Azərbaycanlı məktəbli BMT Oyunlarında medal qazanıb
2025-ci il BMT Oyunlarının bağlanış mərasimində 12 yaşlı azərbaycanlı yeniyetmə Kamal Məmmədəliyev Təşkilat Komitəsi tərəfindən medalla təltif olunub.
"Report"un ABŞ bürosu xəbər verir ki, BMT-nin Nyu-Yorkdakı qərargah binasında baş tutan bağlanış mərasimi Türkmənistanın BMT-dəki Daimi Nümayəndəliyinin təşkilatçılığı ilə keçirilib.
110 ölkədən 800-dən çox iştirakçının qatıldığı turnirin bağlanış mərasimində BMT daxilində fəaliyyət göstərən bütün idman növləri üzrə qaliblərə kuboklar, medallar və xüsusi mükafatlar təqdim olunub.
Azərbaycanın BMT-dəki daimi nümayəndəsi Tofiq Musayev də mərasimdə iştirak edib.
Tədbirdə çıxış edən BMT rəsmiləri və tanınmış idmançılar, o cümlədən İtaliya futbol millisinin sabiq kapitanı, UEFA "Euro 2020" çempionu Corco Kiellini və stolüstü tennis üzrə Olimpiya çempionu Liu Qo Lianq idmanın dostluq, dialoq və əməkdaşlıq vasitəsi olaraq əhəmiyyətini vurğulayıblar.
Azərbaycanlı gənc Kamal Məmmədəliyev 2025-ci il BMT Oyunlarının Mərkəzi Asiya və onun hüdudlarından olan uşaqlardan ibarət komandada çıxış edərək çempionlar sırasında yer alıb. K.Məmmədəliyev səhnədə çıxışı zamanı oyunların onun həyatında yaratdığı imkanlardan və beynəlxalq dostluğun verdiyi dəyərlərdən danışıb. O bildirib ki, idman yalnız yarış deyil, həm də bəşəri dəyərlərin və birliyin təntənəsidir.
Futbol, voleybol, basketbol, tennis, şahmat, stolüstü tennis, yoqa və digər idman növləri üzrə qaliblərə medallar və diplomlar təqdim olunub. Qaliblər sırasında BMT əməkdaşları komandası çempion elan olunub, Rusiya missiyası isə ikinci yeri tutub. Ən yaxşı oyunçu, qapıçı və müdafiəçi nominasiyaları üzrə fərqlənən iştirakçılara da xüsusi mükafatlar təqdim olunub.
Qalereya
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Prezident İlham Əliyev XII Qlobal Bakı Forumunun açılış mərasimində çıxış edib
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Bakıda COP29-un Liderlər Sammitinin açılış mərasimi keçirilib - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













