İstanbulun Pendik rayonunda yerin altında yerləşən boş su anbarında gizlədilmiş külli miqdarda qanunsuz silah hissələri aşkar edilib.

Far.Az xəbər verir ki, bu barədə TRT Haber məlumat yayıb.

Məlumata görə, əməliyyat İstanbul Şəhər Polis İdarəsinin Mütəşəkkil Cinayətkarlıqla Mübarizə şöbəsinin keçirdiyi tədbirlər çərçivəsində həyata keçirilib. Silah qaçaqmalçılığı və qeyri-qanuni istehsalla bağlı aparılan araşdırmalar zamanı sözügedən ərazi xüsusi nəzarətə götürülüb.

Dronla aparılan müşahidə zamanı bəzi şəxslərin torpaq altına daxil olub-çıxdığı diqqət çəkib. Sonrakı araşdırmalar nəticəsində onların istifadə etdiyi yerin yeraltı, istifadəsiz qalmış su anbarı olduğu müəyyənləşdirilib.

Polis əməkdaşlarının keçirdiyi əməliyyat zamanı anbarın içərisində kisələrdə gizlədilmiş minlərlə silah hissəsi aşkarlanıb. Ümumilikdə 3 092 ədəd müxtəlif detal, o cümlədən 1 869 ədəd tapança sürgüsü və digər aksesuarlar ələ keçirilib.

Əməliyyat nəticəsində dörd şübhəli şəxs saxlanılıb.

Qeyd olunur ki, bu, Türkiyə ərazisində bir əməliyyat çərçivəsində aşkarlanan ən iri həcmli qanunsuz silah istehsal hissələrindən biri hesab olunur. Hazırda faktla bağlı araşdırmalar davam etdirilir.

Oxşar xəbərlər

İranın dronla vurduğu Naxçıvan aeroportunun içindən GÖRÜNTÜLƏR

Bakıda tanınmış şirkət bahalı maşınlarını ucuz qiymətə satışa çıxardı - SİYAHI

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB