Səfir: Cari ilin 10 ayında Azərbaycan və BƏƏ arasında ticarət dövriyyəsinin həcmi 80 milyon dolları ötüb
Far.Az xəbər saytı

Səfir: Cari ilin 10 ayında Azərbaycan və BƏƏ arasında ticarət dövriyyəsinin həcmi 80 milyon dolları ötüb


Cari ilin 10 ayında Azərbaycan və Birləşmiş Ərəb Əmirlikləri (BƏƏ) arasında ikitərəfli ticarət dövriyyəsinin həcmi 80 milyon dolları ötüb.

"Far.Az" xəbər verir ki, bunu BƏƏ-nin Azərbaycandakı səfiri Mohammed Al Blooshi Birliyin yaranmasının 53-cü ildönümü münasibətilə Bakıda keçirilən rəsmi qəbulda çıxışı zamanı deyib.

Diplomat 2023-cü ildə isə iki ölkə arasında qeyri-neft idxal, ixrac və təkrar ixrac da daxil olmaqla ikitərəfli ticarət dövriyyəsinin ümumi həcminin 1 milyard 641 milyon ABŞ dolları təşkil etdiyini vurğulayıb. O qeyd edib ki, hər iki dövlətin liderinin qarşılıqlı səfərləri, davamlı artan ticari, iqtisadi və mədəni mübadilənin səviyyəsi, həmçinin BƏƏ və Azərbaycandan turist və ziyarətçilərin sayının artması ikitərəfli əlaqələrin müxtəlif sahələrdə güclənməsinə dəlalət edir.

Səfir iki ölkə arasında turizm əlaqələrinə toxunaraq bildirib ki, 2024-cü ilin 7 ayı ərzində BƏƏ-dən Azərbaycana gələnlərin sayı əvvəlki ilin eyni dövrü ilə müqayisədə 7,5 % artıb.

O, son olaraq iqtisadi, ticarət və texniki əməkdaşlıq üzrə Birgə Hökumətlərarası Komissiyanın BƏƏ və Azərbaycanda mütəmadi olaraq keçirilən iclaslarının da münasibətlərin inkişafına böyük töhfə verdiyini qeyd edib.

Oxşar xəbərlər

Bakıda COP29-un Liderlər Sammitinin açılış mərasimi keçirilib - YENİLƏNİB-2
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Səfir: Azərbaycan və BƏƏ-nin tərəfdaşlığı iqlim dəyişikliyi ilə mübarizədə mənalı həllər təqdim edə bilər - MÜSAHİBƏ
Özbəkistanın mədəniyyət naziri: Xalqlarımızı birləşdirən fundamental dəyər mədəniyyətdir - MÜSAHİBƏ
Bakıda Birləşmiş Ərəb Əmirliklərinin Milli Günü ilə bağlı rəsmi qəbul keçirilir

Ən son xəbərləri bizim

"Facebook" səhifəmizdə izləyin

Digər xəbərlər