Ukraynanın Azərbaycandakı səfiri Yuriy Husyev 28 May - Azərbaycanın Müstəqillik Günü ilə bağlı "X" sosial şəbəkəsində paylaşım edərək, Azərbaycan xalqını təbrik edib.

Far.Az-in verdiyi məlumata görə, səfir Ukraynanın strateji tərəfdaşlığı, ortaq tarixi və suverenliklə ərazi bütövlüyünün qarşılıqlı dəstəklənməsini yüksək qiymətləndirib. O, Azərbaycan xalqına sülh, rifah və həmrəylik arzulayıb.

Böyük Britaniyanın Azərbaycandakı səfiri Fergus Auld da 28 May münasibətilə paylaşım edərək bildirib ki, 1918-ci il mayın 28-də Şərqin ilk demokratik respublikası olan Azərbaycan müstəqilliyini elan edib. Səfir qeyd edib ki, bu əlamətdar günün Azərbaycan xalqı ilə birlikdə qeyd edilməsindən məmnundur və "Müstəqilliyiniz əbədi olsun! Bir kərə yüksələn bayraq bir daha enməz" deyib.

İsrailin Azərbaycandakı səfirliyi də Müstəqillik Günü münasibətilə təbrik mesajı yayıb. Səfirlik paylaşımında bu önəmli günü Azərbaycanla birlikdə qeyd etdiklərini bildirərək, ölkənin inkişaf yolunu, gücünü və nailiyyətlərini yüksək qiymətləndirib. Həmçinin xalqlar arasında sülh, rifah və dostluğun davamlı olmasını arzulayıb.

11:05

Türkiyənin Bakıdakı səfirliyi 28 May - Azərbaycan Respublikasının Müstəqillik Günü münasibətilə təbrik mesajı yayıb.

Far.Az-in məlumatına görə, bu barədə səfirliyin "X" sosial şəbəkəsindəki rəsmi hesabında paylaşım edilib.

"Kədəri və sevinci birlikdə paylaşdığımız qardaş Azərbaycan xalqının Müstəqillik Gününü canı-qəlbdən təbrik edirik", - deyə mesajda qeyd olunub.

Həmçinin vurğulanıb ki, "Bir millət, iki dövlət" şüarı ilə davam etdirilən qardaşlıq münasibətləri bundan sonra da möhkəmləndirilməyə davam edəcək.

**** 10:16

Polşa və Niderlandın Bakıdakı səfirlikləri 28 May - Müstəqillik Günü münasibətilə Azərbaycan xalqına təbriklərini ünvanlayıblar.

Far.Az xəbər verir ki, hər iki təbrik "X" sosial şəbəkəsindəki rəsmi səhifələrdə paylaşılıb.

Polşa səfirliyinin paylaşımında qeyd edilib:

"Azərbaycanın 28 May - Müstəqillik Günü münasibətilə Polşanın Bakıdakı səfirliyi Azərbaycan xalqına sülh, rifah arzulayır və ən xoş arzularını bildirir. Müstəqillik Gününüz mübarək".

Niderland səfirliyi də Müstəqillik Günü münasibətilə təbrik edib.

"Bu xüsusi gündə Azərbaycan xalqına səmimi təbriklərimizi çatdırırıq", - deyə paylaşımda vurğulanıb.

Oxşar xəbərlər

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Prezident İlham Əliyev XII Qlobal Bakı Forumunun açılış mərasimində çıxış edib