ABŞ-də süni intellekt vasitəsilə şirkət rəhbərlərinin və hüquqşünasların səslərini təqlid edərək müxtəlif şirkətlərdən 129 milyon dollardan çox vəsait mənimsəməkdə şübhəli bilinən üç nəfər barəsində cinayət işi açılıb.

Far.Az xəbər verir ki, bu barədə ABŞ Ədliyyə Nazirliyi məlumat yayıb.

İttiham aktına əsasən, şübhəlilər 2024-cü ilin iyulundan 2026-cı ilin fevralınadək süni intellektlə şirkət rəhbərlərinin və böyük hüquq firmalarının vəkillərinin səslərini saxtalaşdırıblar.

Onlar əməkdaşları gizli maliyyə əməliyyatının aparıldığına inandıraraq pul vəsaitlərinin dünyanın müxtəlif ölkələrindəki bank hesablarına köçürülməsinə nail olublar.

Dələduzluq nəticəsində Missuri ştatındakı xəstəxana sistemindən 4,8 milyon, Rod-Aylenddəki bankdan 2,6 milyon, Kaliforniyadakı xəstəxanadan 2,9 milyon, Böyük Britaniyada yerləşən maliyyə texnologiyaları şirkətindən 11,5 milyon, Massaçusetsdəki investisiya fondundan 4,6 milyon, Floridada fəaliyyət göstərən ev heyvanları üçün yem istehsalçısından isə 5,2 milyon dollar mənimsənildiyi bildirilir.

Şübhəlilər Avropada keçirilən əməliyyatlar zamanı saxlanılıblar. 41 yaşlı Ceykob Soall İspaniyada, 54 yaşlı Şeron Hazan İspaniyada, 42 yaşlı Qay Şitrit isə İngiltərədə tutulub. Onların ABŞ-yə ekstradisiyası gözlənilir.

İttihamlar üzrə təqsirləri sübuta yetirilərsə, şübhəliləri 20 ilədək həbs cəzası gözləyir. Qeyd edək ki, Şeron Hazan 2008-ci ildə də bank dələduzluğuna görə məhkum edilib.

Oxşar xəbərlər

Bakıda TDT Xəritəçəkmə Qurumları Rəhbərlərinin ikinci iclası keçirilib, bəyannamə qəbul edilib

Aşqabadda MAMA "Ana təbiət" beynəlxalq incəsənət sərgisi açılıb

Heydər Əliyev Mərkəzində "Vəhşi təbiətin super qəhrəmanları" sərgisi açılıb

Tanınmış kardioloqlar, kardio-onkoloqlar, eləcə də süni intellekt və robot texnologiyaları üzrə mütəxəssislər bir arada

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar