Türkiyə Azərbaycanla Ermənistan arasında sülh sazişinin qısa müddətdə imzalanacağına ümid etdiyini açıqlayıb.

BAKU.WS xəbər verir ki, bu barədə Türkiyənin xarici işlər naziri Hakan Fidan Antalya Diplomatiya Forumunun yekunlarına dair keçirilən brifinqdə danışıb.

Nazir bildirib ki, tərəflər arasında razılaşmanın əldə olunması region üçün mühüm mərhələ olacaq və proses artıq son mərhələyə yaxınlaşıb.

Hakan Fidanın sözlərinə görə, Azərbaycan, Türkiyə və Ermənistan arasında münasibətlərin normallaşması yalnız siyasi deyil, həm də iqtisadi baxımdan ciddi üstünlüklər vəd edir. O qeyd edib ki, Orta Dəhlizin inkişafında Cənubi Qafqazın sabitliyi əsas rol oynayır.

Nazir həmçinin vurğulayıb ki, Zəngəzur dəhlizi Türkiyə üçün strateji əhəmiyyət daşıyır və bu istiqamətdə Avropa İttifaqı ilə də əməkdaşlıq aparılır.

Fidan əlavə edib ki, sülh sazişinin imzalanması region ölkələrinin ümumi inkişafına təkan verəcək və Türkiyə bu prosesə dəstəyini davam etdirir.

Oxşar xəbərlər

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib