"Sabah"ın baş məşqçisi Lazar Spasiç: "Azərbaycan Basketbol Liqasında bu mövsüm rəqabət böyük olacaq"

Azərbaycan Basketbol Liqasında (ABL) bu mövsüm rəqabət olacaq.

"Report" xəbər verir ki, bunu "Sabah" basketbol klubunun baş məşqçisi Lazar Spasiç deyib.

Klubun mətbuat xidmətinə açıqlama verən mütəxəssis ABL-in I turunda "LANDAU Lions" komandasına qarşı keçirdikləri oyun barəsində danışıb:

"Bu oyunda qələbə bizim üçün vacib idi. Oyunçularımızın sona qədər mübarizə aparmasından, xarakter nümayiş etdirməsindən, komanda olaraq bir olmasından razı qaldım. Rəqib çox intizamlı müdafiə olunurdu. Son 10 dəqiqədə oyunumuzu xüsusilə bəyəndim. Oyunun əvvəlində müəyyən həyəcan var idi. Hakimliyə gəlincə onlar basketbolun inkişafinda çox vacib rol oynayırlar. Mən onlardan gələcəkdə daha da inkişaf etmələrini və qarşıdakı böyük inkişaf prosesinin bir hissəsi olmalarını gözləyirəm.

Təşkilatçılıq, ab-hava əla idi. Gördüklərimə əsasən düşünürəm ki, bizi rəqabətli liqa gözləyir. Azarkeşlərimizə dəstəyə görə təşəkkür edirəm. Tribunada çoxlu insan görəndə xoşbəxt oluram. Ümid edirəm ki, azarkeşlərimiz bizi hər oyunda bu cür dəstəkləyəcəklər. Bizim işimiz oyunları qazanmaq və onlara sevinc bəxş etməkdir".

Qeyd edək ki, "Sabah" - "LANDAU Lions" qarşılaşması birincilərin 84:74 hesablı qələbəsi ilə bitib.

"Sabah" Azərbaycan Basketbol Liqasının yeni mövsümünə qələbə ilə start verib

Azərbaycan Basketbol Liqasının yeni mövsümünə start verilib.

"Report"un məlumatına görə, I turun ilk oyununda "LANDAU Lions"la üz-üzə gələn son çempion "Sabah" qələbə qazanıb.

Bakı İdman Sarayında keçirilən qarşılaşma "bayquşlar"ın 84:74 hesablı qələbəsi ilə bitib.

Xatırladaq ki, I turun digər oyunları 2, 3 və 4 oktyabrda baş tutacaq

"Neftçi" basketbol komandası FIBA Avropa Kubokunda əsas mərhələyə yüksəlib

"Neftçi" basketbol komandası FIBA Avropa Kubokunda növbəti oyununu keçirib.

"Report"un məlumatına görə, təsnifat mərhələsində Estoniyanın "Parnu" kollektivi ilə cavab görüşünə çıxan "ağ-qaralar" 61:73 hesabı ilə uduzsalar da, iki qarşılaşmanın ümumi hesabına əsasən əsas mərhələyə yüksəlməyi bacarıb.

Paytaxt təmsilçisi Bakıda keçirilən ilk görüşdə 80:67 hesablı qələbə qazanmışdı.

Qeyd edək ki, "Neftçi" FIBA Avropa Kubokunun əsas mərhələsinin H qrupunda "Oradya" (Rumıniya), "Fribur Olimpik" (İsveçrə), VEF (Latviya), "Mikonos" (Yunanıstan) və "Lokomotiv" (Plovdiv, Bolqarıstan) komandaları ilə oynayacaq.

"Sabah" Azərbaycan Basketbol Liqasında yeni mövsümə qələbə ilə start verib

Azərbaycan Basketbol Liqasında yeni mövsümə start verilib.

"Far.Az"un məlumatına görə, I turun ilk oyununda "LANDAU Lions"la üz-üzə gələn son çempion "Sabah" qələbə qazanıb.

Bakı İdman Sarayında keçirilən qarşılaşma "bayquşlar"ın 84:74 hesablı qələbəsi ilə bitib.

Xatırladaq ki, I turun digər oyunları 2, 3 və 4 oktyabrda baş tutacaq

"Gəncə" basketbol klubu Avropa Kuboku oyunlarını doğma meydanda keçirəcək

Azərbaycan basketbol tarixində ilk dəfə FIBA Avropa Kubokunda regionu təmsil edən "Gəncə" qitəmiqyaslı turnirdə ev oyunlarını doğma şəhərdə keçirəcək.

Klubdan "Far.Az"a verilən məlumata görə, qərb təmsilçisi turnirin qrup mərhələsində 5 ev oyununda rəqiblərini Gəncə İdman Sarayında qəbul edəcək.

Ən müasir standartlara cavab verən idman qurğusunda təşkil olunacaq qarşılaşmalar Gəncə basketbolunun beynəlxalq arenada təmsilçiliyi baxımından əlamətdar hadisə olacaq.

Qeyd edək ki, FIBA Avropa Kubokunun C qrupunda yer alan "Gəncə" "Universitatya Krayova" (Rumıniya), "Sportinq" (Portuqaliya), "Rilski Sportist" (Bolqarıstan), "Kolossos" (Yunanıstan) və "Esenler Erokspor"la (Türkiyə) üz-üzə gələcək.

Azərbaycan Basketbol Liqasında yeni mövsümə start verilir

Azərbaycan Basketbol Liqasında yeni mövsümə bu gün start veriləcək.

"Far.Az"un məlumatına görə, I turun ilk oyununda son çempion "Sabah" "LANDAU Lions"la üz-üzə gələcək.

Matç Bakı İdman Sarayında, saat 19:30-da start götürəcək.

Xatırladaq ki, I turun digər oyunları 2, 3 və 4 oktyabrda baş tutacaq.

FIBA Avropa Kuboku: "Neftçi" Estoniyada cavab oyununa çıxır

"Neftçi" basketbol komandası FIBA Avropa Kubokunda növbəti oyununu bu gün keçirəcək.

"Far.Az"un məlumatına görə, "ağ-qaralar" təsnifat mərhələsində Estoniyanın "Parnu" kollektivi ilə cavab görüşünə çıxacaq.

Səfərdəki qarşılaşma Bakı vaxtı ilə saat 20:00-da start götürəcək.

"Neftçi" Bakıda baş tutan ilk görüşdə rəqibini 80:67 hesabı ilə üstələyib.

Cütün qalibi FIBA Avropa Kubokunun əsas mərhələsinin H qrupunda "Oradya" (Rumıniya), "Fribur Olimpik" (İsveçrə), VEF (Latviya), "Mikonos" (Yunanıstan) və "Lokomotiv" (Plovdiv, Bolqarıstan) komandaları ilə oynayacaq.

Azərbaycan Basketbol Federasiyasında yeni mövsümün açılışı ilə bağlı tədbir keçirilib

Azərbaycan Basketbol Federasiyasında (ABF) 2026/2027 mövsümünün açılışı ilə bağlı tədbiri baş tutub.

Bu barədə "Report"a ABF-dən məlumat verilib.

Tədbirdə Milli Olimpiya Komitəsinin (MOK) vitse-prezidenti Çingiz Hüseynzadə, Gənclər və İdman Nazirliyinin İdman şöbəsinin müdiri Elnur Məmmədov, Elm və Təhsil Nazirinin müavini Firudin Qurbanov, Azərbaycan Basketbol Federasiyasının prezidenti Emin Əmrullayev, federasiyanın rəyasət heyətinin üzvləri, universitet rektorları, rəsmi tərəfdaşlar, federasiya əməkdaşları, klub rəhbərləri, məşqçilər, basketbolçular və media nümayəndələri iştirak ediblər.

İlk olaraq federasiyanın mətbuat katibi Sənan Əliyev ötən mövsümün hesabatını təqdim edib. O, federasiyanın ötən mövsümdə həyata keçirdiyi layihələr, beynəlxalq turnirlərdə qazanılan uğurlar və yaxın gələcəkdə planlaşdırılan yeniliklər barədə ətraflı məlumat verib.

Daha sonra isə açılış nitqi ilə çıxış edən MOK-un vitse-prezidenti Çingiz Hüseynzadə ölkəmizdə basketbolun inkişaf istiqamətləri və bu sahədə atılan addımlardan bəhs edib. O, Azərbaycan basketbolunun milli və klub səviyyəsində beynəlxalq müstəvidə böyüyən uğurlarından da söz açıb.

ABF prezidenti Emin Əmrullayev çıxışında federasiyanın fəaliyyət prinsiplərinə toxunub və yerli çempionatın daha da rəqabətli olmasından danışıb:

"Basketbolun ölkəmizdə kütləviləşməsi və klubların dayanıqlı inkişafı bizim üçün əsas prioritetdir. Basketbol federasiyası olaraq davamlı nəticə əldə etmək üçün ikirəqəmli müddət gərəkdir. Biz harada qısa müddətdə uğur qazanmaq imkanımızın olduğunu yaxşı anlayırıq. 3x3 qadın basketbolu buna əsas nümunədir. Azərbaycan Basketbol Liqasında iştirak edən 4 klubun Avrokuboklarda mübarizə aparmasını da nəzərə alsaq, 8 klublu bu çempionat ötən mövsümlərlə müqayisədə daha da rəqabətli olacaq".

Qeyd edək ki, Azərbaycanda yeni basketbol mövsümü sabah start götürəcək.

"Sumqayıt" heyətini amerikalı basketbolçu Aleks Holtla gücləndirib

"Sumqayıt" heyətinə amerikalı basketbolçu cəlb edib.

Bu barədə "Far.Az"a "gənclik şəhəri" təmsilçisinin mətbuat xidmətindən məlumat verilib.

Komanda 26 yaşlı mərkəz oyunçusu Aleks Holt ilə cari mövsümün sonuna qədər müqavilə imzalayıb.

205 sm boya malik basketbolçu Gürcüstanda "Telavi" klubunda çıxış edib. Holt bu kollektivin heyətində orta hesabla 7,4 xal və 7 ribaundla çıxış edib.

"Sumqayıt" basketbolçu Azər Əzimovla anlaşıb

"Sumqayıt" heyətinə yeni basketbolçu qatıb.

Bu barədə "Report"a klubdan məlumat verilib.

"Gənclik şəhəri" təmsilçisi Azər Əzimovla anlaşıb.

O, daha əvvəl "Lənkəran", "Sərhədçi" və "Gəncə" klublarında çıxış edib. A.Əzimov eyni zamanda Azərbaycanın aşağı yaş qrupları üzrə milli komandalarının formasını geyinib.

İoannis Diamantakos Azərbaycanın qadın basketbolçulardan ibarət millisinin baş məşqçisi təyin olunub

İoannis Diamantakos basketbol üzrə qadınlardan ibarət Azərbaycan millisinin baş məşqçisi və bütün yaş qrupları üzrə qadın milli komandalarının koordinatoru təyin olunub.

Bu barədə "Report"a Azərbaycan Basketbol Federasiyasından (ABF) məlumat verilib.

ABF yunanıstanlı mütəxəssislə iki il müddətinə müqavilə imzalayıb.

O, son olaraq Səudiyyə Ərəbistanının "AlUla" klubunun baş məşqçisi kimi fəaliyyət göstərib.

Mütəxəssis Livan Basketbol Federasiyasında texniki koordinator, Livanın qadınlardan ibarət əsas milli komandasının, eləcə də U18 oğlan və qız milli komandalarının baş məşqçisi vəzifələrində çalışıb. Mütəxəssis, həmçinin Fələstinin kişilərdən ibarət əsas milli komandasına və Rumıniyanın U20 milli komandasına rəhbərlik edib.

Klub səviyyəsində Yunanıstan, Rumıniya, Fələstin və Səudiyyə Ərəbistanında fəaliyyət göstərən Diamantakosun məşqçilik karyerasında U18 qadınlar arasında FIBA Asiya Kubokunun B divizionunda və U18 WABA turnirində qazanılmış gümüş medallar, Fələstin Basketbol Liqası çempionluğu və Yunanıstanda iki liqa çempionluğu yer alır. O, həmçinin komandaları ilə FIBA Europe Cup-da ən güclü səkkizlikdə yer alıb və FIBA U20 Avropa çempionatını beşinci pillədə başa vurub.

Basketbol sahəsindəki fəaliyyətindən əlavə, İoannis Diamantakos psixologiya üzrə fəlsəfə doktoru elmi dərəcəsinə malikdir. Onun akademik bilikləri məşqçilik və liderlik fəaliyyətinə elmi yanaşma gətirir.

Diamantakosun əsas milli komanda ilə qarşıdakı hədəfi 2026-cı ilin noyabrında və 2027-ci ilin fevralında keçiriləcək FIBA-nın qadınlar arasında 2029-cu il Avropa çempionatının ilkin seçmə mərhələsində rəqabətədavamlı çıxış etməkdir. Bu turnir gələcək üçün mühüm təcrübə qazandırmaqla yanaşı, 2027-ci ilin yayında keçiriləcək FIBA-nın qızlar arasında U16, U18 və U20 Avropa çempionatlarına hazırlıq baxımından da faydalı olacaq.

"Sumqayıt" heyətinə yeni basketbolçu cəlb edib

"Sumqayıt" heyətinə yeni basketbolçu cəlb edib.

Bu barədə "Far.Az"a klubdan məlumat verilib.

Hüseyn Əsgərli ilə 1 illik müqavilə imzalanıb.

20 yaşlı oyunlu buna qədər "Sərhədçi", "Şəki" və "Lənkəran" komandalarında da çıxıb edib.