AMADA nümayəndə heyəti Strasburqda CAHAMA-nın 73-cü iclasında iştirak edib
Far.Az xəbər saytı

AMADA nümayəndə heyəti Strasburqda CAHAMA-nın 73-cü iclasında iştirak edib


Azərbaycan Milli Antidopinq Agentliyinin (AMADA) nümayəndələri Fransanın Strasburq şəhərində Ümumdünya Antidopinq Agentliyi (WADA) üzrə Ad Hoc Avropa Komitəsinin (CAHAMA) 73-cü iclasında iştirak ediblər.

Bu barədə "Report"a AMADA-dan məlumat verilib.

Toplantıya qurumun icraçı direktoru Təhminə Tağı-zadənin rəhbərlik etdiyi nümayəndə heyəti qatılıb.

Tədbirin gündəliyində CAHAMA-nın 72-ci iclasının hesabatının təsdiqi, 2027-ci ilin mart ayında keçiriləcək sədr və sədr müavini vəzifələrinə seçkilərə hazırlıq, Katibliyin fəaliyyəti, eləcə də WADA ilə əməkdaşlığın aktual məsələləri yer alıb.

Toplantının əsas müzakirə mövzularından biri 24-26 noyabr 2026-cı il tarixlərində Qazaxıstanın Astana şəhərində keçiriləcək WADA-nın İcraiyyə Komitəsi və Təsisçilər Şurasının iclaslarına hazırlıq olub. Avropa dövlətlərinin nümayəndələri qarşıdakı iclasların gündəliyində yer alan məsələlər ətrafında fikir mübadiləsi apararaq, qlobal antidopinq siyasəti üzrə Avropanın əlaqələndirilmiş mövqeyinin formalaşdırılmasını müzakirə ediblər.

İclas çərçivəsində, həmçinin Avropa Şurasının Antidopinq Konvensiyasının müvafiq məşvərət qruplarının və ekspertlərinin təqdimatları dinlənilib, OneVoice təşəbbüsü və CAHAMA-nın mandatının həyata keçirilməsi ilə bağlı məsələlər nəzərdən keçirilib. Açıq sessiyada CAHAMA-nın müşahidəçiləri və iştirakçıları ilə antidopinq sahəsində mühüm mövzular ətrafında fikir mübadiləsi aparılıb.

Oxşar xəbərlər

Azərbaycan nümayəndə heyəti Strasburqda Avropa Şurasının antidopinq iclaslarında iştirak edib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
AMADA antidopinq təlimçi proqramının iştirakçılarına sertifikatlar təqdim edib
AMADA 2027-ci ildən qüvvəyə minəcək antidopinq yeniliklərini federasiyalara açıqlayıb
İlham Əliyev MDB Dövlət Başçıları Şurasının məhdud tərkibdə iclasında iştirak edib

Ən son xəbərləri bizim

"Facebook" səhifəmizdə izləyin

Digər xəbərlər