ABŞ yaxın vaxtlarda milli strateji neft ehtiyatlarını Venesuela nefti hesabına doldurmağa başlamağı planlaşdırır.

"Report" xəbər verir ki, bu barədə ABŞ Prezidenti Donald Tramp "Time" jurnalına müsahibəsində bildirib.

"Biz çox böyük həcmdə neft hasil edirik. Tezliklə milli və strateji ehtiyatlarımızı doldurmağa başlayacağıq. Bizim çox yaxşı münasibətlərimiz var", - Tramp Venesuela ilə əməkdaşlıq barədə danışarkən deyib.

Onun sözlərinə görə, "Exxon" və "Chevron" daxil olmaqla, ABŞ-nin iri neft şirkətləri ölkəyə daxil olur. Tramp qeyd edib ki, neft sahəsindəki əməkdaşlıq həm ABŞ-yə, həm də Venesuelaya gəlir gətirir.

Ağ Evin rəhbəri həmçinin bildirib ki, Vaşinqton Venesuela rəhbərliyi ilə qarşılıqlı əlaqəni davam etdirir. Ölkədə seçkilərin keçirilməsi ehtimalından danışan Tramp bildirib ki, hazırkı vəziyyəti bunun üçün hələ çox qeyri-sabit hesab edir.

"Biz bunu müzakirə edəcəyik və seçkilər olacaq. Amma indi hər şey hələ də çox qeyri-sabitdir və düşünürəm ki, hələ tezdir", - ABŞ Prezidenti deyib.

Tramp ayrıca olaraq İranla münaqişənin neft bazarına təsirinə də toxunub. Onun sözlərinə görə, Tehran Vaşinqtonla razılaşma əldə etməkdə maraqlıdır və müqavilənin bağlanması, onun gözlədiyi kimi, neft qiymətlərinin aşağı düşməsinə səbəb olacaq.

"Onlar müqavilə bağlamaq istəyirlər. Mən müqaviləni bağlayan kimi, neftin qiymətləri əvvəl olduğu yerə qayıdacaq", - Tramp bildirib.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3