"Hazırlıq işləri yekunlaşmaq üzrədir. Təxminən 966 kilometr istilik xətti sınaqdan keçirilib, təmirə ehtiyac olan hissələrdə yenilənmə aparılıb. Qazanlar, nasoslar və digər avadanlıqlar yoxlanılıb, təmir və sazlama işləri görülüb. Məqsəd nasazlıqları soyuqlar başlamazdan əvvəl aşkar etmək və qışda fasilə riskini azaltmaqdır".

Bu barədə BAKU.WS-in sorğusuna cavab olaraq "Azəristiliktəchizat" ASC-dən bildirilib.

Qurumdan qeyd edilib ki, sakinlərdən mənzillərində istilik sistemi ilə bağlı təmir işlərini vaxtında yekunlaşdırmalarını xahiş olunur:

"Sınaqlar zamanı su axıntısı müşahidə edilərsə, bu barədə bizə və binanı idarə edən quruma məlumat verilməsi problemin mövsüm başlamadan həllinə kömək edər.

Sakinlər gecə-gündüz fəaliyyət göstərən 956 Çağrı Mərkəzinə müraciət edə bilərlər. Dəqiq ünvanı, problemin nədən ibarət olduğunu və əlaqə nömrəsini bildirmək araşdırmanı sürətləndirir. Müraciət qeydə alınır və texniki xidmətə yönləndirilir. Nasazlığın səbəbi müəyyənləşdirildikdən sonra onun aradan qaldırılması üçün müvafiq tədbirlər görülür.

Balansımızdakı qazanxana və istilik xətlərinin təmiri bizim məsuliyyətimizdir. Binadaxili və mənzildaxili sistemlərin sazlığına isə mülkiyyətçilər və binanı idarə edən qurum öz səlahiyyətləri çərçivəsində cavabdehdirlər. Müraciətləri rəsmi saytımızın "Elektron müraciət" bölməsindən də göndərmək olar".

Orxan Hüseyn

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Azərbaycanın ilk beynəlxalq kardiologiya jurnalı – Journal of Heart Disease and Therapy – 3-cü nömrəsini təqdim edilib

Böyük Qayıdışın ilk ünvanı olan Ağalıya növbəti köç karvanı çatıb

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2