Almaniya XİN İsraili Qəzzaya humanitar yardımın çatdırılmasını bərpa etməyə çağırıb
Almaniya İsrail hökumətini Qəzza zolağına humanitar yardımın çatdırılmasını bərpa etməyə çağırıb və Fələstin-İsrail münaqişəsinin hər iki tərəfinin danışıqlar masasına qayıtmalı olduğunu bildirib.
"Report" TASS-a istinadən xəbər verir ki, bunu Almaniya Xarici İşlər Nazirliyinin (XİN) nümayəndəsi Berlində keçirilən brifinqdə bildirib.
"Almaniya hökuməti İsrail hökumətinin Qəzzaya bütün humanitar malların idxalını dayandırmaq qərarını böyük narahatlıqla qarşılayıb", - o qeyd edib.
Nümayəndə vurğulayıb ki, BMT Beynəlxalq Məhkəməsinin qərarına əsasən, "İsrail beynəlxalq hüquq üzrə öhdəliklərini yerinə yetirməli, Qəzza ərazisində son dərəcə zəruri olan əsas xidmətlərin maneəsiz şəkildə göstərilməsini və humanitar yardımın çatdırılmasını təmin etməlidir".
O, həmçinin qeyd edib ki, HƏMAS qalan girovların və onların ailələrinin alçaldılmasına son qoymalı, saxlanılan şəxsləri dərhal azad etməlidir.
Almaniya XİN hər iki tərəfi danışıqlar masasına qayıtmağa, atəşkəs və girovların azad edilməsi haqqında sazişin davam etdirilməsini təmin etməyə çağırıb.
"Bu, sazişin birinci mərhələsinin uzadılması mümkünlüyünü və ikinci mərhələyə, yəni uzunmüddətli atəşkəsə keçidi əhatə edir. Bütün bunlar yeni girovların azad edilməsi, Qəzzada insanların vəziyyətinin yaxşılaşdırılması, həmçinin Qəzzanın bərpası və regionun dinc gələcəyi üçün vacibdir", - XİN nümayəndəsi əlavə edib.
Oxşar xəbərlər
Bakıda COP29-un Liderlər Sammitinin iştirakçılarının qarşılanma mərasimi keçirilib - YENİLƏNİB
Mart ayına olan hava proqnozu AÇIQLANDI
Klassik avtomobillərin yürüşü və sərgisi keçirilib
İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2
Mart ayında hava iqlim normasından yüksək olacaq
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
"Real Madrid" səfərdə "Selta" üzərində qələbə qazanıb
-
Virciniyada yarım əsrdən sonra ilk dəfə qızılca xəstəliyindən bir uşaq ölüb
-
WSJ: ABŞ-nin daxili təhlükəsizlik nazirinə müsahibə vermək qadağan edilib













