Bakıda bir sıra küçələrə avtomobillə girişin ödənişli olacağı gözlənilir
Bakının tarixi mərkəzində avtomobillərin hərəkəti artıq fərqli üsullarla tənzimlənir. İçərişəhərdə sakin olmayan sürücülər üçün ilk 15 dəqiqəlik giriş haqqı üç manat təşkil edir.
BAKU.WS "Xəzər" TV-yə istinadən xəbər verir ki, Xaqani bağı ətrafında isə əvvəllər yalnız həftəsonları tətbiq olunan hərəkət məhdudiyyəti artıq həftənin bütün günlərinə şamil edilib.
Bu prosesin daha da genişləndiriləcəyi gözlənilir. Belə ki, paytaxtda sürücülərdən avtomobillərini park etmədən, sadəcə müəyyən əraziyə daxil olduqlarına görə ödəniş tutula bilər.
Qanunvericiliyə təklif edilən dəyişikliyə əsasən, girişin ödənişli olacağı zonalar və müvafiq tariflər səlahiyyətli qurum tərəfindən təsdiqlənəcək.
Yeni layihə çərçivəsində konkret ünvanlar açıqlanmasa da, ekspert Elnur Fərzəliyev mümkün ərazilərdən biri kimi Yasamal rayonundakı keçmiş "Sovetski" ərazisini göstərir.
Ekspertin sözlərinə görə, dünyanın bir çox iri və inkişaf etmiş şəhərlərində bu təcrübədən geniş istifadə olunur. Məsələn, Londonda müəyyən saatlarda şəhərin mərkəzindəki ödənişli zonada avtomobil idarə etməyin gündəlik haqqı 18 funt sterlinq təşkil edir. Bəzi şəhərlərdə isə müəyyən edilmiş küçələrə daxil olan minik avtomobillərindən gündə bir dəfə ödəniş tutulur.
Layihəyə əsasən, giriş haqqından əldə olunan vəsait dövlət büdcəsinə köçürüləcək.
Ödənişin konkret hansı küçələrdə və nə vaxt tətbiq olunmağa başlanacağı isə hələlik açıqlanmayıb.
Daha ətraflı videomaterialda:
Oxşar xəbərlər
İçərişəhərdə Beynəlxalq Xalça Festivalının açılış mərasimi keçirilib
İçərişəhərdə Beynəlxalq Xalça Festivalının açılış mərasimi keçirilir
Paytaxtda sakinlər üçün təhlükə mənbəyi olan ÜNVANLAR - "Qorxu içində gəzirik"
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
"Real Madrid" səfərdə "Selta" üzərində qələbə qazanıb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Gürcüstanda matəm günü ilə əlaqədar dövlət bayraqları yarıya endirilib













