ABŞ-də hamını təəccübləndirən qəribə olay yaşanıb.

BAKU.WS "CBS News"a istinadən xəbər verir ki, bir kolleksiyaçı 30 dollara aldığı əsəri hərracda dəyərindən qat-qata baha qiymətə, yəni 1,35 milyon dollara satıb.

Bununla da o sərvət qazanıb. Sözügedən əsər Çikaqolu rəssam Gertruda Aberkrombinin 1951-ci ildə çəkdiyi "Alderman Merriam's Balıqqulağı" əsəridir.

İncəsənət nümunəsi 1952-ci ildə tibbi xidmət müqabilində Miçiqan ştatının Kalamazu şəhərindən olan bir həkimə verilib və sonuncu dəfə 1953-cü ildə Çikaqo Dizayn Mərkəzində nümayiş etdirilməzdən əvvəl Nyu-York , Çikaqo , Miluoki və Evanstonda sərgilənib.

Bundan sonra əsər yoxa çıxıb.

Kalamazuda qaraj satışlarında vinil valları axtaran bir kolleksiyaçı onu mebellərin arasında görüb. Tablonun arxasına baxanda rəssamın adı tanış gəlib. O, demək olar ki, əsəri pulsuz yəni, cəmi 30 dollara əldə edib.

Bu əsər satılandan sonra rəssam Aberkrombinin əsərləri üçün yeni hərrac rekordu hesab olunub.

Mütəxəssislər qeyd edirlər ki, əsər rəssamın sürrealizmə meyl etməyə başladığı dövrdə onun karyerasında dönüş nöqtəsini əks etdirir.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Bakıda milyonluq mənzillər və villalar hərraca çıxarılır - SİYAHI

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2