COP31-də yekun saziş üzrə yeni razılaşma layihəsi təqdim edildi
Türkiyə və Avstraliya COP31 çərçivəsində yekun iqlim sazişinin yeni layihəsini təqdim ediblər. Yenilənmiş sənədin danışıqlarda iştirak edən ölkələr arasında mövcud fikir ayrılıqlarının aradan qaldırılmasına töhfə verəcəyi gözlənilir.
Far.Az xəbər verir ki, bu barədə "Associated Press" (AP) məlumat yayıb.
Antalyada keçirilən konfransın həmsədrləri tərəfindən hazırlanan yeni layihədə iştirakçı dövlətlərin əsas tələbləri nəzərə alınıb. Sənəddə xüsusilə qazıntı yanacaqlarından istifadə və inkişaf etməkdə olan ölkələrin iqlim dəyişikliklərinə uyğunlaşması üçün maliyyə vəsaitinin ayrılması məsələlərinə yer verilib.
COP31-in sədri Murat Kurum bildirib ki, təqdim olunan mətn bütün tərəflərin qəbul edə biləcəyi təklifləri özündə birləşdirir. Onun sözlərinə görə, yenilənmiş layihə danışıqlarda səsləndirilən əsas narahatlıqları əhatə edir.
İki həftə davam edən konfransın cümə günü yekunlaşması nəzərdə tutulsa da, yekun sənədin məzmunu ilə bağlı ölkələr arasında razılığın əldə olunmaması danışıqların həftəsonuna qədər uzanmasına səbəb olub.
Yekun sazişin bazar günü təsdiqlənəcəyi gözlənilir.
AP-nin məlumatına görə, COP31 çərçivəsində ümumi razılığın əldə edilməsi beynəlxalq iqlim əməkdaşlığının davamlılığı baxımından mühüm əhəmiyyət daşıyır. Qəbul ediləcək sənəd ölkələrin istixana qazı emissiyalarının azaldılması istiqamətində gələcək öhdəliklərinin konkretliyini və məcburilik səviyyəsini müəyyənləşdirəcək.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
WUF13 yüksəksəviyyəli sessiyalar və rekord sayda iştirakçı ilə uğurla başa çatıb
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3
Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
Ən son xəbərləri bizim
"Facebook" səhifəmizdə izləyin
Digər xəbərlər
-
Ohayo ştatında baş verən atışmada bir neçə nəfər yaralanıb
-
Hindistanda saxta spirtli içkiyə görə mindən çox şəxs xəstəxanaya yerləşdirilib - Yenilənib
-
"Real Madrid" səfərdə "Selta" üzərində qələbə qazanıb
-
Türkiyədə baş verən zəncirvari qəzada bir nəfər ölüb, 10 nəfər xəsarət alıb
-
WSJ: ABŞ-nin daxili təhlükəsizlik nazirinə müsahibə vermək qadağan edilib
-
Ekspert: "Dövlət idarəçiliyinin rəqəmsallaşdırılması Azərbaycan iqtisadiyyatının rəqabət qabiliyyətini artırır"













