sosial şəbəkələrdə yayılan görüntülər geniş rezonans doğurub. Bir qrup istifadəçi bunu "siyasi istehza" kimi dəyərləndirsə də, digərləri "diplomatik etikadan kənar addım" olduğunu bildirir.

Ağ Evə yaxın hesab edilən bəzi hesabların görüntüləri paylaşması müzakirələri daha da genişləndirib.