Praqada yerləşən Azərbaycan Mədəniyyət Evi Lenay Seidali-zadənin müəllifi olduğu “Rəqs Emalatxanası” layihəsi çərçivəsində 8 yaşdan yuxarı uşaqlar üçün Azərbaycan milli rəqslərinin tədrisinə başlayır.

Bu barədə "Far.Az"a Diasporla İş üzrə Dövlət Komitəsindən məlumat verilib.

Bildirilib ki, Azərbaycanın milli rəqs və musiqisinin ölkədən kənarda təbliği, qürbətdəki yeniyetmə və gənc nəsil soydaşlara ötürülməsi, mənəvi və fiziki tərbiyənin mühüm vasitəsi kimi tanıdılması dərslərin təşkilinin əsas məqsədidir.

Bununla yanaşı, Azərbaycandan uzaqda güclü rəqs qruplarının təşkili və istedadlı ifaçılarla, quruluşçuların aşkara çıxarılması da layihənin hədəflərindəndir.

Rəqslər Xalq artisti, “Şərəf” və “Şöhrət” ordenli görkəmli xoreoqraf Roza Cəlilovanın tələbəsi olan, Bakıdan dəvət edilən peşəkar pedaqoqlar və xoreoqraflar tərəfindən öyrədiləcək.

Dərslər hər bazar saat 14:00-da bir saat olmaqla Azərbaycan Mədəniyyət Evində keçiriləcək.

Qeydiyyat dekabrın 5-nə qədər davam edəcək. İlk dərs dekabrın 8-də keçiriləcək və tədris iki ay olacaq, yerlər məhduddur.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3