Azərbaycanda gündəm olan məşhur sinif: tullantılardan möcüzə yaradan şagirdlər

Abşeron rayonunun Masazır qəsəbəsindəki 3 nömrəli tam orta məktəbin Fizika müəllimi Aytac Sadıqovanı artıq bir çoxları sosial şəbəkədən tanıyır. Dərs keçmə üsulu çərçivələrdən kənara çıxan Aytac müəllimin dərslərində şagirdlər sadəcə dinləyən tərəf deyil, prosesin birbaşa iştirakçısına çevrilir.

A.Sadıqova "Far.Az"a müsahibəsində bildirib ki, indiki uşaqları yalnız kitabdan oxumaqla öyrətmək çətindir, çünki onlar sürətli informasiya axınının içərisində böyüyürlər:

"Müasir müəllim bilik ötürücü yox, onun emal olunmasında bələdçi rolunu oynamalıdır. Uşaqların işlərini və dərs prosesini paylaşmaqda məqsədim isə "Fizika çətin fəndir, anlaşılması o qədər də asan deyil" stereotipinu alt-üst etmək idi. Göstərmək istədik ki, Fizika fənni qorxulan deyil, necə maraqlı fəndir",- o, vurğulayıb.

Daha ətraflı videomaterialı təqdim edirik:

Azərbaycanda gündəm olan məşhur sinif: tullantılardan möcüzə yaradan şagirdlər

Mistik hadisələr, vahiməli yol, qəbiristanlıqdan gələn işıq: ruhların da bayram etdiyi məşhur kənddən VİDEOREPORTAJ

Şamaxının Dəmirçi kəndində Novruz bayramı qeyri-adi formada qeyd edilir.

"Report"un əməkdaşları bayram ərəfəsində Dəmirçi kəndinin özünəməxsus Novruz adətləri ilə tanış olub.

Belə ki, bu kənddə bayram axşamı qəbiristanlığa gedilərək ölülər ziyarət edilir. Evlərdə bayram üçün şəkərbura, paxlava və digər bayram şirniyyatları ilə yanaşı, məhz Dəmirçi kəndinə məxsus şəkərçörəyi də bişirilir. Kənd sakinləri deyirlər ki, şirniyyatın hazırlanma qaydasını yalnız bu kənddə yaşayanlar bilirlər.

Daha ətraflı videoreportajı təqdim edirik:

Mistik hadisələr, vahiməli yol, qəbiristanlıqdan gələn işıq: ruhların da bayram etdiyi məşhur kənddən VİDEOREPORTAJ

"Region Plus" analitik jurnalının 20 yaşı tamam olur - VİDEO

Azərbaycanda nəşr olunan "Region Plus" analitik jurnalının 20 yaşı tamam olur.

"Far.Az" xəbər verir ki, indiyədək jurnalın 539 buraxılışı Azərbaycan, rus və ingilis dillərində işıq üzü görüb.

Hadisələrə analitik baxışı ilə media məkanında fərq yaratmış jurnalın əməkdaşları "Qarabağda qazandığımız böyük Zəfəri informasiya məkanında möhkəmləndirməliyik" deyirlər.

Jurnalın baş redaktoru Emin Ələkbərov vurğulayır ki, bu illər ərzində qələbə xəbərlərini yazmaq onlara nəsib olub və bu da böyük sevinc hissi doğurur: "Biz bilirik ki, dərc olunan analitik məqalələrimiz oxunur, bununla bağlı rəylər də alırıq. Mehriban kollektiv və peşəkar mühit formalaşdırmağa müvəffəq olmuşuq. Çalışacağıq ki, hər zaman öndə olaq".

Bu gün həmkarlarımız Azərbaycanın müəllifi olduğu sülh gündəliyindən, "Böyük qayıdış"dan, yeni dünya nizamının yaradılmasında ölkəmizin oynadığı roldan, qlobal layihələrdə iştirakından yazırlar. Jurnalın iqtisadiyyat şöbəsinin müdiri Nurlana Quliyevanın sözlərinə görə, ekspert səviyyəsində müəllifləri var: "Qürurverici haldır ki, çap mediası olaraq Azərbaycan mətbuatında öz yerimizi qoruyub saxlaya bilmişik".

"Region Plus" Azərbaycanın beynəlxalq tanıtımında fəal iştirak etməyə də çalışır. Jurnal regionda yeganə nəşrdir ki, simvolik ABŞ bayrağı mükafatına layiq görülib. Həmin bayraq və Kapitolinin, yəni ABŞ Konqresi binasının baş memarı Stiven Ayresin imzaladığı sertifikat bu gün redaksiyanın mükafatları sırasında önəmli yer tutur.

Baş redaktorun müavini Elçin Hüseynov bildirir ki, ötən 20 il ərzində oxuculara yüksək səviyyədə jurnal təqdim etməyə çalışıblar: "Yubileyimiz münasibəti ilə oxucularımızı və özümüzü təbrik edir, kollektivimizə ilham, cəsarətli ideyalar, yeni peşəkar uğurlar arzu edirəm".

Sosial və mədəniyyət şöbəsinin müdiri Sabirə Ələkbərova kontentlərinin hər zaman səmimi reaksiya doğurduğunu deyir: "Burda işlədiyim dövr mənim üçün həyatımın ən xoşbəxt illərindən hesab olunur. Ad günümüz münasibəti ilə kollektivimizi və oxucularımızı təbrik edirəm".

"Region Plus" analitik jurnalının 20 yaşı tamam olur - VİDEO

Oxucuları arasında böyük rəğbət qazanmış "Region Plus" jurnalı peşəkar analitiklər, millət vəkilləri və tanınmış imza sahibləri ilə fəaliyyətinin üçüncü ongünlüyünə qədəm qoyur. Biz də "Far.Az" İnformasiya Agentliyi adından həmkarlarımızı təbrik edir, onlara böyük nəaliyyətlər arzulayırıq!

"Xocalı. Son toy..." filmi "Report" İnformasiya Agentliyinin Youtube kanalında yayımlanır - CANLI

"Xocalı. Son toy..." filmi "Report" İnformasiya Agentliyinin Youtube kanalında yayımlanır.

"Global Media Group"un və "Report" İnformasiya Agentliyinin ərsəyə gətirdiyi "Xocalı. Son toy" bədii-sənədli filmi 1992-ci ildə ermənilərin Xocalını atəşə tutması nəticəsində yarımçıq dayandırılan sonuncu toy mərasiminə həsr olunub.

16:15

"Xocalı. Son toy..." filmi "Report" İnformasiya Agentliyinin Youtube kanalında yayımlanacaq.

"Global Media Group"un və "Report" İnformasiya Agentliyinin ərsəyə gətirdiyi "Xocalı. Son toy" bədii-sənədli filmi 1992-ci ildə ermənilərin Xocalını atəşə tutması nəticəsində yarımçıq dayandırılan sonuncu toy mərasiminə həsr olunub.

İllər əvvəl "Vağzalı"sı yarımçıq kəsilən toyun bəyi Vasif Qafarov, gəlini Dürdanə Məmmədova və həmin toyda iştirak edən digər qonaqlar, qohumlar, həmçinin musiqiçi heyəti illər sonra yenidən doğma ata-baba yurdlarına gələrək toylarının davamını ediblər.

Bir fotodan yola çıxılaraq ekranlaşdırılan bu əsər 1992-ci il yanvarın 18-də Xocalıda gerçəkləşən toyu, sonrasını və hazırkı dövrü tərənnüm edir. Sözügedən toyda çəkilən ağ-qara foto yenidən Zəfər bayrağı sancılmış azad Xocalıda həmin fotonun rənglənmiş variantı ilə canlandırılıb.

Filmin real kadrları Xocalıda, bədii hissəsi isə Ağsuda lentə alınıb.

Film 25 fevral 2026-cı il saat 20:00-da "Report" İnformasiya Agentliyinin Youtube kanalında yayımlanacaq.

Həmçinin, 26 fevral 2026-cı il saat 16:00-da film Baku TV kanalının efirində, saat 21:30-da isə ATV telekanalında yayımlanacaq.

Qeyd edək ki, filmin layihə rəhbəri "Global Media Group" İdarə Heyətinin sədri Elnur Abdullayev, ideya və ssenari müəllifi Niyam Şirinov, baş prodüseri Fuad Hüseynəliyev, quruluşçu rejissoru isə Yusif Ələkbərzadədir.

"Xocalı. Son toy..." filmi "Report" İnformasiya Agentliyinin Youtube kanalında yayımlanır - CANLI

"Xocalı. Son toy..." filmi "Report" agentliyinin Youtube kanalında yayımlanacaq

"Xocalı. Son toy..." filmi "Report" İnformasiya Agentliyinin Youtube kanalında yayımlanacaq.

"Global Media Group"un və "Report" İnformasiya Agentliyinin ərsəyə gətirdiyi "Xocalı. Son toy" bədii-sənədli filmi 1992-ci ildə ermənilərin Xocalını atəşə tutması nəticəsində yarımçıq dayandırılan sonuncu toy mərasiminə həsr olunub.

İllər əvvəl "Vağzalı"sı yarımçıq kəsilən toyun bəyi Vasif Qafarov, gəlini Dürdanə Məmmədova və həmin toyda iştirak edən digər qonaqlar, qohumlar, həmçinin musiqiçi heyəti illər sonra yenidən doğma ata-baba yurdlarına gələrək toylarının davamını ediblər.

Bir fotodan yola çıxılaraq ekranlaşdırılan bu əsər 1992-ci ildə yanvarın 18-də Xocalıda gerçəkləşən toyu, sonrasını və hazırki dövrü tərənnüm edir. Sözügedən toyda çəkilən ağ-qara foto, yenidən zəfər bayrağı sancılmış azad Xocalıda həmin fotonun rənglənmiş variantı ilə canlandırılıb.

Filmin real kadrları Xocalıda, bədii hissəsi isə Ağsuda lentə alınıb.

Film 25 fevral 2026-cı il saat 20:00-da "Report" agentliyinin Youtube kanalında yayımlanacaq.

Həmçinin, 26 fevral 2026-cı il saat 16:00-da film Baku TV kanalının efirində, saat 21:30-da isə ATV telekanalında yayımlanacaq.

Qeyd edək ki, filmin layihə rəhbəri "Global Media Group" İdarə Heyətinin sədri Elnur Abdullayev, ideya və ssenari müəllifi Niyam Şirinov, baş prodüseri Fuad Hüseynəliyev, quruluşçu rejissoru isə Yusif Ələkbərzadədir.

"Xocalı. Son toy..." filmi "Report" agentliyinin Youtube kanalında yayımlanacaq

"Baku TV": Ağdamda avtomobillər üçün şarj cihazı istehsal olunur

Ağdam Sənaye Parkı işğaldan azad edilmiş Ağdam rayonunda iqtisadi canlanmanın əsas mərkəzlərindən biridir.

"Report" xəbər verir ki, bu barədə "Baku Tv"nin hazırladığı süjetdə bildirilir.

Qeyd olunur ki, parkda yerli xammala əsaslanan məhsulların istehsalı ilə yanaşı, yeni iş yerlərinin yaradılması üçün də geniş imkanlar formalaşdırılıb. Burada istehsal olunan məhsullar həm Qarabağ və Şərqi Zəngəzur bölgələrinin yenidən qurulmasında, həm də ölkənin digər regionlarında istifadə olunur.

Elektrik avtomobilləri üçün şarj cihazları da məhz bu sənaye parkında fəaliyyət göstərən zavodda istehsal edilən məhsullar sırasındadır.

Daha ətraflı:

"Baku TV": Ağdamda avtomobillər üçün şarj cihazı istehsal olunur

Dəfinə tapan arxeoloq: Torpağın altında yatan tariximiz qızıldan, brilyantdan da çox dəyərlidir - Müsahibə - VİDEO

Bəşəriyyət yaranandan günümüzə qədər bir çox tarixi sirlər torpağın altında gizlənib. Min illərin izlərini qoruyan qala divarları, məişət əşyaları, silah nümunələri, sarayların ağayana sükutuna şahidlik etmiş qızıl dəfinələr… Hər arxeoloji qazıntı keçmişin qaranlıq pərdəsini aralayaraq, tarixin bizə söyləmək istədiyi həqiqətləri üzə çıxarır. Həmsöhbətimiz sirli dünyanın izinə düşmək üçün illərin təcrübəsi ilə torpağın səsini dinləyən arxeoloq Qafar Cəbiyevdir. Tanınmış alimlə son 100 ildə Azərbaycan arxeoloqları tərəfindən tapılan ən böyük dəfinənin necə aşkarlanması, dəfinə "ovçuları" və "qara arxeologiya" haqqında söhbət etmişik.

"Report" müsahibəni təqdim edir:

- Qafar müəllim, torpağın altında çox böyük tarix yatır?

- Torpağın üzərində gördüklərinizin ən azı 10-15 qatı onun altındadır. Məsələn, Qız Qalası, Şirvanşahlar Sarayı yüzillərin tikililəridir. Bəşəriyyətin min illərə bərabər tarixi isə yerin altındadır. Torpaq qədim tarixi biz insanlardan daha yaxşı qoruyub saxlayır. Arxeoloq olaraq yerin 4-5 metr dərinliyində qazıntı işləri aparıram və bu zaman nələrsə üzə çıxır. Görürəm ki, tapdığım heç dəyişməyib - nə rəngi, nə də fiziki tərkibində ciddi dəyişiklik var. Amma aşkar olunandan sonra ona günəş işığı, hava, insan əli dəyir və dərhal aşınma gedir. Torpağın altında isə aşınma yoxdur. Metallardan isə mis oksidləşir, gümüş qaralır, amma qızılla bağlı bu baş vermir. Qızıl elə hər yerdə qızıldır.

Dəfinə tapan arxeoloq: Torpağın altında yatan tariximiz qızıldan, brilyantdan da çox dəyərlidir - Müsahibə - VİDEO

- Qızıl demişkən, rəhbərlik etdiyiniz Ağsu arxeoloji ekspedisiyası 2012-ci ildə dəfinə tapmışdı. Bu, Azərbaycan arxeologiyası üçün necə bir əhəmiyyət daşıyır və həmin tapıntının aşkar olunma anı necə yadınızda qalıb?

- Ağsu dəfinəsi bu vaxta kimi arxeoloji tədqiqatlar xətti ilə tapılmış yeganə qızıl pullardan ibarət dəfinədir. 2012-ci ildə tədqiqat apararkən orada böyük bir buzxana anbar aşkar etdik. Yer səthindən 7 metr dərinlikdə idi. Şəhərin ehtiyat ərzaq anbarı imiş. Qazıntı zamanı həmin ekspedisiyada olan müavinim Elmira Abbasova mənə zəng etdi, dedi bilirsiniz nə çıxıb? Dedim, ardını gətirmə. Bildim ki, qızıldır. Çünki belə məqamlarda informasiya təhlükəsizliyi önəmli məsələdir, bu informasiya sıza bilər və məndən əvvəl gedib o dəfinəni götürə bilərlər. Dərhal əraziyə getdim və gördüm ki, qızıldır. 37 ədəd qızıl pul idi. Sənədləşdirmə işləri apardıqdan sonra hamını yığıb detallı çəkiliş apardım. Bunu ona görə etdim ki, sonra deməsinlər ki, orada 37 yox, 47 ədəd qızıl olub. Sənədləşdirəndən sonra arxeoloji bazaya gəlib onun təhlilini apardıq. Məlum oldu ki bu XVIII əsrə aid holland dukatlarıdır. Holland dukatları dünyada ən dəyərli qızıl hesab olunur.

- Sonra o dəfinənin taleyi necə oldu?

- Demək biz dəfinəni tapanda həftənin şənbə günü idi. Bazar ertəsi Bakıya gəldim. Arxeologiya və Etnoqrafiya İnstitutunun direktoruna dedim ki, Milli Azərbaycan Tarixi Muzeyi ilə danışın qızılları ora təhvil verək. Çünki bu cür nadir əşyalar ancaq Milli Azərbaycan Tarixi Muzeyinin nadir əşyalar fondunda saxlanılmalıdır. Məni ondan sonra çoxları qınadı ki, niyə qızılları aparıb dövlətə təhvil verdin.

- Sizə qədər də belə dəfinələr tapılmışdı?

- Mənə qədər də arxeoloqlar qızıl tapmışdı. Dəfinə olmasa da, qızıl əşyalar olmuşdu. Mən şəxsən iştirakçısı və rəhbəri olduğum ekspedisiyalar xətti ilə öz əlimlə, aktla Tarixi Muzeyinə 44 ədəd qızıl əşya təhvil vermişəm. Qızıl pullardan əlavə medalyon olub, qızıl sırğalar olub. Dəmirçi nekropolundan 2 ədəd nadir qızıl sırğa çıxdı ki, onun bazar dəyərini deyə bilmərəm, amma elmi dəyəri misilsizdir. Həmin 2 qızıl sırğa 46 yaşlı qadının qəbrindən çıxmışdı. Həmin qəbirdə bilirsiniz nə qədər daş-qaş var idi?! Düz 2500 ədəd. Tərkibində əqiqdən tutmuş digər qiymətli daşlara qədər olan müxtəlif cür bəzəklər, daş-qaş var idi. Oradan bir ədəd də Roma istehsalı olan gümüş fibula tapılmışdı.

- Bəs dəfinə tapan arxeoloqa hansısa mükafat verilirmi?

- Nəzərə almaq lazımdır ki, yerin təkində nə varsa hamısı dövlətə məxsusdur. Fərqi yoxdur mənim, sənin ya başqa birinin həyətidir. Deyək ki, həyətində ağac əkəndə qızıl çıxdı. Onu muzeyə təhvil versən o zaman onun dəyərinin 20-25 faizini həmin şəxsə ödəməlidirlər. Qanunvericilik belədir. Mən arxeoloq olaraq, ekspedisiya zamanı belə bir şey aşkar edirəmsə orada faiz söhbəti olmur. Çünki dövlət mənə, ekspedisiyaya vəsait ayırır ki, get bu işi gör. O zaman qızıl üzə çıxırsa, tapıntı dövlətindir, biz də onu tapan heyətik. Bəli, bizə bu zaman mükafat yazıla bilər, amma faiz söhbəti yoxdur.

- Qazıntı zamanı hansısa təhlükəli məqamlarla qarşılaşırsınız?

- Ümumiyyətlə, arxeoloqların işlədiyi məkanlar ən təhlükəli yerlərdir. Biz qədim məzarlıqlarda, şəhər xarabalıqlarında, qalalarda işləyirik. Bu yerlərdə isə ilan, əqrəb, zəhərli heyvanlar məskunlaşıb, gizlənmiş olur. Məsələn Qəbələdə işləyəndə açdığımız quyulardan ilanlar çıxırdı.

- Bir çox yerlərdə əntiq əşyaların satıldığı mağazalar var. Orada müxtəlif tarixlərə məxsus qədimi əşyalar satılır. Satıcılar həmin əşyaları haradan əldə edir, satılan hər əşyanın sənədi olurmu?

- Bir çox yerdə əntiq əşyaların satıldığı yerlər var. Orada 2000-3000 il yaşı olan qılınclar, çoxsaylı sikkələr görə bilərsiniz. Bunların əksəriyyəti "qara arxeologiya"dan gələnlərdir. Qeyri-qanuni axtarışlar nəticəsində tapılıb və həmin yerlərə satılır. İndi quru sərhədlər bağlıdır, amma əminliklə deyirəm ki, əntiq əşyalar satılan mağazalardan nə qədər tarixi mədəni dəyərlərimiz xaricə daşınıb.

- Tarix boyu qızıl axtaranlar, dəfinə "ovçuları"olub. Bəs onlar necə bilirlər ki, harada qızıl var?

- Məsələn mən məntiqlə bilirəm ki, Azərbaycanda filan yerdə qızıl var. Qeyri-qanuni yollarla mənə təkliflər də gəlir. Gedək, qazaq, qızılı çıxaraq deyənlər olur. Bilirsiniz bu qızıl hərisliyi ötəri bir hissdir. Bizim torpağın altında yatan tariximiz qızıldan, brilyantdan da çox dəyərlidir. Bəli, tarix boyu dəfinələrin, dəyərli əşyaların tapılıb, qarət olunması işləri olub. Son 7-8 ildə Şəki ərazisində təxminən 6-7 dəfə polis tərəfindən qarətçiliklə məşğul olan cinayətkar dəstə ifşa edilib. Ötən il İsmayıllının Lahıc qəsəbəsində qızıl axtaranlar bir neçə ay çadırlar qurub, xüsusi texnika, hətta generatorlar aparmışdılar. Təsəvvür edin hər gün Lahıcdan ora aşağısı 7-10 nəfər fəhlə kimi gedib-gəlib. Mən Bakıda bu xəbəri eşitdim, həyəcan təbili çaldım.

İnsanlar var ki, illərdir bu qarətçilik işi ilə məşğuldurlar. İki il bundan əvvəl bir nəfər mənə zəng etmişdi. AMEA-da görüşdük. Dedi ki, filan yerdə qızıl var, istəyirik gedib onu araşdıraq, siz də bizə köməklik edəsiniz. Deyirəm necə köməklik lazımdır. Dedi ki, institutdan kağız versinlər, biz də gedib işləyək. Onlara dedim ki, siz kimsiz? Bu qanunsuz bir şeydir. Baxın, mən arxeoloqam, amma gedib haradasa nəsə qaza bilmərəm, buna ixtiyarım yoxdur. İnstitut gərək bununla bağlı əmr verməlidir - tərkib formalaşmalı, əmrin əsasında icazə vərəqəsi olmalıdır. Onu da aparıb Mədəniyyət Nazirliyində qeydiyyatdan keçirməlidir.

Ümumiyyətlə, fəaliyyətdə olduğum dönəmdə dəfələrlə ayrı-ayrı şəxslər tərəfindən təkliflər olub ki, Teymurləngin, Makedoniyalı İsgəndərin qızıllarının dəqiq yerini bilirik. Gedək oranı qazaq. Demişəm əvvəla sənin bu dediklərin Məlik Məmməd nağılıdır, uydurmadır. Belə bir şey yoxdur. Amma madam israr edirsən rəsmi şəkildə məktubla müraciət et, sənin də iştirakınla ekspedisiya təşkil edilsin. Bunun yolu budur.

Videoqraf: Mircavid Eminoğlu

Bakıda bayram ab-havası - FOTOREPORTAJ

Bakıda bayram ab-havası müşahidə olunur.

"Far.Az"un məlumatına görə, paytaxt sakinləri və qonaqlar 31 Dekabr - Dünya Azərbaycanlılarının Həmrəyliyi Günü və Yeni illə əlaqədar mərkəzə axın edirlər.

Onlar hər il ənənəvi təşkil olunan "Soyuq əllər, isti ürək" bayram yarmarkasını ziyarət edirlər.

Foto: Vüqar Xanlarov

Əfsanəvi pilot ekipajın qəhrəmanlığı barədə: İdarəetmədən çıxan təyyarə ilə mübarizə aparırdı - MÜSAHİBƏ

Azərbaycan aviasiyasının əfsanəvi pilotu, 50 il ərzində 28 500 saat uçuş yerinə yetirmiş, “Şöhrət” ordenli Əzimbala Əzimov dekabrın 25-də AZAL-a məxsus Bakı-Qroznı aviareysini həyata keçirən sərnişin təyyarəsinin vurulması ilə bağlı hadisəni müzakirə etmək üçün "Far.Az"un qonağı olub, bir çox məqama aydınlıq gətirib.

Müsahibəni təqdim edirik:

- AZAL-a məxsus Bakı-Qroznı aviareysini həyata keçirən sərnişin təyyarəsinin Qazaxıstanın Aktau şəhəri yaxınlığında qəzaya uğraması ilə bağlı bir çox məqam aydındır. Bəs siz bu barədə nə düşünürsünüz?

- Əvvəla, komandir İqor Kşnyakinə böyük minnətdarlığımı bildirirəm. Ona görə ki, qəhrəman pilot idarə edilməyən təyyarəni yerə oturtmağa çalışırdı. Təsəvvür edin, bir maşında gedirsiniz, sükanı sola ya sağa döndərmək istəyirsiniz, o isə dönmür. Sonra bələdçi Hökümə xanım Əliyeva 20 nəfərin qarşıya gəlməsini xahiş edir. Hər sərnişin orta hesabla 70-80 kiloqramdır. Yəqin komandir artıq idarəetmənin qeyri-mümkünlüyünü görüb, belə olduqda çəkini tarazlamağa çalışıb.

- Sosial şəbəkələrdə çoxları sanki mütəxəssis kimi yazır ki, pilot təyyarəni dənizə endirsəydi, vəziyyət başa cür olardı. Bu məsələyə aydınlıq gətirməyinizi istəyirəm. Ümumiyyətlə, pilotun dənizə eniş etməsi texniki və ya taktiki baxımdan mümkün idimi?

- Əlbəttə, təyyarənin texniki baxımdan dənizə enməsi mümkündür. Bütün pilotlarla və heyətlə qəza-xilasetmə dərsləri keçirilir. Hər bir sərnişinə görə təyyarədə jiletlər var. Amma burda vəziyyət başqa idi. Əgər o sürətlə suya eniş olsaydı, təyyarə tam dağılardı. İnsanların sağ çıxma ehtimalı belə olmazdı. Radiodanışıqlar əldə olunsaydı, qulaq assaydım, onda nəticə çıxara bilərdim, hələ ki, "qara qutu" araşdırılır. Danışıqlarda bütün təyyarənin parametrləri yazılır. Mühərrikin işi, hidravlikin yəni hər şey o yedikdə yazılır.

- Təyyarə vurulandan sonra pilotun qərar verməsi üçün nə qədər vaxtı ola bilərdi?

- Bəlkə də, pilot bilməyib ki, belə qüsurlar olacaq. Onları yönləndiriblər. Ola bilər düşünüblər ki, Aktauda hava daha yaxşıdır. Bəlkə o niyyətlə göndəriblər. Açığı, Aktauda gözəl hava var idi. Hətta görürsünüz o təkərləri buraxır, açıq təkərlə gəlir. Deməli onlar fikirləşirlər ki, zolağa qədər gəlirlər. Kapitan həmişə düşünür ki, təyyarəni ya 2 ya da 3 nöqtəyə oturda bilər. Pilot da elə edir, birinci qabaq çarxla sağ təkər deyir yerə başlayır təyyarəni fırlatmağa. Orda pilotun məqsədi o olur ki, təyyarəni yerə otuzdursun.

- Fəaliyyətiniz dövründə çətin uçuş şəraiti nə zaman yaranıb? Həmin vəziyyəti necə idarə etmisiniz?

- Mənim fəaliyyətim dövrümdə bir hadisə olub. Adam gərək səhlənkarlığından da danışsın. Biir dəfə Afrikadan uçanda tələsik olmuşdu deyə, stabilizatoru yerinə qoymamışdım. Sürət artanda hiss etdim ki, sükan boşdur. Səbəbini başa düşdüm. Uçuşu saxlamadım. Amma qərara gəldim ki, heç olmasa 15 saniyə 1.2 dərəcə, 1.3 dərəcə qoyacam ki, məni idarə etsin. Şükür, Sudanın paytaxtı Xartuma çatdıq.

- Bəs Bakı-Qroznı qəzasına bərabər olacaq qəza şəraiti ilə üz-üzə qalmısınız?

- Belə bir hadisə olub, “Boeing 707”də uçurduq, yük təyyarəsi idi. Raketində qüsur olmuşdu, belə ki, sol təkəri çıxmamışdı. Özü də gecə vaxtı, özü də, dispetçerə tapşırdım ki, təkərimi yoxla. O da dedi ki, qaranlıqdır təkərin nə vəziyyətdə olduğunu bilmirəm. Əvvəl düşündüm ki, eybi yox sağ təkərini vurum yerə, sonra düşündüm ki, sağ çəksə, qapı qırılıb özü ilə hidravlikanı apara bilər. Qalxdım, başladı problem yaranmağa. Mən onu krendən çıxarmağı bacardım.

İndi isə komissiya yekunlaşıb, qərarını verdikdən sonra biz materialları toplayıb, Milli Aviasiya Akademiyasında onun təhlilinə başlayacağıq. Çünki gənclərlə dərs keçilməli və bu hadisəni izah edib, onlara tədris etməliyik ki, belə hadisə olub. Bu hadisələri mütləq təhlil edəcəyik, indi ancaq reallıq odur ki, pilotlarımız professionaldır, çox peşəkar addım atıblar.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb. Hər iki pilot da daxil olmaqla 3 ekipaj üzvü həlak olub, iki ekipaj üzvü isə sağ qalıb.

Dekabrın 26-da Azərbaycana 14 yaralı və 4 nəfərin, dekabrın 29-da isə 3-ü ekipaj üzvü olmaqla 24 nəfərin nəşi ölkəyə gətirilib.

Hadisədən sonra Prezident İlham Əliyevin tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.

Eyni zamanda Prezident İlham Əliyev dekabrın 26-sının Azərbaycanda matəm günü elan olunması barədə sərəncam imzalayıb.

“Danışaq?” layihəsinin növbəti qonağı oftalmoloq olub

Jurnalist Həmid Həmidov “Danışaq?” layihəsinin yeni buraxılışında abunəçilərinə daha bir videomüsahibə təqdim edib.

“Far.Az”un məlumatına görə, podkastın qonağı oftalmoloq İmran Cərullazadə olub.

Bu buraxılışın digər aparıcısı isə tibbi marketoloq Cəmilə Baydəmir olub.

Müsahibə zamanı aparıcılar ABŞ, Dominikan Respublikası, Kolumbiya kimi xarici ölkələrdə təcrübə keçmiş məşhur həkimlə onun bu peşəyə necə gəldiyi və oftalmologiya ilə bağlı hər şey - xəstəliklər, yeni tendensiyalar və s. barədə danışıblar.

İştirakçılar, həmçinin əhali arasında görmə qabiliyyətinin pisləşməsi hallarının artması problemini, oftalmoloqa vaxtında müraciət edilməsinin vacibliyini, duruşun görmə qabiliyyətinə təsirini və görmə qabiliyyətinin qorunması üçün bioloji aktiv qida əlavələrinin faydasını müzakirə ediblər.

Bundan başqa, həkim optik eynəklərdən istifadənin əhəmiyyəti, kompüterdə iş zamanı xüsusi eynəklərin vacibliyi və dəlikli eynəklərin görmə qabiliyyətinə kömək edib-etmədiyi barədə danışıb.

"Halloween" Bakıda necə qeyd olunur? - "Ölülər" və "cadugərlər"in toplaşdığı bayramın sirri...

Dünyanın bir çox ölkəsində oktyabrın 31-i "Halloween" bayramı keçirilir. Xristian dünyasına məxsus balqabaqlar bayramında insanlar qeyri-adi qiyafətlər geyinməklə bir yerə toplaşırlar. Ölülər, yaxud cadugərlər bayramı kimi bilinən "Halloween"ə son illərdə Azərbaycanda da böyük maraq yaranıb.

Bəs “Halloween”i qeyd edənlər bayramın mahiyyətindən xəbərdardırmı?

“Report”un əməkdaşları sözügedən mövzu ilə bağlı şəhərdə "Halloween" şənliklərinin keçirildiyi və bəzədildiyi bir neçə məkana baş çəkiblər.

Restoranlardan birinin rəhbəri bildirir ki, "Halloween" şənliklərinin keçirilməsini və restoranların bu cür bəzədilməsini müştərilər tələb edirlər. Onların sözlərinə görə, "Halloween"ə maraq göstərənlər əsasən uşaqlar olsa da, hər yaş qrupundan insanlar bu bayramı qeyd edirlər.

Şəhərdə "Halloween" kostyumları və bəzəkləri satılan mağazalar da fəaliyyət göstərir. Satıcıların sözlərinə görə, son illərdə bu məhsullara tələbat kifayət qədərdir.

Paytaxt sakinlərinin isə bayramla bağlı fikiriləri müxtəlifidir. Kimi bayramı qeyd etdiyini və maraqlı olduğu düşünsə də, kimi də "Halloween"in milli düşüncəmizə tamamən zidd olduğunu deyir.

Psixoloq Vüsalə Əmiraslanova isə bildirir ki, qorxuducu personajların yer aldığı bu bayram şənliklərində insanların, xüsusən uşaqların şüuraltına təsir edən bir çox məqam var: “Qorxulu qrimlərin edildiyi, qan və dəhşət saçan elementlərin olduğu "Halloween" aqressiya saçır və uşaqların vizual yaddaşına köçürülərək onlara mənfi təsir göstərir”.

Qeyd edək ki, "Halloween" hər il 31 oktyabrda qeyd olunan bir bayramdır. Bu bayramın kökləri qədim Keltlərin "Samhain" festivalına gedib çıxır. Keltlər bu günü yaydan qışa keçid və yeni ilin başlanğıcı kimi qeyd edirdilər. Onlar inanırdılar ki, bu gecə ölü ruhlar dünyaya qayıdır.

"Halloween"in əsas atributlarından biri "Cek fənəri"dir. Bu, içərisi boşaldılmış və üzərinə göz, burun və ağız şəkilləri oyulmuş balqabaqdır. İçinə şam qoyularaq işıqlandırılır. Bu ənənə pis ruhları qovmaq üçün istifadə edilən qədim şalğam fənərlərindən gəlir.

"Halloween" zamanı insanlar qorxulu kostyumlar geyinir, evləri bəzəyir və şirniyyat toplamaq üçün qapı-qapı gəzirlər. Bu bayram xüsusilə uşaqlar arasında çox populyardır və əyləncəli vaxt keçirmək üçün bir fürsət yaradır.

Daha ətraflı süjeti təqdim edirik:

Video: Vüqar Xanlarov

Dünyaya səs salıb, yenidən dirçələn şəhər - Xankəndini bir də belə görün - VİDEOREPORTAJ

Yolumuz Xanın kəndi, əzəli yurdumuz Xankəndiyədir. Qürur və həyəcanla əzəli torpağımıza yollanırıq. Yol boyu quruculuq, yenidənqurma işlərinin şahidi olmaq, Qarabağımızın yenidən dirçəlməsi bizdə sözlə ifadə ediləsi mümkün olmayan bir hiss doğurur.

Qarabağın tarixi məkanı Qarabağımız yenidən dirçəlir.

Və budur biz Xankəndiyə çatmışıq, küçələrdə sevincli, xoşbəxt həmvətənlərimizi görürük. Kimi mahnı oxuyur, kimi də tarixi əbədiləşdirmək üçün şəkil çəkdirir. Bütün bunlar göstərir ki, biz qayıtmışıq.

Ən sevincli və və qururverici hal Xankəndiyə tələbələrin dönməsidir. Onlar şəhərin ab-havasını dəyişə, yeni-ab-hava gətiriblər. Və Qarabağ Univeristetinin tələbələri ilə Xankəndidə fərqli bir tarix başlayıb. Onlar şəhərin yeni tarixinin bir parçasına çevriliblər. Buranı seçdikləri üçün də çox xoşbəxtdirlər. Həm də ona görə ki, rahat yaşamaları və təhsil almaları üçün hər cür şərait yaradılıb. Universitetin yataqxanası bütün şəraiti ilə tələbələrin ixtiyarına verilib.

Bu gün sürətlə inkişaf edən, yenilənən Xankəndiyə həyat yenidən qayıdıb. Qət edilən yolu və inkişafı görəndə əminliklə deyə bilirsən ki, tarixi şəhərimiz yaxın zamanda Azərbaycanın, dünyanın ən gözəl şəhərlərindən birinə çevriləcək.

“Report”un əməkdaşları Xankəndidə olub, şəhərin görməli və məşhur yerlərini gəzib.

Daha ətraflı videoreportajı təqdim edirik.

Video: Bəşir Əli