Azərbaycan Mərkəzi Bankı (AMB) "Delta Capital" MMC valyuta mübadilə məntəqəsinin bir vəzifəli şəxsinə 2 886 manat məbləğində cərimə tətbiq edib.

“Far.Az” xəbər verir ki, bu barədə AMB məlumat yayıb.

"Delta Capital"ın vəzifəli şəxsi “Valyuta tənzimi haqqında” Qanunun 16-1.1-ci maddəsinin, habelə “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 3.4, 4.5, 4.7, 4.14, 6.1, 6.5-ci bəndlərinin tələblərinin pozulması səbəbilə İnzibati Xətalar Məcəlləsinin 430.3 və 439-1-ci maddələrinə müvafiq olaraq cərimələnib", - AMB bildirir.

Mərkəzi Bankın digər qərarı ilə, "Zuhur” MMC-nin bir vəzifəli şəxsinə isə 32 767 manat məbləğində cərimə tətbiq edilib.

"Zuhur” MMC-nin vəzifəli şəxsi isə AMB-nin apardığı cari nəzarət prosesləri çərçivəsində “Valyuta tənzimi haqqında” Qanunun 16-1.1-ci maddəsinin, habelə “Valyuta mübadiləsi fəaliyyətinə lisenziya almış şəxslər tərəfindən valyuta mübadiləsi əməliyyatlarının aparılması və valyuta mübadiləsi fəaliyyətinə nəzarət Qaydası”nın 3.4, 3.6, 4.7, 4.14, 6.1, 6.5-ci bəndlərinin tələblərinin pozulması səbəbilə İnzibati Xətalar Məcəlləsinin 430.3 və 439-1-ci maddələrinə müvafiq olaraq cərimələnib.

Oxşar xəbərlər

Azərbaycan Mərkəzi Bankı "Paşa Bank"ın vəzifəli şəxsini cərimələyib

Mərkəzi Bank bir neçə BOKT-un vəzifəli şəxsini cərimələyib

Mərkəzi Bank “Paşa Bank”ın vəzifəli şəxsini cərimə edib

Mərkəzi Bank 5 BOKT-nun vəzifəli şəxslərini cərimələyib

Məhkəmə “Səhiyyə TV”-ni cərimələyib