Yer kürəsində zəif və orta intensivlikli maqnit qasırğaları gözlənilir. Buna səbəb Günəşdə baş verən güclü alışmadan sonra kosmosa atılan plazma axınıdır.

BAKU.WS xəbər verir ki, mütəxəssislərin məlumatına görə, geomaqnit pozuntularının səviyyəsi G1–G2 intervalına çatacaq. Hadisəyə martın 30-da qeydə alınan X1.5 sinifli Günəş alışması səbəb olub. Aktivliyin pik həddinin əsasən bu gün müşahidə ediləcəyi bildirilir.

Qeyd olunur ki, təsirlər növbəti gün də qismən davam edə bilər. Lakin maqnit qasırğası səviyyəsinə əsasən bu gün çatacağı gözlənilir.

Alimlər bildirir ki, G2 səviyyəli qasırğalar yüksək enliklərdə enerji sistemlərində gərginlik siqnallarına səbəb ola bilər. Uzunmüddətli təsir zamanı transformatorlara ziyan vurma ehtimalı da istisna edilmir.

Bundan əlavə, kosmik texnologiyalarda müəyyən nasazlıqlar yarana bilər. Peyklərin idarə olunmasında düzəlişlər tələb oluna, atmosfer sıxlığındakı dəyişikliklər isə onların orbitinə təsir göstərə bilər.

Həmçinin belə dövrlərdə yüksək tezlikli radio siqnallarının yayılması zəifləyə bilər. Qütb parıltılarının isə 55 dərəcə şimal enliklərinə qədər müşahidə olunması mümkündür.

Oxşar xəbərlər

Heydər Əliyev Fondunun dəstəyi ilə alınan musiqi alətlərinin təqdimatı olub

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2