Nobel mükafatçısı vəfat edib
Far.Az xəbər saytı

Nobel mükafatçısı vəfat edib


Ədəbiyyat üzrə Nobel mükafatı laureatı, peru əsilli məşhur yazıçı Mario Varqas Losa 90 yaşında dünyasını dəyişib.

BAKU.WS xəbər verir ki, yazıçının ölüm xəbərini onun oğlu Alvaro Varqas Losa açıqlayıb. Onun sözlərinə görə, Mario Varqas Losa Perunun Lima şəhərində ailəsinin əhatəsində vəfat edib.

Bildirilib ki, yazıçının nəşi kremasiya (ölmüş şəxsin dini mənsubiyyətinə və milli adət və ənənələrə uyğun olaraq, dəfndən əvvəl meyitin xüsusi sobalarda yandırılması prosesi) olunacaq və ictimai vida mərasimi keçirilməyəcək.

Qeyd edək ki, Mario Varqas Losa 28 mart 1936-cı ildə Perunun Arekipa şəhərində anadan olub. O, Latın Amerikası ədəbiyyatında "partlayış dövrü" adlandırılan ədəbi hərəkatın öncül nümayəndələrindən biri sayılır. Ən məşhur əsərləri arasında "Şəhər və itlər", "Yaşıl ev", "Kafedralda söhbət" və "Sonun savaşı" romanları yer alır. Yaradıcılığında tez-tez hakimiyyət, korrupsiya, zorakılıq və sosial qarşıdurma mövzularına toxunub.

2010-cu ildə Mario Varqas Losa "hakimiyyətin strukturlarını təsvir etdiyi və insan müqaviməti, üsyanı və məğlubiyyətini canlı şəkildə əks etdirdiyi" üçün ədəbiyyat üzrə Nobel mükafatına layiq görülmüşdü.

Oxşar xəbərlər

Alim: Füzulinin qəbrini Azərbaycana gətirsək, ruhu narahat olar - MÜSAHİBƏ
Azərbaycan ictimaiyyəti Qorbaçovun Nobel Mükafatından məhrum olunmasını istəyir - AÇIQ MƏKTUB
BP Azərbaycanın ədəbi gəncliyinə daha bir dəstək göstərib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
VII çağırış Milli Məclisin deputatları - SİYAHI

Ən son xəbərləri bizim

"Facebook" səhifəmizdə izləyin

Digər xəbərlər