Bu barədə "Report"a müsahibəsində "AZCON Holdinq"in icraçı direktoru Şahin Babayev bildirib.

Onun sözlərinə görə, Holdinqin tərkibində telekommunikasiya və nəqliyyat istiqamətləri ilə yanaşı, daxili proseslərin də sinerjik formada həyata keçirilməsi üzərində iş aparılır: "İxtisaslaşmış mütəxəssislərin cəlb edilməsi kifayət qədər çətin prosesdir və bu səbəbdən bir neçə sahədə sinerji tətbiq olunur. Artıq Holdinqin daxilində kompetensiya mərkəzləri formalaşdırılıb. Bu, xüsusilə süni intellekt, informasiya texnologiyaları və rəqəmsallaşma sahələrini əhatə edir. Bundan başqa, satınalma proseslərinin və beynəlxalq tərəfdaşlarla əlaqələrin koordinasiyasında da sinerji mövcuddur. AZCON vahid Holdinq olaraq daha böyükmiqyaslı və strateji tərəfdaş qismində çıxış edir. Bu isə həm xərclərin optimallaşdırılmasına, həm də daha qabaqcıl texnoloji həllərə çıxış imkanlarının genişlənməsinə zəmin yaradır".

Ş.Babayev qeyd edib ki, "Bulud" texnologiyaları, süni intellekt infrastrukturu və dayanıqlı rabitə şəbəkələri artıq rəqəmsal dövlətin və iqtisadiyyatın fundamental dayaq nöqtələrinə çevrilib: "İlk olaraq "bulud" xidmətləri istiqamətində reallaşdırılan layihələrə diqqət yetirmək lazımdır. "Bulud" xidmətlərindən yararlanmaq məqsədilə "AzInTelecom"un fəaliyyətdə olan data mərkəzinə indiyədək 287 qurum inteqrasiya olunub. Bu qurumlardan 147-si dövlət strukturlarına, 140-ı isə özəl sektora məxsusdur. Bununla yanaşı, mövcud tutumun artırılması istiqamətində "Hökumət buludu" layihəsi çərçivəsində yeni əsas və ehtiyat data mərkəzlərini əhatə edən ikimodullu data mərkəzinin tikintisi hələ də davam etdirilir. Bu yanaşma həm göstərilən xidmətlərin fasiləsizliyini, həm də kibertəhlükəsizlik müdafiəsini əhəmiyyətli dərəcədə möhkəmləndirəcək. Digər vacib istiqamət data texnologiyalarının intensiv inkişafını labüd edən süni intellekt sahəsidir. "AzInTelecom"un ölkədə ilk dəfə təsis etdiyi Superkompüter Mərkəzi məhz bu sahənin irəliləyişinə töhfə verir".

Müsahibə ilə ətraflı bu link vasitəsilə tanış ola bilərsiniz.

Bu barədə "Far.Az"a müsahibəsində "AZCON Holding"in icraçı direktoru Şahin Babayev bildirib.

Onun sözlərinə görə, hazırda Azərbaycan Kosmik Agentliyi ("Azərkosmos") həm telekommunikasiya peyk xidmətləri, həm də müşahidə peykləri sahəsində fəaliyyətini artırır: "Yerin müşahidə peyklərindən olan "Azersky-2A" peyki ilə əlaqədar layihə davam etdirilir və bu istiqamətdə işlərin 2029-cu ilin sonuna qədər yekunlaşdırılması planlaşdırılır".

Ş.Babayev bildirib ki, eyni zamanda "Azerspace-1" telekommunikasiya peykinin istifadə müddətinin başa çatmasını nəzərə alaraq, "Azerspace-3" peykinin 2029-cu ilin sonunadək istismara buraxılması nəzərdə tutulur: "Beləliklə, "Azərkosmos" həm Yerin müşahidə peyki, həm də telekommunikasiya peyki xidmətləri sahəsində fəaliyyət istiqamətlərini daha da genişləndirmiş olacaq".

Müsahibə ilə ətraflı bu link vasitəsilə tanış ola bilərsiniz.

"Report"un məlumatına görə, hazırda forum üçün 1500-dən çox iştirakçı qeydiyyatdan keçib.

AKTA-nın İcraçı direktoru Rauf Cabarov bildirib ki, foruma olan yüksək maraq ölkəmizdə kibertəhlükəsizliyin vacib mövzulardan birinə çevrildiyini göstərir:

"Bu gün kibertəhlükəsizlik artıq yalnız texniki məsələ deyil, dövlətlərin dayanıqlığı, biznes mühitinin təhlükəsizliyi və cəmiyyətin rəqəmsal inkişafı ilə birbaşa bağlı strateji məsələdir. Forumumuza göstərilən böyük maraq da ölkəmizdə kibertəhlükəsizlik sahəsinə diqqətin və bu istiqamətdə əməkdaşlıq ehtiyacının artdığını göstərir".

İcraçı direktor qeyd edib ki, forum çərçivəsində dövlət qurumları, beynəlxalq təşkilatlar, aparıcı texnologiya şirkətləri, kibertəhlükəsizlik ekspertləri və sənaye nümayəndələri bir araya gələrək müasir kiber təhdidlər, süni intellektin kibertəhlükəsizlikdə rolu, kritik infrastrukturun qorunması, regional əməkdaşlıq imkanları, o cümlədən Türk Dövlətləri Təşkilatı və Şərq Tərəfdaşlığı regionu çərçivəsində əməkdaşlıq perspektivləri, eləcə də innovativ təhlükəsizlik həlləri ətrafında müzakirələr aparacaqlar.

"Biz forumu yalnız bir tədbir kimi deyil, həm də ölkədə və regionda kibertəhlükəsizlik sahəsində əməkdaşlığın gücləndirilməsi, bilik və təcrübə mübadiləsinin təşviqi üçün platforma kimi qiymətləndiririk", – deyə AKTA rəsmisi əlavə edib.

Tədbir proqramına panel sessiyalar, texniki təqdimatlar, beynəlxalq ekspert çıxışları və kibertəhlükəsizlik sərgisi daxildir. Forum çərçivəsində yerli və xarici şirkətlər öz innovativ məhsul və həllərini nümayiş etdirəcəklər.

4-cü Milli Kibertəhlükəsizlik Forumunun ölkədə kibertəhlükəsizlik ekosisteminin inkişafına və yeni təşəbbüslərin formalaşmasına mühüm töhfə verəcəyi gözlənilir.

Qeyd edək ki, Forumun açıq qeydiyyatı bitmişdir. Forum haqqında ətraflı məlumatı https://cyberforum.az saytından əldə etmək mümkündür.

"Report" xəbər verir ki, bu barədə Elektron Təhlükəsizlik Xidməti (ETX) məlumat yayıb.

Bildirilir ki, bu zaman qarşı tərəfin telefonunda gizli videozəng, ekran yazısı və ya digər qeyd funksiyaları aktiv ola bilər. Nəticədə vətəndaşın səsi, üz görüntüsü və bəzi hallarda toxunuş məlumatları qeydə alınaraq sonradan müxtəlif dələduzluq məqsədləri üçün istifadə oluna bilər.

Beynəlxalq mühitdə yaşanan bu kimi hallardan qorunmaq üçün Elektron Təhlükəsizlik Xidməti vətəndaşlara aşağıdakı preventiv kibergigiyena tədbirlərinə əməl olunmasını tövsiyə edir:

Tanımadığınız şəxslərin mobil telefonlarına toxunmayın;

Naməlum şəxslərin telefonunda heç bir təsdiq əməliyyatı aparmayın;

Kamera və ya səsli təsdiq tələb edən hallarda ehtiyatlı olun;

Şəxsi və biometrik məlumatlarınızı üçüncü şəxslərlə paylaşmayın;

Yaşlı şəxsləri və azyaşlıları bu üsullar barədə məlumatlandırın.

Şübhəli hallarla qarşılaşdıqda aidiyyəti qurumlara və ya Elektron Təhlükəsizlik Xidmətinin elektron poçt ünvanı [email protected] və ya "1654" qaynar xətti vasitəsilə məlumat verilməsi xahiş olunur.

"Report"un məlumatına görə, bu barədə Avropa Kosmik Agentliyinin nümayəndəsi Françeska Eliza Leonelli (Francesca Elisa Leonelli) WUF13 çərçivəsində keçirilən "Qeyri-rəsmi yaşayış məntəqələrinin transformasiyası" mövzusunda tədbirdə bəyan edib.

"Report" xəbər verir ki, bunu Kosmik Agentliyin ("Azərkosmos") Coğrafi İnformasiya Sistemləri Mərkəzinin direktoru İsmət Baxışov Bakıda keçirilən Ümümdünya Şəhərsalma Forumu (WUF13) çərçivəsində təşkil olunmuş "Şəhərlərin daha keyfiyyətli məlumatlarla imkanlarının genişləndirilməsi - siyasətin formalaşdırılması və qərarların qəbulu üçün əlçatan və tətbiq oluna bilən məlumatlar" adlı tədbirdə bildirib.

Onun sözlərinə görə, bu gün məlumat əldə etmək problem deyil, çünki dünya miqyasında çoxlu açıq məlumat var: "Məlumatların sahibləri olaraq biz onlardan necə faydalana biləcəyimizi anlayırıq. Lakin bu kifayət deyil. Biz bu həlləri təşkilatlara onların öz dilində, onların öz anlayışında təqdim etməyə çalışırıq. Məsələn, biz "Platera" üzərində işləyirik – bu, geo-süni intellektə əsaslanan platformadır və hər bir əlaqəli təşkilat üçün avtomatik olaraq həllər təqdim edir. Bir neçə nümunə gətirəcəyəm. Şəhər idarəçiliyi baxımından platforma açıq məlumatlardan istifadə edir və müxtəlif məlumat mənbələri üçün də seçimlər var. Bir neçə dəqiqə ərzində binaların əsas konturlarını yaratmaq, şəhər ərazilərində hər hansı dəyişiklikləri, yaşıl zonaları və açıq su obyektlərini aşkar etmək mümkündür".

Qonaq əlavə edib i, təkcə ərazini deyil, həm də suyun keyfiyyətini, yaşıl sahələrin keyfiyyətini və yaşıl zonaların sağlamlığını anlamaq da vacibdir: "Bu platformanın əsas hədəfi bütün CİS texnologiyasını və məsafədən zondlama texnologiyasını bir əldə birləşdirməkdir, yəni istifadəçilərdən bu sahədə heç bir bilik və ya hər hansı xüsusi alətlər tələb olunmur. Bu buludəsaslı platforma emal üçün infrastruktur da tələb etmir. Kosmik Agentlik olaraq, bizim əsas missiyamız Azərbaycanda kosmik məlumatlılığı artırmaq və əlaqəli təşkilatlara kosmik məlumatlardan faydalanmaq üçün həllər təqdim etməkdir".

Üç ay müddətində davam edəcək "bootcamp" proqramının əsas məqsədi gənclərə proqramlaşdırma sahəsində fundamental biliklər qazandırmaq, onları real layihələr üzərində işləməyə cəlb etmək və İT karyerasına güclü başlanğıc imkanı yaratmaqdır.

Proqram "Java" və "Python" proqramlaşdırma istiqamətlərini əhatə edir. Tədris prosesi qarşılıqlı öyrənmə və layihə əsaslı tədris modelləri əsasında qurulacaq. İştirakçılar təcrübəli mentorların dəstəyi ilə praktiki nümunələr üzərində işləyəcək, nəzəri biliklərini praktik tapşırıqlar vasitəsilə tətbiq edəcəklər. "Bakcell"in dəstəyi ilə həyata keçirilən təqaüd proqramı çərçivəsində iştirakçılara 70 %-dək təqaüd imkanı təqdim olunacaq.

Qeydiyyatdan keçən iştirakçılar məntiq və proqramlaşdırma biliklərini əhatə edən imtahan mərhələsində, daha sonra isə müsahibə prosesində iştirak edəcəklər.

Proqram iştirakçıların gələcəkdə İT sahəsində peşəkar inkişafı, real iş mühitinə uyğun bacarıqlar qazanması və bu sahədə uğurlu karyera qurmasına dəstək olacaq.

"Bakcell" və "Peerstack Academy" arasında qurulan bu əməkdaşlıq innovativ ideyaların real texnoloji həllərə çevrilməsi üçün yeni imkanlar yaratmaqla yanaşı, ölkədə texnologiya sahəsində insan kapitalının inkişafına töhfə verməyi hədəfləyir.

"Peerstack Academy"nin tələbəsi olmaq istəyənlər linkə daxil olaraq qeydiyyatdan keçə bilərlər.

"Bakcell" haqqında

"Bakcell" Azərbaycanın ilk və ən böyük özəl telekommunikasiya şirkətidir. Hazırda şirkət üç milyondan çox müştərini yüksəkkeyfiyyətli və sürətli telekommunikasiya xidmətləri ilə təmin edir. Ölkə iqtisadiyyatının qeyri-neft sektorunun ən böyük investorlarından biri olan Bakcell süni intellekt əsaslı innovativ həllərlə Azərbaycanın dayanıqlı inkişafına töhfə verir.

"Bakcell" müxtəlif ölkələrdə telekommunikasiya, enerji, yüksək texnologiyalar və tikinti sahələrində fəaliyyət göstərən "NEQSOL Holding" beynəlxalq şirkətlər qrupunun tərkibinə daxildir.

"Far.Az" xəbər verir ki, bunu rəqəmsal inkişaf və nəqliyyat naziri Rəşad Nəbiyev "X" sosial şəbəkəsində hesabında bildirib.

Nazir bildirib ki, Slovakiyanın investisiyalar, regional inkişaf və informasiya naziri Samuel Miqal ilə görüş keçirib.

"Slovakiya tərəfi ölkəmizlə elektron hökumət, "SİMA imza" və elektron imza sahələrində əməkdaşlıqda maraqlı olduqlarını bildirib. Bununla bağlı ekspertlər səviyyəsində danışıqlara başlanılmasını qərara aldıq", - deyə R. Nəbiyev vurğulayıb.

Nazir qeyd edib ki, həmçinin kosmik sənaye və texnologiyalar sahəsində əməkdaşlıq imkanları barədə fikir mübadiləsi aparılıb.

"Report" "Speedtest Global Index"ə istinadən xəbər verir ki, ötən ay bir il əvvəlki göstərici (77,16 Mbps) ilə müqayisədə ölkədə sabit genişzolaqlı internetin orta sürəti 19 % artıb.

Azərbaycan bu göstərici ilə Rusiya (91,56 Mbps), Türkiyə (81,82 Mbps), İran (26,06 Mbps), Gürcüstan (45,36 Mbps), Ermənistan (86,50 Mbps), Belarusu (91,26 Mbps), Qazaxıstan (87,51 Mbps), Qırğızıstanı (88,36 Mbps) və Tacikistanı (48,76 Mbps) geridə qoyub.

Sabit genişzolaqlı internetin sürətinə görə ötən ay birinci yeri Sinqapur (430,31 Mbps), axırıncı yeri isə Türkmənistan (2,19 Mbps) tutub.

Azərbaycan ötən ay mobil internetin sürətinə görə 2 pillə irəliləyərək 94,64 Mbps sürətlə 104 ölkə arasında 48-ci olub.

Mobil internetin sürətinə görə birinci yeri Birləşmiş Ərəb Əmirlikləri (647,28 Mbps), sonuncu yeri isə Eritreya (4,75 Mbps) tutub.

Hesabat ayında Bakı şəhərinin sabit genişzolaqlı internetin sürətinə görə mövqeyi əvvəlki aya nisbətən 1 pillə irəliləyərək 202 şəhər arasında 91,71 Mbps sürətlə 113-cü yerdə qərarlaşıb.

Şəhərlərin sabit genişzolaqlı internet üzrə reytinqinə Əbu-Dabi (408,84 Mbps) şəhəri başçılıq edib. Sonuncu pillədə Hələb (3,07 Mbps) qərarlaşıb.

Azərbaycan paytaxtı ötən ay mobil internetin sürətinə görə mövqe dəyişməyərək 114,26 Mbps sürətlə 152 şəhər arasında 83-cü yerdə qərarlaşıb.

Şəhərlər arasında mobil internetin sürətinə görə birinci yeri Əl-Rayyan (Qətər) (659,91 Mbps), sonuncu yeri Asmara (Eritreya) (4,75 Mbps) tutub.

"Far.Az" xəbər verir ki, bu barədə "Xinhua" agentliyi məlumat yayıb.

Qeyd olunur ki, 18 internet peykinin buraxılışı bazar günü gecəyə doğru Vençan kosmodromunun (cənubdakı Xaynan əyaləti) kommersiya meydançasından CZ-8 ("Çançjen-8") daşıyıcı raketi vasitəsilə həyata keçirilib.

Başlığının diametri 4 metr olan yeni nəsil maye yanacaqlı üçpilləli CZ-8 raketinin uzunluğu 50 metrə çatır. O, aşağı Yer orbitinə 7,6 tona qədər (keçid geostasionar orbitə - 2,5 tona qədər) faydalı yük çıxarmaq qabiliyyətinə malikdir.

Bu, genişzolaqlı internet bağlantısı xidmətləri göstərmək üçün nəzərdə tutulan "Spacesail Constellation" orbital qrupunun tərkibinə daxil olan artıq doqquzuncu aparat qrupudur. İndi orbitdə 162 belə peyk var.