Paytaxtın simasına zərbə: Buna kim cavabdehdir?
"Bizim ən böyük dəyərlərimizdən biri də gözəl Bakı şəhəridir. İstənilən iri şəhərimizin, qəsəbələrimizin və kəndlərimizin tarixi-memarlıq üslubunun qorunması baxımından hər kəs həssaslıq göstərməlidir".
Bunu Far.Az-ə açıqlamasında siyasi elmlər üzrə fəlsəfə doktoru, politoloq Şəbnəm Həsənova bildirib.
Onun sözlərinə görə, bu gün Azərbaycan, xüsusilə daha çox turist cəlb edən Bakı təhlükəsizlik baxımından nümunəvi şəhərlər sırasındadır:
"Eləcə də digər şəhər və yaşayış məntəqələrimiz təhlükəsizdir. Məhz bunun nəticəsidir ki, Azərbaycan nümunə kimi göstərilir və ölkəmizə böyük maraq və rəğbət mövcuddur. Həmçinin Bakı dünyanın ən təmiz və gözəl paytaxtlarından biri hesab olunur. Buna görə də tarixi binaların yöndəmsiz şəkildə zədələnməsi və onların görkəminin dəyişdirilməsi son dərəcə yanlış yanaşmadır.
Bu məsələdə yalnız dövlətin deyil, cəmiyyətin də üzərinə böyük məsuliyyət düşür. Cəmiyyət şüurlu addımlar atmalı, xüsusilə valideynlər bu məsələdə övladlarını düzgün istiqamətləndirməlidirlər. Bakı təmizlik və gözəllik ilə seçilməlidir, xoşagəlməz yazı və görüntülərlə deyil. Bu cür hallar bizim dəyərlərimizə qarşı hörmətsizlik, vandalizm nümunəsidir. Eyni zamanda bu düşünülməmiş addımlar dövlətin və şəhərin inkişafı üçün sərf olunan resurslara qarşı da yanlış münasibət deməkdir".
Ekspert əlavə edib ki, gənclər məsuliyyətli olmalı, nümunəvi davranış sərgiləməlidirlər:
"Bu gün müasir texnologiyalar gənclərə öz üzərində işləmək üçün saysız-hesabsız imkanlar yaradır. Ən vacib məqamlardan biri isə başqalarının əməyinə hörmətlə yanaşmağı öyrənməkdir. Şəhərin gözəlliyini korlamaq yaradıcılıq deyil, əksinə, dağıdıcı davranışdır. Valideynlər övladlarının davranışına ciddi nəzarət etməlidirlər.
Dövlətin və cəmiyyətin əsas sütunlarından biri ideoloji dayanıqlılıqdır və bu baxımdan mülkiyyətə hörmət, estetik zövq və məsuliyyət hissinin formalaşdırılması gənclər üçün son dərəcə vacibdir. Uşaqların evdən kənarda necə davrandığını bilmək valideynin birbaşa məsuliyyətidir".
Oxşar xəbərlər
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2
Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar
Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib
Ən son xəbərləri bizim
"Facebook" səhifəmizdə izləyin
Digər xəbərlər
-
Azərbaycan BP ilə birgə enerji layihələrinin inkişafını müzakirə edib – Yenilənib
-
Almaniyada məlumat sızıntısına görə "Deutsche Bank" barəsində araşdırma başladılıb
-
Macarıstan Xorvatiya vasitəsilə neft tədarükünə dair danışıqlara başlayıb
-
General Natiq Əliyevin qızı ilə bağlı qərar verildi
-
Azərbaycanda ağır qəza - Ölənlərin sayı artır: Həlak olan ata və azyaşlı qızının fotosu
-
Azərbaycan-Türkiyə müttəfiqlik münasibətlərinin cari gündəliyi müzakirə olunub













