Azərbaycan polisi konstitusion quruluşun mühafizəsinin təmin olunmasında müstəsna rol oynayır - RƏY
Azərbaycan polisi bu gün təkcə ictimai asayişin qorunması sahəsində deyil, həm də digər dövlət qurumları ilə birlikdə ölkənin konstitusiya quruluşunun mühafizəsi və vətəndaşların təhlükəsizliyinin təmin olunmasında müstəsna rol oynayır.
Bunu "Report"a açıqlamasında Milli Məclisin deputatı Elçin Mirzəbəyli deyib.
O, ən kritik və böhranlı vəziyyətlərdə belə, birbaşa polisin səlahiyyətlərinə aid olmayan məsələlərdə də onun vətəndaşlara münasibətdə yüksək həssaslıq nümayiş etdirdiyinin, yaranmış vəziyyəti düzgün qiymətləndirərək təhlükəsizliyin təmin olunması istiqamətində mühüm addımlar atdığının şahidi olduqlarını bildirib:
"Bu gün hər birimiz gündəlik həyatda baş verən müxtəlif hadisələrdə bunun konkret nümunələrini görə bilirik. Şübhəsiz ki, cinayətkarlığa qarşı mübarizədə Azərbaycan polisinin xidməti və rolu hər kəsin gözü önündədir".
E.Mirzəbəyli vurğulayıb ki, Azərbaycanın müstəqilliyini bərpa etməsindən sonrakı dövrə nəzər saldıqda hələ 1990-cı illərdən etibarən polisin dövlət müstəqilliyinin qorunması və suverenliyin təmin olunması istiqamətində böyük fədakarlıq nümayiş etdirdiyi aydın görünür:
"Birinci Qarabağ müharibəsində də, İkinci Qarabağ müharibəsində də Azərbaycan polisi suverenliyimizin qorunması, torpaqlarımızın işğaldan azad olunması və ərazi bütövlüyümüzün bərpası uğrunda müstəsna xidmətlər göstərib. Onlar Silahlı Qüvvələrimizin digər nümayəndələri ilə çiyin-çiyinə döyüşərək yüksək qəhrəmanlıq və rəşadət nümunəsi nümayiş etdirib, Vətən uğrunda canlarından keçiblər. Bu gün də onların qəhrəmanlığı xalqımızın yaddaşında silinməz iz buraxıb".
Milli Məclisin üzvü qeyd edib ki, Azərbaycan polisi hazırda da dövlətin konstitusiya quruluşunun qorunması, ictimai təhlükəsizliyin təmin edilməsi, hüquq qaydasının möhkəmləndirilməsi və ölkədə sabitliyin qorunması istiqamətində öz vəzifələrini layiqincə yerinə yetirir:
"Azərbaycan polisi fəaliyyətini Prezident, Silahlı Qüvvələrin Ali Baş Komandanının müəyyən etdiyi dövlət siyasətinin prioritetlərinə uyğun şəkildə həyata keçirir və ölkədə sabitliyin, qanunçuluğun və təhlükəsizliyin təmin olunmasına mühüm töhfə verir".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Vilayət Eyvazov polislərə vətəndaşların şikayətlərinin obyektiv və həssaslıqla araşdırılmasını tapşırıb
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













