Davud Rüstəmov: Kritik informasiya infrastrukturunun müdafiəsi üzrə normativ baza artıq formalaşdırılıb
Azərbaycanda kritik informasiya infrastrukturunun mühafizəsi ilə bağlı qanunvericilik bazasının formalaşdırılması prosesi artıq başa çatdırılıb.
"Far.Az" xəbər verir ki, bunu Dövlət Təhlükəsizliyi Xidmətinin Kibertəhlükəsizlik Əməliyyatları Mərkəzinin rəhbəri Davud Rüstəmov Bakıda keçirilən Kiberdiplomatiya üzrə II Beynəlxalq Konfransda (ICCD 2026) bildirib.
Onun sözlərinə görə, Dövlət Təhlükəsizliyi Xidməti kritik informasiya infrastrukturunun qorunmasına məsul olan və bu istiqamətdə dövlət nəzarətini həyata keçirən əsas qurum kimi müəyyən edilib:
"Bundan əlavə, Xidmət qlobal miqyaslı və hazırda müxtəlif sektorlara təsir edən kibertəhdidlərlə mübarizə aparır. Müasir şəraitdə kibertəhdidlərin artım tendensiyası ciddi narahatlıq doğurur. Şübhəsiz ki, mövcud texnologiyaların bir çox üstünlükləri var və biz də onların təqdim etdiyi imkanlardan istifadə edirik. Ancaq süni intellekt texnologiyaları vasitəsilə hazırda istifadə olunan müxtəlif proqram təminatı və tətbiqlərin yarada biləcəyi təhlükələr də nəzərdən qaçırılmamalıdır".
Davud Rüstəmov həmçinin deyib ki, kritik informasiya infrastrukturlarının təhlükəsizliyinin təmin edilməsi sahəsində Azərbaycan da öz təcrübəsinə əsaslanaraq müasir tendensiyaları yaxından izləyir:
"Belə ki, süni intellektdən istifadə edilməklə Azərbaycan dövlət qurumlarını hədəf alan kibertəhdidlər davamlı şəkildə diqqətdə saxlanılır. Eyni zamanda, beynəlxalq tərəfdaşlığın genişləndirilməsində də maraqlıyıq. Çünki bu əməkdaşlıq sözügedən sahədəki imkanlarımızı gücləndirir. Bu isə zərərli IP ünvanlarının, domenlərin və digər bu səpkidə olan təhdidlərə qarşı mübarizədə mühüm rol oynaya bilər".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Uşaqların zərərli informasiyadan qorunmasına yönəlmiş normativ hüquqi akt layihəsi müzakirə olunub
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Böyük Britaniya Ukraynaya mindən çox uzaqmənzilli dron verəcək
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













