İspaniya, Sloveniya və İrlandiya Avropa İttifaqı (Aİ) və İsrail arasında assosiasiya sazişinin mümkün dayandırılması məsələsinin Brüsseldə müzakirəyə çıxarılması təşəbbüsü ilə çıxış ediblər.

"Report" "The Guardian"a istinadən xəbər verir ki, bu barədə İspaniyanın xarici işlər naziri Xose Manuel Albares Aİ xarici işlər nazirləri Şurasının Brüsseldə keçirilən iclasından əvvəl bildirib.

Albaresin sözlərinə görə, söhbət Aİ-yə etimad məsələsindən və onun bütün beynəlxalq vəziyyətlərdə vahid prinsipləri ardıcıl şəkildə müdafiə etmək bacarığından gedir.

"Əgər Aİ bu gün İsrailə ondan insan haqlarına və beynəlxalq hüquqa hörmət gözlənildiyini deyə bilmirsə, yaxud müharibədən xarici siyasət aləti kimi istifadəni dayandırmağı tələb edə bilmirsə, biz ittifaqa olan etimadı itirəcəyik", - Albares deyib.

"Biz Ukrayna ilə bağlı Rusiyaya dediklərimizin və digər vəziyyətlərdə dediklərimizin eynisini deməliyik", - o qeyd edib.

Albares əlavə edib ki, Aİ İsrailə münasibətdə daha dəqiq mövqe tutmalıdır. "Bu, yanlış yoldur və nə qədər ki, İsrail daimi, fasiləsiz müharibə yolu ilə getməyə davam edir, biz münasibətlərimizi əvvəlki kimi qura bilməyəcəyik", - o bildirib.

Qeyd edək ki, son illər ərzində Təl-Əviv və Madrid arasında münasibətlər dəyanmadan pisləşir. İspaniya hökuməti Qəzzadakı müharibəyə görə İsrailin ünvanına kəskin tənqidlərlə çıxış edir.

Oxşar xəbərlər

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

İlham Əliyev və Avropa İttifaqı Şurasının Prezidenti mətbuata bəyanatlarla çıxış ediblər - YENİLƏNİB