Venesuelanın şimal-qərbində yerləşən ölkənin gücünə görə ikinci ən böyük neft emalı zavodu "Cardon"da yanğın baş verdiyi üçün müəssisənin fəaliyyəti dayandırılıb.

"Far.Az"un məlumatına görə, bu barədə "Reuters" mənbələrə istinadən xəbər verib.

Məlumata görə, yanğın dizel yanacağının hidrotəmizlənməsi qurğusunu birləşdirən qaz kəmərində başlayıb. Bir neçə partlayışdan sonra qazanlar da daxil olmaqla, müəssisənin fəaliyyəti tamamilə dayandırılıb.

Yanğın bir saatdan az müddətdə söndürülüb. Hadisə nəticəsində xəsarət alanların olması barədə məlumat daxil olmayıb.

Gündəlik 310 min barel neft emalı gücünə malik "Cardon" zavodu Venesuelanın ən böyük neft emalı kompleksi olan "Paraguana"nın tərkibinə daxildir. Kompleksin ümumi emal gücü gündəlik 955 min bareldir.

Qeyd edək ki, ötən ay xammal çatışmazlığı səbəbindən zavodda ilkin neft emalı və katalitik krekinq qurğularının fəaliyyəti də dayandırılmışdı.

Oxşar xəbərlər

Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı

FHN zavodda təlim keçirdi

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycanın yeni sənaye modelinin konturları - TƏHLİL

Azərbaycandan Ermənistana 4 500 tona yaxın dizel yanacağı Güzdəkdən yola salınır