FNC BOKT maliyyə vəziyyətini açıqlayıb

FNC QSC bank olmayan kredit təşkilatı (BOKT) 2025-ci ili 3,278 milyon manat xalis mənfəətlə başa vurub.

"Report" BOKT-un maliyyə hesabatına istinadən xəbər verir ki, bu, 2024-cü illə müqayisədə 66,2 % çoxdur.

Ötən il FNC-nin vergiyəqədərki mənfəəti 4,098 milyon manat (əvvəlki ilə nisbətən 66,2 % çox), mənfəət vergisi ödəmələri isə 820 min manat (66,3 % çox) təşkil edib.

Bu il yanvarın 1-nə FNC-nin aktivləri 50,39 milyon manat olub ki, bu da illik müqayisədə 18,2 % çoxdur. Bunun 49,49 milyon manatı müştərilərə verilmiş kreditlərdir. 2025-ci ildə BOKT-un kredit portfeli 16,4 % böyüyüb.

Hesabat dövründə FNC-nin öhdəlikləri 7,4 % artaraq 43,235 milyon manata, balans kapitalı isə 3 dəfə artaraq 7,155 milyon manata, o cümlədən nizamnamə kapitalı 6 dəfə artaraq 1,8 milyon manata çatıb.

Xatırladaq ki, FNC 2021-ci ildə yaradılıb. BOKT-un səhmdarı 100 % Xəqani Məmmədovdur.

"Neo" BOKT ötən ili zərərlə başa vurub

"Neo" ASC bank olmayan kredit təşkilatı (BOKT) 2025-ci ili 80 min manat zərərlə başa vurub. Halbuki, BOKT 2024-cü ildən cüzi mənfəətlə çıxmışdı.

"Far.Az" xəbər verir ki, bu il yanvarın 1-nə "Neo"nun aktivləri 31 min manat olub ki, bu da illik müqayisədə 76,5 % azdır. Bunun 28 min manatı müştərilərə verilmiş kreditlərdir. 2025-ci ildə BOKT-un kredit portfeli 31,7 % kiçilib.

Hesabat dövründə "Neo"nun öhdəlikləri 91,3 % azalaraq 2 min manata, balans kapitalı isə 73,4 % azalaraq 29 min manata düşüb.

Xatırladaq ki, "Neo" 2007-ci ildən fəaliyyət göstərən "Finans İnvest" BOKT-un bazasında 2026-cı ildə yaradılıb. Onun nizamnamə kapitalı 371 min manatdır.

Azərbaycandakı sığorta şirkətlərinin xalis mənfəətinin (zərərinin) məbləğinə görə renkinqi (Yanvar-mart, 2026)

"Report" İnformasiya Agentliyi Azərbaycanda fəaliyyət göstərən sığorta şirkətlərinin bu ilin yanvar-mart aylarındakı xalis mənfəətinin (zərərinin) məbləğinə görə renkinqini təqdim edir:

"Finkapital" BOKT ötən ili zərərlə başa vurub

"Finkapital" MMC bank olmayan kredit təşkilatı (BOKT) 2025-ci ili 56 min manat zərərlə başa vurub. Halbuki, BOKT 2024-cü ildən 146 min manat xalis mənfəətlə çıxmışdı.

"Report" xəbər verir ki, bu il yanvarın 1-nə "Finkapital"ın aktivləri 4,583 milyon manat olub ki, bu da illik müqayisədə 30,8 % çoxdur. Bunun 3,872 milyon manatı müştərilərə verilmiş kreditlərdir. 2025-ci ildə BOKT-un kredit portfeli 28,9 % böyüyüb.

Hesabat dövründə "Finkapital"ın öhdəlikləri 31,6 % artaraq 3,374 milyon manata, balans kapitalı isə 28,6 % artaraq 1,209 milyon manata, o cümlədən nizamnamə kapitalı 59,6 % artaraq 870 min manata çatıb.

Xatırladaq ki, "Finkapital" 2021-ci ildə yaradılıb.

"SF Azerbaijan" BOKT-un xalis mənfəəti 2 dəfədən çox azalıb

"SF Azerbaijan" MMC bank olmayan kredit təşkilatı (BOKT) 2025-ci ili 15,754 milyon manat xalis mənfəətlə başa vurub.

"Far.Az" BOKT-un maliyyə hesabatına istinadən xəbər verir ki, bu, 2024-cü illə müqayisədə 2,4 dəfə və yaxud 58,3 % azdır.

Ötən il "SF Azerbaijan"ın vergiyəqədərki mənfəəti 19,75 milyon manat (əvvəlki ilə nisbətən 58,1 % az), mənfəət vergisi ödəmələri 3,996 milyon manat (57,7 % az) təşkil edib.

Bu il yanvarın 1-nə "SF Azerbaijan"ın aktivləri 48,507 milyon manat olub ki, bu da illik müqayisədə 40,6 % azdır. Bunun 28,593 milyon manatı müştərilərə verilmiş xalis kreditdir. 2025-ci ildə BOKT-un kredit portfeli 73,9 % kiçilib.

Hesabat dövründə "SF Azerbaijan"ın öhdəlikləri 81,1 % azalaraq 8,703 milyon manata düşüb, balans kapitalı isə 11,8 % artaraq 39,804 milyon manata çatıb.

Xatırladaq ki, "SF Azerbaijan" 2021-ci ildə yaradılıb. Onun nizamnamə kapitalı 300 min manatdır. BOKT-un təsisçisi Latviyanın "Sun Finance Cetral Asia AS" şirkətidir.

Azərbaycandakı sığorta şirkətlərinin ödənilmiş mənfəət vergisinin məbləğinə görə renkinqi (Yanvar-mart, 2026)

"Report" İnformasiya Agentliyi Azərbaycanda fəaliyyət göstərən sığorta şirkətlərinin bu ilin yanvar-mart aylarında ödənilmiş mənfəət vergisinin məbləğinə görə renkinqini təqdim edir:

"İnternational" BOKT maliyyə vəziyyətini açıqlayıb

"İnternational" QSC bank olmayan kredit təşkilatı (BOKT) 2025-ci ili 5,546 milyon manat xalis mənfəətlə başa vurub.

"Report" BOKT-un maliyyə hesabatına istinadən xəbər verir ki, bu, 2024-cü ilə nisbətən 15 % çoxdur.

Ötən il "İnternational"ın vergiyəqədərki mənfəəti 7,026 milyon manat (16,6 % çox), mənfəət vergisi ödəmələri isə 1,48 milyon manat (22,7 % çox) təşkil edib.

Bu il yanvarın 1-nə "International"ın aktivləri 60,651 milyon manat olub ki, bu da illik müqayisədə 33,2 % çoxdur. Bunun 51,257 milyon manatı müştərilərə verilmiş xalis kreditlərdir. 2025-ci ildə BOKT-un kredit portfeli 35 % böyüyüb.

Hesabat dövründə BOKT-un öhdəlikləri 38,1 % artaraq 46,497 milyon manata, balans kapitalı isə 19,4 % artaraq 14,154 milyon manata, p cümlədən nizamnamə kapitalı 25 % artaraq 10 milyon manata çatıb.

Xatırladaq ki, "International" 2013-cü ildə yaradılıb. BOKT-un səhmdarı 100 % Rifat Həsənovdur.

"Monetri" BOKT maliyyə vəziyyətini açıqlayıb

"Monetri" MMC bank olmayan kredit təşkilatı (BOKT) 2025-ci ili 5,442 milyon manat xalis mənfəətlə başa vurub.

"Report" BOKT-un maliyyə hesabatına istinadən xəbər verir ki, bu 2024-cü illə müqayisədə 35,1 % çoxdur.

Ötən il "Monetri"nin vergiyəqədərki mənfəəti 6,114 milyon manat (əvvəlki ilə nisbətən 21,4 % çox), mənfəət vergisi ödəmələri isə 672 min manat (33,3 % az) təşkil edib.

Bu il yanvarın 1-nə "Monetri"nin aktivləri 35,204 milyon manat olub ki, bu da illik müqayisədə 49 % çoxdur. Bunun 20,567 milyon manatı müştərilərə verilmiş kreditlərdir. 2025-ci ildə BOKT-un kredit portfeli 2,3 dəfə böyüyüb.

Hesabat dövründə "Monetri"nin öhdəlikləri 2,4 dəfə artaraq 10,89 milyon manata, balans kapitalı isə 27 % artaraq 24,314 milyon manata çatıb.

Xatırladaq ki, "Monetri" 2013-cü ildən fəaliyyət göstərən "PSG Finans" BOKT-un bazasında 2014-cü ildə yaradılıb. Onun nizamnamə kapitalı 10 milyon manatdır. BOKT-un təsisçiləri 75%-lik payla "Practical Solutions Middle East FZ" şirkəti, eləcə də hər biri 12,5%-lik payla Faiq Məmmədov və "Chaparxana KFT" şirkətidir.

Azərbaycandakı sığorta şirkətlərinin xərclərinin məbləğinə görə renkinqi (Yanvar-mart, 2026)

"Report" İnformasiya Agentliyi Azərbaycanda fəaliyyət göstərən sığorta şirkətlərinin bu ilin yanvar-mart aylarındakı xərclərinin məbləğinə görə renkinqini təqdim edir:

Azərbaycanda nağdsız ödənişlər apreldə 2 %-dən çox azalıb

Bu ilin aprel ayında Azərbaycanda nağdsız ödənişlərin məbləği ötən ilin eyni ayı ilə müqayisədə 2,2 % azalaraq 9 milyard 94 milyon manat təşkil edib.

"Far.Az" Azərbaycan Mərkəzi Bankına (AMB) istinadən xəbər verir ki, bunun 7,969 milyard manatı (87,6 %-i) elektron ticarətin payına düşüb.

Ödənişlərin 1 milyard 123 milyon manatı POS-terminallar, 2,5 milyon manatı isə özünə xidmət terminalları vasitəsilə həyata keçirilib. İlin əvvəlindən ödəniş kartları ilə nağdsız ölkədaxili əməliyyatların məbləği kart əməliyyatlarının həcminin 69,9 %-ni təşkil edib.

Bu il mayın 1-nə Azərbaycanda ödəniş kartlarının sayı 22 milyon 518 min ədəd təşkil edib. Bu, aylıq müqayisədə 0,5 %, ilin əvvəli ilə müqayisədə 2,45 %, ötən ilin eyni dövrü ilə müqayisədə 8,9 % çoxdur.

Son 1 ildə ölkədə debet kartlarının sayı 11,35 % artaraq 20,473 milyon, kredit kartlarının sayı isə 10,6 % azalaraq 2,045 milyon olub. Apreldə bu kartlar üzrə dövriyyənin məbləği müvafiq olaraq 12,527 milyard manat (illik müqayisədə 5 % az) və 697 milyon manat (29,5 % az) təşkil edib.

Hesabat dövründə ölkədə bankomatların sayı 5,6 %, POS-terminalların sayı isə 23,7 % artaraq müvafiq olaraq 3 586 ədəd (Bakı üzrə 1 930s ədəd) və 160 225 ədəd (Bakı üzrə 101 103 ədəd) təşkil edib.

Hazırda beynəlxalq ödəniş sistemlərinin 3 əsas növü var: kart, elektron və universal ödəniş sistemləri. Dünyada daha çox populyar olan 5 beynəlxalq kart ödəniş sistemi mövcuddur - "Visa İnternational", "MasterCard İnternational", "American Express", "Diners Club İnternational" və "JCB Card"dır. Bu maliyyə nəhəngləri Azərbaycan bankları ilə də əməkdaşlıq edir.

Azərbaycan banklarına depozit qoyuluşu azalıb

Bu il mayın 1-nə Azərbaycan banklarının depozit portfeli 41 milyard 337,5 milyon manat təşkil edib.

"Far.Az" Azərbaycan Mərkəzi Bankına (AMB) istinadən xəbər verir ki, bu, aylıq müqayisədə 0,8 %, ilin əvvəli ilə müqayisədə 0,9 %, ötən il mayın 1-nə nisbətən isə 0,2 % azdır.

Depozit portfelinin 47,4 %-i, yaxud 19 milyard 608,2 milyon manatı qeyri-maliyyə təşkilatlarının payına düşüb. Bu, illik müqayisədə 15,6 % azdır.

İl ərzində ev təsərrüfatlarının əmanətləri 18,8 % artaraq 17 milyard 641,9 milyon manata, maliyyə təşkilatlarının depozitləri isə 22 % artaraq 4 milyard 87,4 milyon manata çatıb.

Hesabat dövründə cəmi depozitlərin 22 milyard 169,3 milyon manatı (1 il əvvələ nisbətən 4,1 % az) qısamüddətli, 19 milyard 168,1 milyon manatı (4,7 % çox) isə uzunmüddətli olub.

Azərbaycandakı sığorta şirkətlərinin gəlirlərinin məbləğinə görə renkinqi (Yanvar-mart, 2026)

"Report" İnformasiya Agentliyi Azərbaycanda fəaliyyət göstərən sığorta şirkətlərinin bu ilin yanvar-mart aylarındakı gəlirlərinin məbləğinə görə renkinqini təqdim edir: