Albaniyada 127 gündür, etirazlar davam edir
Albaniya hökumətinə qarşı etirazlar 127-ci gününə çatıb.
"Report"un Balkan bürosu xəbər verir ki, aksiya paytaxt Tirananın Zvarneç ərazisində planlaşdırılan investisiya layihəsinə qarşı etiraz xarakteri daşıyır.
Etirazçılar əvvəlcə Skanderbeq meydanında toplaşıb, daha sonra "Deshmoret e Kombit" bulvarı ilə yürüş edərək Baş nazirlik ofisinin qarşısına gəliblər.
Nümayiş iştirakçıları Albaniyanın Baş naziri Edi Ramanın istefasını tələb edən şüarlar səsləndirib, ölkənin mövcud siyasi sistemində dəyişikliklərin aparılmasını istəyiblər.
Baş nazirlik ofisinin qarşısında çıxış edən vətəndaş cəmiyyəti nümayəndələri Zvarneç ərazisində planlaşdırılan turizm investisiyasına qarşı olduqlarını bildiriblər. Onlar həmçinin hökumətin qorunan ərazilər və strateji investisiyalarla bağlı siyasətini tənqid ediblər.
Etirazçılar parlament iclasları zamanı da nümayişlərin keçirilməsinə çağırış ediblər.
Qeyd edək ki, Zvarneçdə planlaşdırılan layihə Adriatik sahilində böyük turizm kompleksinin yaradılmasını nəzərdə tutur. Layihə çərçivəsində hotellərin və yüzlərlə villanın inşası planlaşdırılır. İnvestisiyaya qarşı çıxanlar layihənin qorunan əraziyə və ekosistemə mümkün təsirindən, həmçinin torpaq mülkiyyəti və layihənin şəffaflığı ilə bağlı məsələlərdən narahatdırlar. Bu səbəblə mayın 31-də başlayan aksiyalar sonrakı həftələrdə siyasi və institusional tələbləri də əhatə edən genişmiqyaslı hərəkata çevrilib.
Oxşar xəbərlər
Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı
"Kağız gətir - kitab apar" sosial-ekoloji layihəsinə start verildi
Leyla Əliyeva və Alyona Əliyeva Müstəqillik Gününə həsr olunmuş konserti izləyiblər
Qış turizm mövsümü öncəsi daxili turizm imkanları nümayiş etdirilib
Leyla Əliyevanın təşəbbüsü ilə Albaniyada Xəstəxana Mərkəzinin pediatrik sedasiya otağı istifadəyə verilib
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
Virciniyada yarım əsrdən sonra ilk dəfə qızılca xəstəliyindən bir uşaq ölüb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Azərbaycan vətəndaşlarının İordaniyaya vizasız rejimi tətbiq edilib













