Rumıniya Xarici İşlər Nazirliyi (XİN) Rusiya səfirini çağırıb və sentyabrın 14-də Braşovda törədilmiş təxribatla əlaqədar ona qəti etirazını bildirib.

"Report" xəbər verir ki, bu barədə Rumıniya XİN rəhbəri Dan Nekulesku "X" sosial şəbəkəsində bildirib.

O qeyd edib ki, mövcud sübutlar hibrid hücuma görə Rusiyanın məsuliyyət daşıdığını təsdiqləyir.

"Biz həmçinin Rusiyanın Qara dənizdəki ticarət gəmilərinə sistematik zərbələrini - beynəlxalq hüququ, gəmiçilik azadlığını pozan və qlobal nəticələrə malik qəsdən törədilmiş eskalasiyanı qınadıq", - nazir əlavə edib.

Rumıniya xüsusi xidmət orqanlarının məlumatına görə, sentyabrın 14-də Braşov şəhərindəki Carfil sənaye ərazisində baş verən yanğın ehtimal olunan təxribatla əlaqəli olub. İstintaq hesab edir ki, hadisədə Rusiyadan yönləndirilən şəbəkə çərçivəsində fəaliyyət göstərən şəxslərin əli var.

Oxşar xəbərlər

İlham Əliyev Pirallahı Sənaye Parkında dərman istehsalı müəssisəsinin açılışında iştirak edib

İlham Əliyev Avstriyanın Azərbaycanda yeni səfirini qəbul edib

İlham Əliyev Kolumbiyanın Azərbaycana yeni təyin olunmuş səfirini qəbul edib

Prezident İlham Əliyev Zəngilan şəhərindəki ilk yaşayış kompleksinə köçən ailələrlə görüşüb - YENİLƏNİB

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3