Tokayev Yaponiya şirkətlərini Orta Dəhlizin inkişafında iştirak etməyə çağırıb
Far.Az xəbər saytı

Tokayev Yaponiya şirkətlərini Orta Dəhlizin inkişafında iştirak etməyə çağırıb


Yaponiya Qazaxıstanın Aktau limanında gömrük prosedurlarının təkmilləşdirilməsinə qoşulacaq.

"Far.Az" Akordaya istinadən xəbər verir ki, bunu Qazaxıstan Prezidenti Kasım-Jomart Tokayev Tokioda keçirilən "Mərkəzi Asiya - Yaponiya" dialoqunun birinci sammitində bildirib.

"Yaponiya hökumətinin Aktau limanında gömrük prosedurlarının təkmilləşdirilməsində iştirak etmək qərarını alqışlayırıq", - o deyib.

K.Tokayevin sözlərinə görə, Mərkəzi Asiyanın tranzit və logistika potensialı Yaponiya üçün əhəmiyyətli imkanlar yaradır. Burada regionun Şərq və Qərb, həmçinin Şimal və Cənub arasında ticarət yollarının mühüm kəsişmə nöqtəsi olması da rol oynayır.

"Asiya və Avropa arasında quru yük daşımalarının 80 %-dən çoxu Qazaxıstan ərazisindən həyata keçirilir. Transxəzər Beynəlxalq Nəqliyyat Marşrutunun inkişafı xüsusi əhəmiyyət kəsb edir. Yaponiya şirkətlərinin gələcəkdə Orta Dəhliz boyunca dəmir yolu, liman, avtomobil və logistika infrastrukturunun inkişafında iştirakını faydalı hesab edirik", - o qeyd edib.

Bundan başqa, K.Tokayev turizm sahəsində Yaponiya ilə əməkdaşlığın prioritet istiqamətlərini qeyd edib.

Bu kontekstdə vahid Mərkəzi Asiya turizm marşrutunun hazırlanmasına, viza prosedurlarının sadələşdirilməsinə maraq ifadə edilib. Prezidentin sözlərinə görə, bu, Yaponiyadan olan turistlərə bir səyahət çərçivəsində regionun bir neçə ölkəsində olmağa imkan verəcək.

Oxşar xəbərlər

Bakıda D-8 ölkələrinin Gənclər Dialoqunun rəsmi açılış mərasimi keçirilib
Şimaldan Cənuba, Qərbdən Şərqə uzanan yollar: Azərbaycanın nəqliyyat-logistika sahəsində uğurları
Prezident İlham Əliyev Yaxın Şərq Sülh Sammitində iştirak edib
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Ən son xəbərləri bizim

"Facebook" səhifəmizdə izləyin

Digər xəbərlər