Futbol üzrə İspaniya yığmasının və Fransanın PSJ klubunun futbolçusu Ferran Torres milli komandanın düşərgəsini tərk edib.

"Report" xəbər verir ki, bu barədə İspaniya Kral Futbol Federasiyasının (RFEF) mətbuat xidməti məlumat yayıb.

26 yaşlı hücumçunun sol topuğunda narahatlıq yaranıb. Sözügedən problem əvvəlcə onun məşqlərdə və oyunlarda iştirakına mane olmayıb. Lakin ağrıların davam etməsi səbəbindən futbolçunun klubuna qayıtmasına qərar verilib.

Qeyd olunub ki, Torresin reabilitasiyasına üstünlük veriləcək. RFEF-in həkimləri PSJ-nin tibbi heyəti ilə daim əlaqə saxlayıb və futbolçunun vəziyyəti birgə nəzarətdə olub.

Baş məşqçi Luis de la Fuente Torresin əvəzinə İspaniyanın U-21 millisinin futbolçusu Karlos Espini əsas komandaya cəlb edib.

İspaniya millisi oktyabrın 3-də UEFA Millətlər Liqasında Çexiyanı qəbul edəcək. Komanda oktyabrın 6-da isə səfərdə Xorvatiya ilə qarşılaşacaq.

Oxşar xəbərlər

Ət əvəzinə hamı balıq alır - Bazarda SON QİYMƏTLƏR

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

UEFA Millətlər Liqası: Azərbaycan millisi səfərdə Litva ilə heç-heçə edib - YENİLƏNİB-5

Mehriban Əliyeva növbəti beş il müddətinə Azərbaycan Gimnastika Federasiyasının prezidenti seçilib

"Qarabağ" UEFA Konfrans Liqasında mübarizəni dayandırıb, 12 illik seriya qırılıb - YENİLƏNİB-8