Alimlər ilk dəfə insan beyninin toxumalarında mikroplastiklərin mövcudluğunu aşkar ediblər. Bu tapıntı plastikin insan sağlamlığına təsiri ilə bağlı ciddi müzakirələrə səbəb olub.

"Far.Az" xəbər verir ki, bu barədə CNN telekanalı yeni elmi araşdırmaya istinadən məlumat yayıb.

"Tədqiqat nəticələri mikroplastiklərin bədənə necə daxil olduğu və sinir sisteminə hansı təsirləri göstərə biləcəyi ilə bağlı elm dünyasında yeni suallar doğurur", – deyə araşdırma müəllifləri bildiriblər. Onların sözlərinə görə, təcrübədə iştirak edən onlarla insanın beyin toxuması nümunələrində plastik hissəciklər aşkar edilib. Hər bir insanın beynində tapılan mikroplastiklərin miqdarı təxminən bir çay qaşığına bərabər olub.

Ölçüsü 5 mm-dən kiçik olan mikroplastiklər daha əvvəl hava, su və qidada müşahidə edilsə də, onların beyində olması alimlər üçün gözlənilməz olub. Hissəciklərin tənəffüs və ya həzm sistemi vasitəsilə orqanizmə daxil olaraq qan dövranı ilə beyinə yayıldığı ehtimal edilir.

Mütəxəssislər mikroplastiklərin beyində uzunmüddətli təsirlərinin hələ də tam araşdırılmadığını bildirirlər. "Onların idrak qabiliyyətinə, neyrodegenerativ xəstəliklərin yaranma riskinə və ümumi sağlamlığa necə təsir etdiyini dəqiq bilmirik", – deyə tədqiqatçılardan biri vurğulayıb.

Ümumdünya Səhiyyə Təşkilatı daha əvvəl plastik çirklənmənin insan sağlamlığına təsirlərini daha dərindən araşdırmağa çağırmışdı. Telekanal qeyd edib ki, bu yeni tədqiqat plastikdən istifadənin azaldılması və ekoloji mühitin qorunması üçün təcili tədbirlərin görülməsi ehtiyacını bir daha gündəmə gətirir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Meksikada qan dövranı infeksiyasından ölən uşaqların sayı 17-yə çatıb

Bakıda COP29-un Liderlər Sammitinin açılış mərasimi keçirilib - YENİLƏNİB-2

The Independent: Azərbaycan çayı COP29-da mədəniyyət rəmzi və iqlim dəyişikliyi çağırışı kimi