İran Xarici İşlər Nazirliyinin sözçüsü İsmail Bəqayi Avropa Birliyinin beynəlxalq hüquqa riayət etməyin vacibliyi ilə bağlı açıqlamalarını sərt tənqid edərək, onları ikiüzlülüyün zirvəsi adlandırıb.

"Report" xəbər verir ki, o, bu barədə özünün "X" səhifəsində Avropa İttifaqının ali nümayəndəsi, Avropa Komissiyasının vitse-prezidenti Kaya Kallasın Hörmüz boğazından gəmilərin sərbəst və ödənişsiz keçidini təmin etmək çağırışını şərh edərkən yazıb.

Onun sözlərinə görə, Avropa beynəlxalq hüquqla bağlı ritorikaya yalnız digər ölkələrə mühazirə oxumağa çalışdıqda müraciət edir, ABŞ və İsrailin İrana qarşı hərəkətlərinə isə göz yumur.

"Avropanın təbliğ etdiyi kimi tətbiq etməkdə xroniki uğursuzluğu onun beynəlxalq hüquqa olan iddialarını ikiüzlülüyün zirvəsinə qaldırıb".

O, həmçinin vurğulayıb ki, beynəlxalq hüququn heç bir prinsipi sahil dövləti kimi İrana Hörmüz boğazından ölkəyə qarşı hərbi təcavüz üçün istifadənin qarşısını almaq üçün lazımi tədbirləri görməyi qadağan etmir.

Kaya Kallas daha əvvəl sosial mediada Hörmüz boğazından pulsuz və ödənişsiz naviqasiyanın təmin edilməsinin vacibliyindən danışmışdı. O, həmçinin Avropa Birliyinin Qırmızı dənizdə yerləşdirilən Aspides missiyasını bu məqsədlər üçün yenidən istifadə etməyə hazır olduğunu açıqlamışdı.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4