Süd toplama məntəqələrinə dair baytarlıq-sanitariya norma və qaydaları təsdiqlənib.

“Far.Az”un əldə etdiyi məlumata görə, bununla bağlı Azərbaycan Qida Təhlükəsizliyi Agentliyinin kollegiyası qərar qəbul edib.

Məqsəd istehlakçıların qanunvericiliyə uyğun olaraq minimum keyfiyyət tələblərinə cavab verən təhlükəsiz süd və süd məhsulları ilə təmin olunması və zoonoz xəstəliklərin qarşısının alınmasıdır.

Qaydalar məntəqələr tərəfindən südün daşınması, qəbulu, saxlanması və topdan satışı ilə bağlı fəaliyyətə şamil edilir.
Məntəqə xüsusi ayrılmış yerlərdə fərdi inşa edilmiş ayrı tikilidə, heyvandarlıq təsərrüfatlarında süd sağım binasının yanında və ya sağım binasında sağım yerindən divar arakəsmə ilə ayrılmış bölmədə yerləşməlidir.

Məntəqənin işçi heyəti üçün nəzərdə tutulmuş sanitar qovşaq otağı südün qəbulu və saxlandığı bölmədə yerləşdirilməməli, qapıları südün qəbulu və saxlandığı bölmələrə açılmamalı və bağlanan qapılar, əlləri yumaq və dezinfeksiya etmək üçün vasitələr, çanaq, quruducu qurğu və ya birdəfəlik dəsmallar, asılqanlar, istifadə olunan ləvazimatların (avadanlıq və alətlər) yuyucu məhlullarla yuyulub təmizlənməsi, qurudulması və saxlanılması üçün bölmə olmalıdır.

Məntəqədə südün toplandığı sisternlər və çənlər məntəqənin divarlarından ən azı 60 sm aralıda, döşəmədən ən azı 20 sm hündürlükdə və tavandan isə ən azı 100 sm aşağıda yerləşməlidir.

Sağım prosesi zamanı əldə olunan süd toplama məntəqələrində 8-10 dərəcə C-də 12 saata, 6-8 dərəcə C-də 18 saata, 4-6 dərəcə C-də isə 24 saata qədər saxlanılmalıdır. Bu müddətlərdən artıq saxlanılmış süd emal prosesinə cəlb edilməlidir.

Sisternli və tankerli nəqliyyat vasitələrilə daşınan süd daşınmazdan əvvəl sistern və ya tankerlər plomblanmalıdır və temperaturu 10 dərəcə C-dək olmalıdır.

Çənlərdə südün eyni dərəcədə soyudulması məqsədilə 20-30 dəqiqə aralığında qarışdırılmalıdır.

Oxşar xəbərlər

Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Heyvan bazarlarına dair baytarlıq-sanitariya norma və qaydaları təsdiqlənib