Azərbaycanda cari ilin 10 ayında əmək müqavilələrinin sayı 59 min artıb
Azərbaycanda cari ilin yanvar-oktyabr aylarında əmək müqavilələrinin sayında ötən ilin eyni dövrü ilə müqayisədə 59 min artım müşahidə olunub.
"Far.Az" xəbər verir ki, bu barədə əmək və əhalinin sosial müdafiəsi naziri Anar Əliyev "Dövlət-biznes əməkdaşlığı forumu"nda çıxışı zamanı bildirib.
Onun sözlərinə görə, son illər ərzində sosial sahədə Azərbaycan Prezidenti İlham Əliyevin rəhbərliyi altında reallaşdırılan genişmiqyaslı islahatlar və tətbiq edilən sosial zərflər əhalinin rifah səviyyəsinin yüksəlməsinə, həmçinin bu istiqamətdə icra olunan proqramların genişləndirilməsinə təkan verib:
"Eyni zamanda milli işçi qüvvəsinin rəqabətqabiliyyətliliyinin və əmək məhsuldarlığının yüksəldilməsi üçün 1 800-dən artıq peşə və kvalifikasiya standartı hazırlanaraq bu sahədə maraqlı tərəflərin, o cümlədən işəgötürənlərin istifadəsinə təqdim edilib. Ötən dövr ərzində illik əsasda işlə təmin olunanların sayı 3,4 dəfə, özünüməşğulluq proqramına cəlb edilənlərin sayı 5,7 dəfə, peşə hazırlığına yönləndirilənlərin sayı 4,1 dəfə, sosial tərəfdaşlıq çərçivəsində kvota üzrə işlə təmin olunanların sayı 2,6 dəfə, əməkhaqqının birgə maliyyələşməsi proqramına qoşulanların sayı isə 3,5 dəfə yüksəlib".
Nazir deyib ki, il ərzində Dövlət Məşğulluq Agentliyi tərəfindən 500 minə yaxın işsiz və ya işaxtaran vətəndaşla aktiv məşğulluq tədbirləri çərçivəsində iş aparılır:
"Gələn il də bu ödənişlə əhatə olunanların sayı son illərlə müqayisədə 4 dəfədən çox artaraq 16 min nəfərə çatacaq, bu məqsədlə ayrılan vəsaitin həcmi isə 10 dəfədən çox artaraq 36 milyon manat təşkil edəcək. Eyni zamanda, sığorta ödənişinin orta məbləği 2 dəfə artaraq 480 manata yüksəlib".
Oxşar xəbərlər
İlham Əliyev Lənkəran Dövlət Peşə Təhsil Mərkəzinin açılışında iştirak edib
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
WUF13-ün beşinci günündən maraqlı anlar - FOTOREPORTAJ
Mədəniyyət və Sənətkarlıq üzrə Bakı Dövlət Peşə Təhsili Mərkəzində inklüziv təlim və tədris mərkəzi yaradılıb
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













