İlham Əliyev Ağdamdan hansı mesajları verdi?
Ağdam şəhərinin tarixində yeni səhifə açılır. Uzun illər işğalın xarabalığa çevirdiyi şəhərə bu gün ağdamlılar qayıdırlar. Bu qayıdış təkcə fiziki deyil, 30 ilə yaxın davam edən böyük ədalətsizliyə verilmiş tarixi cavabdır.
Prezident İlham Əliyev Ağdama qayıdan sakinlərlə görüşdə bildirib ki, şəhərin tamamilə dağıdılması təsadüf deyildi: "Bu, Ermənistan dövlətinin məqsədyönlü siyasəti, bizə qarşı olan düşmənçiliyin bariz nümunəsi idi. Məqsəd də tam aydın idi. Birincisi, talançılıq. Çünki bütün binaların daşları bir-bir sökülərək talan edilmişdir, müxtəlif yerlərdə, Ermənistan ərazisində satılmışdır. Digər tərəfdən, Ermənistan dövləti bu bölgələrdə Azərbaycan xalqının tarixi irsini tamamilə silmək istəyirdi. Ancaq səhv etdilər. Biz, xalqımız bütün bu əzablı illər ərzində bir amalla yaşamışıq ki, öz doğma dədə-baba torpaqlarımıza qayıdaq və qayıdandan sonra bu torpaqları, bu şəhərləri, kəndləri bərpa edək. Azərbaycan xalqı heç vaxt işğalla barışmamışdır".
İşğal illərində ən ağır zərbə təkcə torpaqlara yox, beynəlxalq ədalət anlayışına da vuruldu. Prezident çıxışında açıq şəkildə vurğuladı ki, Ermənistan-Azərbaycan münaqişəsi zamanı Qərbin və beynəlxalq institutların mövqeyi açıq-aşkar ayrı-seçkilik nümunəsi idi.
BMT qətnamələri kağız üzərində qaldı. İşğalçıya qarşı heç bir sanksiya tətbiq olunmadı. Əksinə, Ermənistan müxtəlif mənbələrdən siyasi, maliyyə və hərbi dəstək aldı. Separatçı rejimin nümayəndələri Avropa paytaxtlarında qəbul edildi. ABŞ və Fransada ianə kampaniyaları keçirildi.
Prezidentin sözlərinə görə, bu, beynəlxalq hüququn deyil, ikili standartların işlədiyini göstərirdi.
Daha ətraflı Baku TV-nin videomaterialında:
Oxşar xəbərlər
Prezident İlham Əliyev Əfv Sərəncamı imzalayıb
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
İlham Əliyev Ağdamda 2-ci yaşayış kompleksinin açılışında iştirak edib və buraya köçən sakinlərlə görüşüb - YENİLƏNİB
Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4
Ən son xəbərləri bizim
"Facebook" səhifəmizdə izləyin
Digər xəbərlər
-
Macarıstan Xorvatiya vasitəsilə neft tədarükünə dair danışıqlara başlayıb
-
Almaniyada məlumat sızıntısına görə "Deutsche Bank" barəsində araşdırma başladılıb
-
Böyük Britaniya Ukraynaya mindən çox uzaqmənzilli dron verəcək
-
General Natiq Əliyevin qızı ilə bağlı qərar verildi
-
AzTV-də yeni dövr başlayır: Televiziyada nələr dəyişəcək?
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu













