İsrail Qəzza zolağında genişmiqyaslı əməliyyata hazırlaşır
İsrail Müdafiə Ordusu (İDF) Qəzza zolağında genişmiqyaslı quru əməliyyata hazırlaşır.
Far.Az xəbər verir ki, "The Times of Israel" nəşrinin yazdığına görə, bu əməliyyat ABŞ Prezidenti Donald Trampın bu ay ərəb ölkələrinə səfəri zamanı israilli girovların azad edilməsinin mümkün olmaması halında həyata keçiriləcək.
Adı açıqlanmayan yüksək rütbəli hərbi məmurun sözlərinə görə, "Gideonun arabaları" adlı əməliyyat planı hökumət kabineti tərəfindən yekdilliklə təsdiqlənib. Əməliyyatın əsas məqsədi HƏMAS-ın məhv edilməsi və bütün israilli girovların azad olunmasıdır.
Plana əsasən, Qəzza zolağının cənubuna "kütləvi əhali təxliyəsi" həyata keçiriləcək ki, bu da İsrail ordusuna "tam əməliyyat azadlığı" təmin edəcək. Bildirilir ki, İDF qüvvələri nəzarət altına alınan ərazilərdə uzun müddət qalacaq və təhlükə yarada biləcək bütün obyektlər tamamilə məhv ediləcək.
Brifinq zamanı hərbi rəsmi bildirib ki, əməliyyat başlamazdan əvvəl Qəzzaya humanitar yardımların çatdırılması müzakirə olunmayacaq. Yardımlar yalnız əməliyyat başladıktan sonra planlaşdırılır. Əməliyyatdan sonrakı mərhələdə Rəfah şəhərinin cənubunda "steril zona" yaradılması nəzərdə tutulur. Bu zonanın təhlükəsizliyini İsrail ordusu təmin edəcək, yardım isə "vətəndaş təşkilatları" tərəfindən paylanacaq.
NBC News-ın daha əvvəl yaydığı məlumata görə, İsrail rəhbərliyi əməliyyatda özəl hərbi şirkətlərin istifadəsini də nəzərdən keçirir. Əməliyyatın məqsədlərindən biri də Qəzza sakinləri üçün "könüllü şəkildə digər ölkələrə köç imkanının yaradılması"dır.
Hərbi rəsmilər bildiriblər ki, girovların azad edilməsi ilə bağlı razılaşma əldə olunmasa, "Gideonun arabaları" əməliyyatı tam gücü ilə başlayacaq və qarşıya qoyulan məqsədlər tam yerinə yetirilənədək davam edəcək.
Qalereya
Oxşar xəbərlər
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Azərbaycanda məhsul və xidmətin qiymətini hansı qurum tənzimləyir?
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Prezident İlham Əliyev XII Qlobal Bakı Forumunun açılış mərasimində çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
"Real Madrid" səfərdə "Selta" üzərində qələbə qazanıb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Ekspert: "Dövlət idarəçiliyinin rəqəmsallaşdırılması Azərbaycan iqtisadiyyatının rəqabət qabiliyyətini artırır"













