Hindistanın "IndiGo" aviaşirkəti İran ətrafında vəziyyətlə əlaqədar fevralın 28-dək Tbilisi, Almatı, Bakı və Daşkəndə bütün uçuşları ləğv edir.

"Report" xarici KİV-ə istinadən xəbər verir ki, aviaşirkət bu qərarın müştərilər, heyət üçün təhlükəsiz və rahat təcrübə təmin etmək üçün tədbirlərin bir hissəsi olduğunu bildirib.

Qeyd edilib ki, müştərilər alternativ səyahət variantlarını araşdıra və ya tam geri qaytarma əldə edə bilərlər.

Uçuşların ləğvi İran hava məkanından keçən və ya ona yaxın marşrutlara təsir edir. "Lufthansa" və "Air France" daxil olmaqla, bir neçə Avropa aviadaşıyıcısı yanvarın 23-dən bəri ABŞ-nin İrana hərbi zərbə endirmə ehtimalına görə regional hava məkanı üzərində ciddi təhlükəsizlik narahatlığı yaratdığından Yaxın Şərq uçuşlarını dayandırıb və ya marşrutlarını dəyişib.

Almaniya bütün milli aviadaşıyıcılara fevralın 10-dək İran hava məkanından qaçmağı tövsiyə edib, Avropa İttifaqının Aviasiya Təhlükəsizliyi Agentliyi isə hava müdafiə sistemlərinin və gözlənilməz hərbi fəaliyyətin yaratdığı risklərə görə aviaşirkətləri İran hava məkanından yayınmağa çağırıb.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Vətən müharibəsində Qələbənin beşinci ildönümünə həsr olunmuş Hərbi parad keçirilib