BƏƏ İranın milyardlarla dollarlıq aktivlərini dondura bilər
Birləşmiş Ərəb Əmirlikləri (BƏƏ) İranın hücumlarına cavab olaraq bu ölkəyə məxsus milyardlarla dollar dəyərində aktivləri dondura bilər.
BAKU.WS xəbər verir ki, bu barədə "The Wall Street Journal" yazıb.
Məlumata görə, BƏƏ ərazisində qeydiyyatdan keçmiş, İranla əlaqəli olan şirkətlərin və xüsusilə İslam İnqilabı Keşikçiləri Korpusu ilə bağlı hesabların bloklanması məsələsini müzakirə edir.
Bundan əlavə, İranın sanksiyalardan yayınmaq üçün istifadə etdiyi valyuta mübadilə məntəqələrində genişmiqyaslı yoxlamaların aparılması da nəzərdən keçirilir. Bildirilir ki, bəzi İran şirkətləri məhz BƏƏ vasitəsilə qeyri-rəsmi maliyyə əməliyyatları həyata keçirirlər.
Qeyd olunur ki, belə bir qərar qəbul edilərsə, Tehranın xarici valyutaya və beynəlxalq ticarət şəbəkələrinə çıxışı ciddi şəkildə məhdudlaşa bilər. Nəşr vurğulayır ki, İran iqtisadiyyatı artıq yüksək inflyasiyadan əziyyət çəkir və hazırda hərbi qarşıdurma fonunda vəziyyət daha da ağırlaşıb.
Məlumata görə, 28 fevral tarixindən etibarən BƏƏ ərazisi İran tərəfindən həyata keçirilən raket və pilotsuz uçuş aparatları hücumlarına məruz qalır. Bu hücumlar ABŞ və İsrailin İran ərazisinə endirdiyi birgə hərbi zərbələrə cavab kimi qiymətləndirilir.
Həmçinin bildirilib ki, 5 mart tarixində İran Əbu-Dabi beynəlxalq hava limanı yaxınlığında yerləşən ABŞ hərbçilərinin qərargahını da hədəfə alıb.
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













