WSJ: ABŞ Qəzzanın bərpası üçün 112 milyard dollarlıq layihə hazırlayıb
ABŞ prezidentinin xüsusi nümayəndəsi Stiv Uitkoff və Amerika liderinin kürəkəni Cared Kuşner Qəzza sektorunun bərpası ilə bağlı təklif hazırlayıblar.
"Far.Az"un məlumatına görə, bu barədə "The Wall Street Journal" (WSJ) mənbələrə istinadən xəbər verib.
Qeyd olunub ki, "Şəfəq layihəsi" ("Project Sunrise") "bombalanmış anklavı parlaq metropoliyaya çevirməyi" hədəfləyir. ABŞ tərəfinin hesablamalarına görə, bunun üçün 10 il və 112,1 milyard dollar tələb olunacaq. Planda Qəzzanın bərpasını hansı ölkə və şirkətlərin maliyyələşdirəcəyi, həmçinin rekonstruksiya dövründə 2 milyon fələstinlinin harada yaşayacağı barədə dəqiq məlumat yoxdur.
WSJ yazır ki, aşinqton bu layihədə əsas oyunçu olmağa, "60 milyard dollar məbləğində qrantın ayrılmasını dəstəkləməyə və bütün işlərin aparılması üçün kreditlərin qarantı kimi çıxış etməyə" hazırdır. Planlaşdırılır ki, 10 ildən sonra Qəzza sektoru bərpa prosesinin növbəti mərhələlərini özü maliyyələşdirə bilsin və nəticədə kreditlərin ödənilməsinə başlasın. ABŞ-nin adı açıqlanmayan rəsmisi qəzetə bildirib ki, təklif artıq körfəzin zəngin krallıqları, Türkiyə və Misir də daxil olmaqla, potensial donorlara təqdim edilib.
Uitkoff, Kuşner və digər rəsmilər son 45 gün ərzində plan üzərində işləyib İsraillə, özəl sektor nümayəndələri və podratçılarla məsləhətləşmələr aparıblar. "The Wall Street Journal"ın məlumatına görə, ABŞ administrasiyasının bəzi üzvləri bu layihəyə skeptik yanaşıblar, radikal fələstin qruplaşması HƏMAS-ın silahı yerə qoymağa hazır olub-olmamasını və Vaşinqtonun digər ölkələri "təhlükəli müharibədən sonrakı zonanı yüksək texnologiyalı şəhər məkanına çevirmək" üçün investisiya qoymağa inandırmaq şanslarını şübhə altına alıblar.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Mehriban Əliyeva Vatikanda Müqəddəs Komodilya katakombalarının bərpası layihəsinin açılışında iştirak edib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Uitkoff və Kuşner Zelenski ilə danışıqlar aparmaq üçün Berlinə səfər ediblər
Zelenskinin Berlində Uitkofla danışıqları sabah davam edəcək - YENİLƏNİB-2
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













