Səudiyyə Ərəbistanı və Suriya liderlərinin Ər-Riyadda keçirilən danışıqlarının yekununda iki ölkənin müdafiə nazirlikləri arasında əməkdaşlıq sazişi imzalanıb.

"Report" xəbər verir ki, bu barədə Səudiyyə Ərəbistanı Mətbuat Agentliyi (SPA) Suriyanın Prezidenti Əhməd əş-Şaraanın krallığa səfərinə istinadən məlumat yayıb.

Tərəflər, həmçinin Səudiyyə Ərəbistanının Sənaye və Mineral Ehtiyatlar Nazirliyi ilə Suriyanın Sənaye, Daxili Ticarət və İstehlakçı Hüquqlarının Müdafiəsi Nazirliyi arasında anlaşma memorandumu imzalayıblar.

Görüş zamanı Səudiyyə Ərəbistanının vəliəhdi Məhəmməd bin Salman Əl Səud və Suriyanın Prezidenti Əhməd əş-Şaraa ikitərəfli münasibətlərin inkişafını və regional təhlükəsizlik məsələlərini müzakirə ediblər.

Liderlər Yaxın Şərqdəki vəziyyətlə bağlı fikir mübadiləsi aparıb, hərbi eskalasiyanın dünya iqtisadiyyatının sabitliyinə və enerji təchizatına ciddi təsirlərini qeyd ediblər.

Ər-Riyad və Dəməşq böhranların diplomatik yolla həllinin və regionda gərginliyin azaldılmasının vacibliyini vurğulayıblar.

Oxşar xəbərlər

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

Prezident İlham Əliyev "AZWOOL" mineral daş yunu zavodunun açılışında iştirak edib

Azərbaycan və Çin prokurorluqları arasında anlaşma memorandumu imzalanıb

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

"Report" İA və Baku TV Çinin nüfuzlu CCTV+ agentliyi ilə əməkdaşlıq memorandumu imzalayıblar